ಹೈದರಾಬಾದ್,ಸೆ.೨೬-ನಿರ್ದೇಶಕ ರಾಘವೇಂದ್ರ ರಾವ್ ನಿರ್ದೇಶನದ ಪೆಲ್ಲಿ ಸಂಡಾಡ್ ಚಿತ್ರದ ಮೂಲಕ ಕನ್ನಡದ ಚೆಲುವೆ ಶ್ರೀಲೀಲಾ ನಾಯಕಿಯಾಗಿ ಟಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಒಂದೇ ಒಂದು ಸಿನಿಮಾದಿಂದ ಉತ್ತಮ ಜನಪ್ರಿಯತೆ ಗಳಿಸಿದ್ದು ಧಮಾಕಾ ಚಿತ್ರದಲ್ಲಿ ರವಿತೇಜ ಜೊತೆ ಶ್ರೀಲೀಲಾ ನಟಿಸಿ ಮತ್ತೊಂದು ಹಿಟ್ ಪಡೆದರು.
ಶ್ರೀಲೀಲಾ ಪ್ರಸ್ತುತ ಟಾಲಿವುಡ್‌ನಲ್ಲಿ ಜನಪ್ರಿಯ ಹೆಸರು. ಈ ಭಾಮಾ ಸದ್ಯ ಹತ್ತು ಸಿನಿಮಾಗಳಲ್ಲಿ ನಟಿಸುವುದರಲ್ಲಿ ಬ್ಯುಸಿಯಾಗಿದ್ದಾರೆ ಮತ್ತು ತೆಲುಗಿನಲ್ಲಿ ಬಹು ಬೇಡಿಕೆಯ ನಾಯಕಿಯಾದರು. ಅವರ ಇತ್ತೀಚಿನ ಚಿತ್ರ ಸ್ಕಂದ ಸೆಪ್ಟೆಂಬರ್ ೨೮ ರಂದು ಬಿಡುಗಡೆಯಾಗಲಿದೆ.
ಇದೀಗ ಶ್ರೀಲೀಲಾ ಅವರು ಸ್ಟಾರ್ ಹೀರೋನ ಫೋನ್ ನಂಬರ್ ಬ್ಲಾಕ್ ಮಾಡಿದ್ದಾರೆ ಎಂಬುದೇ ಇತ್ತೀಚಿನ ಸುದ್ದಿ. ಶ್ರೀಲೀಲಾ ಮೊದಲು ಕನ್ನಡದಲ್ಲಿ ನಟಿಸಿದ್ದು ಗೊತ್ತೇ ಇದೆ. ಆದರೆ ಕಳೆದ ಕೆಲವು ದಿನಗಳಿಂದ ಕನ್ನಡ ಇಂಡಸ್ಟ್ರಿಯ ಸ್ಟಾರ್ ಹೀರೋ ಒಬ್ಬರು ಶ್ರೀಲೀಲಾಗೆ ಅಶ್ಲೀಲ ಸಂದೇಶಗಳನ್ನು ಕಳುಹಿಸುತ್ತಿದ್ದಾರೆ. ಇದರಿಂದಾಗಿ ಶ್ರೀಲೀಲಾ ಆ ಸ್ಟಾರ್ ಹೀರೋ ನಂಬರ್ ಬ್ಲಾಕ್ ಮಾಡಿದ್ದಾರೆ ಎಂಬುದು ಇತ್ತೀಚಿನ ಸುದ್ದಿ. ಅಲ್ಲದೆ, ಮತ್ತೆ ಈ ರೀತಿ ಮಾಡಿದರೆ ಪೊಲೀಸ್ ಕಂಪ್ಲೇಂಟ್ ದಾಖಲಿಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ. ಇದೀಗ ಈ ಸುದ್ದಿ ಕನ್ನಡ ಚಿತ್ರರಂಗದಲ್ಲಿ ವೈರಲ್ ಆಗಿದೆ.
ಇನ್ನು ಶ್ರೀಲೀಲಾ ಸಿನಿಮಾದ ವಿಚಾರಕ್ಕೆ ಬಂದರೆ
ಪ್ರಭಾಸ್ ಎದುರು ನಟಿಸುವ ಅವಕಾಶ ಶ್ರೀಲೀಲಾಗೆ ಸಿಕ್ಕಿದೆ ಎಂಬ ಮಾಹಿತಿ ಇದೆ. ಪ್ರಭಾಸ್ ಸದ್ಯ ಕಲ್ಕಿ ಎಂಬ ಫ್ಯಾಂಟಸಿ ಆಕ್ಷನ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಚಿತ್ರೀಕರಣ ಶರವೇಗದಲ್ಲಿ ನಡೆಯುತ್ತಿದೆ. ನಾಗ್ ಅಶ್ವಿನ್ ನಿರ್ದೇಶನದ ಈ ಚಿತ್ರದ ನಂತರ ಪ್ರಭಾಸ್ ಲವ್ ಸ್ಟೋರಿ ಮಾಡುತ್ತಿದ್ದಾರಂತೆ.
