ಚೆನ್ನೈ, ಮೇ.೧೨- ಮಹೇಂದ್ರಗಿರಿಯ ಇಸ್ರೋ ಪ್ರೊಪಲ್ಷನ್ ಕಾಂಪ್ಲೆಕ್ಸ್ (ಐಪಿಆರ್‌ಸಿ)ನಲ್ಲಿ ಹೊಸದಾಗಿ ನಿರ್ಮಿಸಲಾಗಿರುವ ಪರೀಕ್ಷಾ ಕೇಂದ್ರದಲ್ಲಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ)ಯು ತನ್ನ ಸೆಮಿ-ಕ್ರಯೋಜೆನಿಕ್ ಎಂಜಿನ್‌ನ ಮಧ್ಯಂತರ ರಚನೆಯ ಮೊದಲ ಸಂಯೋಜಿತ ಪರೀಕ್ಷೆ ನಡೆಸಿದೆ
೨,೦೦೦ ಕಿಲೋ ನ್ಯೂಟನ್ ಸೆಮಿ-ಕ್ರಯೋಜೆನಿಕ್ ಎಂಜಿನ್‌ನ ಪರೀಕ್ಷೆಯನ್ನು ನಡೆಸಲಾಗಿದೆ. ಜತೆಗೆ
ಇನ್ನೂ, ಮಧ್ಯಂತರ ಸಂರಚನೆಯನ್ನು ಪವರ್ ಹೆಡ್ ಟೆಸ್ಟ್ ಆರ್ಟಿಕಲ್ (ಪಿಹೆಚ್‌ಟಿಎ)ನಂತೆ ರೂಪಿಸಲಾಗಿದ್ದು, ಈ ರಚನೆಯು ಥ್ರಸ್ಟ್ ಚೇಂಬರನ್ನು ಹೊರತುಪಡಿಸಿ ಎಲ್ಲಾ ಎಂಜಿನ್ ಸಿಸ್ಟಮ್‌ಗಳನ್ನು ಒಳಗೊಂಡಿದೆ.
ಪ್ರಥಮ ಪರೀಕ್ಷಾ ಸರಣಿಯಲ್ಲಿ ಕಡಿಮೆ ಒತ್ತಡ ಮತ್ತು ಅಧಿಕ ಒತ್ತಡದ ಟರ್ಬೊಪಂಪ್‌ಗಳು, ಗ್ಯಾಸ್ ಜನರೇಟರ್ ಮತ್ತು ನಿಯಂತ್ರಣ ಘಟಕಗಳನ್ನು ಒಳಗೊಂಡಂತೆ ಪ್ರೊಪೆಲ್ಲಂಟ್ ಫೀಡ್ ಸಿಸ್ಟಮ್‌ನ ವಿನ್ಯಾಸವನ್ನು ಮೌಲ್ಯೀಕರಿಸಲು ಪರೀಕ್ಷೆಯನ್ನು ನಡೆಸಲಾಗಿದೆ ಎಂದು ಇಸ್ರೋ ತಿಳಿಸಿದೆ.
ಲಿಕ್ವಿಡ್ ಪ್ರೊಪಲ್ಷನ್ ಸಿಸ್ಟಮ್ಸ್ ಸೆಂಟರ್ (ಎಲ್‌ಪಿಎಸ್‌ಸಿ) ಭಾರತೀಯ ಉದ್ಯಮವು ಸೇರಿಕೊಂಡು ೨೦೦೦ ಕೆಎನ್ ಥ್ರಸ್ಟ್‌ನೊಂದಿಗೆ ಸೆಮಿ-ಕ್ರಯೋಜೆನಿಕ್ ಎಂಜಿನ್‌ನ ಅಭಿವೃದ್ಧಿ ಮತ್ತು ವಿನ್ಯಾಸ ಮಾಡಿದೆ. ಭವಿಷ್ಯದ ವಾಹನಗಳ ಉಡಾವಣಾ ಹಂತಗಳಿಗೆ ಇದು ಶಕ್ತಿ ನೀಡುತ್ತದೆ. ಇವುಗಳು ಲಿಕ್ವಿಡ್ ಆಕ್ಸಿಜನ್ (ಎಲ್‌ಓಎಕ್ಸ್) ಮತ್ತು ಕೆರೋಸಿನ್ ಪ್ರೊಪೆಲ್ಲಂಟ್ ಸಂಯೋಜನೆ ಮೇಲೆ ಕೆಲಸ ಮಾಡುತ್ತದೆ.
ಮೇ ೧೦ರಂದು ಇಸ್ರೋ ಸೆಮಿ- ಕ್ರಯೋಜನಿಕ್?? ಇಂಜಿನ್??ನ ಪರೀಕ್ಷೆ ನಡೆಸಿದ್ದು, ಸಂಪೂರ್ಣವಾಗಿ ಇಂಜಿನನ್ನು ??ಸಂಯೋಜಿಸಿರುವುದು ಒಂದು ಪ್ರಮುಖ ಮೈಲಿಗಲ್ಲು ಎಂದು ಇಸ್ರೋ ಅಭಿಪ್ರಾಯ ಪಟ್ಟಿದೆ.
ಈ ಪರೀಕ್ಷೆಯು ಸುಮಾರು ೧೫ ಗಂಟೆಗಳ ಕಾಲ ನಡೆದಿದೆ. ಈ ಮೂಲಕ ಇಂಜಿನ್?ನ ಕಾರ್ಯಾಚರಣೆಗೆ ಬೇಕಾದ ಅಗತ್ಯ ಸಿದ್ಧತೆಗಳನ್ನು ಪೂರೈಸಲಾಗಿದೆ. ಇಂಜಿನ್? ಪೂರಕ ಪರೀಕ್ಷೆಯು ಮುಂದಿನ ವಿವಿಧ ಕಾರ್ಯಾಚರಣೆಗಳಿಗೆ ಸಹಕಾರಿಯಾಗಲಿದೆ ಎಂದು ಇಸ್ರೋ ಮಾಹಿತಿ ಹಂಚಿಕೊಂಡಿದೆ.
