ನವದೆಹಲಿ,ಜೂ.16 – ದೇಶದಲ್ಲಿ ಕಳೆದ ದಶಕದಲ್ಲಿ ಕೇಂದ್ರ ಸಾರ್ವಜನಿಕ ಉದ್ಯಮಗಳಲ್ಲಿ 2.7 ಲಕ್ಷ ಉದ್ಯೋಗ ಕಡಿಮೆಯಾಗಿದೆ ಎಂದು ಕೇಂದ್ರ ಸರ್ಕಾರದ ಅಂಕಿ ಅಂಶಗಳು ತಿಳಿಸಿವೆ.
ಇದೇ ವೇಳೆ ಸಾರ್ವಜನಿಕ ವಲಯದ ಉದ್ಯಮಗಳಲ್ಲಿ ಉದ್ಯೋಗ ಕಡಿತದ ಜೊತೆಗೆ ಗುತ್ತಿಗೆ ಉದ್ಯೋಗದ ಸಂಖ್ಯೆ ಹೆಚ್ಚಾಗಿದೆ ಎಂದು ಹೇಳಲಾಗಿದೆ.
2012-13 ರಿಂದ 2021-22 ರವರೆಗಿನ ಸಾರ್ವಜನಿಕ ಉದ್ಯಮಗಳ ಸಮೀಕ್ಷೆಯ ವರದಿಗಳ ವಿಶ್ಲೇಷಣೆಯಿಂದ ಈ ಮಾಹಿತಿ ಹೊರ ಹಾಕಲಾಗಿದೆ.
ಕೇಂದ್ರ ಸರ್ಕಾರದ ಶಾಸನಬದ್ಧ ನಿಗಮಗಳು ಮತ್ತು ಈ ಕಂಪನಿಗಳ ಅಂಗಸಂಸ್ಥೆಗಳನ್ನು ಒಳಗೊಳ್ಳುವ ಸಮೀಕ್ಷೆ ಮಾಡಲಾಗಿದ್ದು ಶೇ 50 ಕ್ಕಿಂತ ಹೆಚ್ಚು ಈಕ್ವಿಟಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ, ಮಾರ್ಚ್ 2013 ರಲ್ಲಿ 17.3 ಲಕ್ಷ ಉದ್ಯೋಗಿಗಳಿಂದ, ಮಾರ್ಚ್ 2022 ಕ್ಕೆ ಅಂಕಿ 14.6 ಲಕ್ಷಕ್ಕೆ ಕಡಿಮೆಯಾಗಿದೆ ಎಂದು ತೋರಿಸಿದೆ.
ಪ್ರಸ್ತುತ 389 ಸಾರ್ವಜನಿಕ ಉದ್ಯಮ ಒಳಗೊಂಡಿದೆ, ಅದರಲ್ಲಿ 248 ಕಾರ್ಯನಿರ್ವಹಿಸುತ್ತಿವೆ ಎಂದು ಕೇಂದ್ರ ಸರ್ಕಾರದ ಅಂಕಿ ಅಂಶಗಳು ಈ ವಿಷಯ ತಿಳಿಸಿವೆ
ಒಟ್ಟು ಉದ್ಯೋಗದಲ್ಲಿ 2.7 ಲಕ್ಷದಷ್ಟು ಕಡಿತವನ್ನು ಹೊರತುಪಡಿಸಿ, ಉದ್ಯೋಗದ ಪ್ರಕಾರದಲ್ಲಿ ಗಮನಾರ್ಹ ಬದಲಾವಣೆಯಾಗಿದೆ. ಮಾರ್ಚ್ 2013 ರಲ್ಲಿ, ಒಟ್ಟು 1.7 ಲಕ್ಷ ಉದ್ಯೋಗಿಗಳಲ್ಲಿ, ಶೇ. 17 ಗುತ್ತಿಗೆಯಲ್ಲಿದ್ದರೆ ಶೇ., 2.5 ರಷ್ಡು ಕ್ಯಾಶುಯಲ್/ದೈನಂದಿನ ಕೆಲಸಗಾರರಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ತಿಳಿಸಲಾಗಿದೆ.
ಗುತ್ತಿಗೆ ಕಾರ್ಮಿಕರ ಪಾಲು 2022 ರಲ್ಲಿ ಶೇ. 36ಕ್ಕೆ ಏರಿದೆ ಮತ್ತು ಸಾಂದರ್ಭಿಕ ,ದೈನಂದಿನ ಕಾರ್ಮಿಕರ ಪಾಲು ಶೇ. 6.6 ಕ್ಕೆ ಏರಿದೆ. ಒಟ್ಟಾರೆಯಾಗಿ, ಮಾರ್ಚ್ 2022 ರ ಹೊತ್ತಿಗೆ ಶೇ. 42.5 ರಷ್ಟು ಉದ್ಯೋಗಿಗಳು ಗುತ್ತಿಗೆ ಅಥವಾ ಸಾಂದರ್ಭಿಕ ಕಾರ್ಮಿಕರ ವರ್ಗಕ್ಕೆ ಸೇರಿದ್ದಾರೆ ಎಂದು ತಿಳಿಸಿದೆ.
ಹೆಚ್ಚು ಉದ್ಯೋಗಗಳನ್ನು ಸೃಷ್ಟಿಸಿದ ಪಿಎಸ್‌ಯುಗಳಿಗೆ ಬಂದಿರುವ ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ಕಳೆದ ಹತ್ತು ವರ್ಷಗಳಲ್ಲಿ ಸುಮಾರು 80,000 ಉದ್ಯೋಗಗಳನ್ನು ಸೇರಿಸುವುದರೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.
ಲಾಭ ಗಳಿಸುವ ಉದ್ಯಮಗಳ ಒಟ್ಟು ಲಾಭ 2.6 ಲಕ್ಷ ಕೋಟಿ ರೂ.ಗಳಷ್ಟಿದ್ದರೆ, ರೆಡ್‌ನಲ್ಲಿರುವವರ ಒಟ್ಟು ನಷ್ಟ 1.5 ಲಕ್ಷ ಕೋಟಿಗಳಾಗಿದ್ದು, ಹೆಚ್ಚಿನ ಸಿಪಿಎಸ್‌ಇಗಳು ಬಿಳಿ ಆನೆಗಳಾಗಿ ಮಾರ್ಪಟ್ಟಿವೆ ಎನ್ನುವ ಮಾಹಿತಿ ತಿಳಿಸಿದೆ.
