ನವದೆಹಲಿ,ನ.೧೩-ವಿಶ್ವದಾಖಲೆ ೨೨ ಲಕ್ಷ ದೀಪಗಳನ್ನು ಅಯೋಧ್ಯೆ ಯ ಸರಯೂ ನದಿಯ ದಡದಲ್ಲಿ ಬೆಳಗಿಸಿದ ಒಂದು ದಿನದ ನಂತರ, ಕೆಲವು ಮಕ್ಕಳು ಘಾಟ್‌ನಲ್ಲಿ ಬೆಳಗಿಸಿದ ಹಣತೆಯ ದೀಪಗಳಿಂದ ಎಣ್ಣೆಯನ್ನು ಕದ್ದು ತೆಗೆದು ಪಾತ್ರೆಗಳಲ್ಲಿ ತುಂಬುತ್ತಿರುವ ವೀಡಿಯೊವನ್ನು ಎಕ್ಸ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಇದರಲ್ಲಿ ಅವರು ದೈವತ್ವದ ನಡುವೆ ಬಡತನ ಎಂದು ಬರೆದಿದ್ದಾರೆ. ಎಲ್ಲಿ ಬಡತನವು ದೀಪಗಳಿಂದ ಎಣ್ಣೆಯನ್ನು ತೆಗೆದುಕೊಳ್ಳುವಂತೆ ಒತ್ತಾಯಿಸಿದರೆ, ಅಲ್ಲಿ ಆಚರಣೆಯ ಬೆಳಕು ಮಂದವಾಗುತ್ತದೆ. ಘಟ್ಟ ಮಾತ್ರವಲ್ಲದೆ ಪ್ರತಿಯೊಬ್ಬ ಬಡವರ ಮನೆಯೂ ಬೆಳಗುವ ಹಬ್ಬ ಬರಲಿ ಎಂಬುದು ನಮ್ಮ ಹಾರೈಕೆ ಎಂದಿದ್ದಾರೆ.
ಏಳನೇ ಆವೃತ್ತಿಯ ದೀಪೋತ್ಸವವು ಅಯೋಧ್ಯೆಯ ಸರಯೂ ನದಿಯ ದಡದಲ್ಲಿ ೨೨ ಲಕ್ಷಕ್ಕೂ ಹೆಚ್ಚು ಮಣ್ಣಿನ ದೀಪಗಳನ್ನು ಬೆಳಗಿಸುವ ಮೂಲಕ ದಾಖಲೆ ನಿರ್ಮಿಸಿದೆ.
೨೨.೨೩ ಲಕ್ಷ ಮಣ್ಣಿನ ದೀಪಗಳು – ಕಳೆದ ವರ್ಷಕ್ಕಿಂತ ೬.೪೭ ಲಕ್ಷ ಹೆಚ್ಚು – ೨೫,೦೦೦ ಸ್ವಯಂಸೇವಕರು ನದಿಯ ಉದ್ದಕ್ಕೂ ರಾಮ್ ಕಿ ಪೈಡಿಯ ೫೧ ಘಾಟ್‌ಗಳಲ್ಲಿ ಬೆಳಗಿದರು.
ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಪ್ರತಿನಿಧಿಗಳು ಡ್ರೋನ್ ಬಳಸಿ ದೀಪಗಳನ್ನು ಎಣಿಸುವ ಮೂಲಕ ವಿಶ್ವದಾಖಲೆ ಮಾಡಿದ ನಂತರ ಅಯೋಧ್ಯೆಯು ಜೈ ಶ್ರೀ ರಾಮ್ ಘೋಷಣೆಗಳೊಂದಿಗೆ ಅನುರಣಿಸಿದೆ.
