ಹೆಚ್ಚುವರಿಯಾಗಿ 30100 ವಯಲ್ಸ್ ಆಂಪೋಟೆರಿಸಿನ್ – ಬಿ‌ ಪೂರೈಕೆ: ಡಿವಿಎಸ್

ನವದೆಹಲಿ,ಮೇ.31-ಕೊರೋನಾ‌ ಸೋಂಕು ವಿರುದ್ದದ ಹೋರಾಟದಲ್ಲಿ ನೆರವಾಗುವ 30100 ವಯಲ್ಸ್ ಆಂಪೋಟೆರಿಸಿನ್ – ಬಿ‌ ಔಷಧಿಯನ್ನು ಹೆಚ್ಚುವರಿಯಾಗಿ ರಾಜ್ಯಗಳಿಗೆ ಪೂರೈಕೆ ಮಾಡಲಾಗಿದೆ ಎಂದು ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆ ಸಚಿವ ಡಿವಿ ಸದಾನಂದಗೌಡ ಹೇಳಿದ್ದಾರೆ.

ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಕ್ಕೆ ಇಂದು ಹಂಚಿಕೆ ಮಾಡಿರುವ ಔಷಧದ ಪೈಕಿ ಕರ್ನಾಟಕಕ್ಕೆ 1930 ವಯಲ್ಸ್ ಹಂಚಿಕೆ ಮಾಡಿರುವುದಾಗಿ ತಿಳಿಸಿದ್ದಾರೆ.

ಈ ಸಂಬಂಧ ಟ್ವೀಟ್ ಮಾಡಿರುವ ಅವರು, ಮಹಾರಾಷ್ಟ್ರಕ್ಕೆ 5900 ವಯಲ್ಸ್, ಗುಜರಾತ್ ಗೆ 5630 ವಯಲ್ಸ್ , ರಾಜಸ್ಥಾನಕ್ಕೆ 3670 ವಯಲ್ಸ್, ಮಧ್ಯಪ್ರದೇಶಕ್ಕೆ 1920 ವಯಲ್ಸ್, ಉತ್ತರಪ್ರದೇಶಕ್ಕೆ 1710 ವಯಲ್ಸ್ , ಕೇಂದ್ರ ಸಂಸ್ಥೆಗಳಿಗೆ 1 260 ವಯಲ್ಸ್, ದೆಹಲಿಗೆ 1190 ವಯಲ್ಸ್, ಹಂಚಿಕೆ ಮಾಡಲಾಗಿದೆ ಎಂದು ಹೇಳಿದ್ದಾರೆ.

ರಾಜ್ಯಗಳು ಕೇಂದ್ರಾಡಳಿತ ಪ್ರದೇಶ ಸೇರಿದಂತೆ ದೇಶದೆಲ್ಲೆಡೆ 30100 ವಯಲ್ಸ್ ಹಂಚಿಕೆ ಮಾಡಲಾಗಿದೆ ಮುಂದಿನ ದಿನಗಳಲ್ಲಿ ಇನ್ನಷ್ಟು ಪ್ರಮಾಣದ ಔಷಧಿ ಪೂರೈಕೆ ಮಾಡುವುದಾಗಿ ಅವರು ತಿಳಿಸಿದ್ದಾರೆ