ಕಲಬುರಗಿ,ಸೆ.14- ಕಲಬುರಗಿ ದಕ್ಷಿಣ ಮತಕ್ಷೇತ್ರದ ವ್ಯಾಪ್ತಿಯಲ್ಲಿ ಬರುವ ಸಾವಳಗಿ ಗ್ರಾಮದ ಸರಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿದ ಶಾಸಕ ಅಲ್ಲಂಪ್ರಭು ಪಾಟೀಲ್, ಇಲ್ಲಿನ ಸ್ಥತಿಗತಿಯನ್ನು ಪರಿಶೀಲಿಸಿದರು.
ಇಲ್ಲಿನ ಆಸ್ಪತ್ರೆಗೆ ಬಂದರೆ ಸರಿಯಾಗಿ ಔಷಧಿ ವಿತರಿಸೋದಿಲ್ಲ, ಸಿಬ್ಬಂದಿ ಇರೋದೇ ಇಲ್ಲವೆಂಬ ಗ್ರಾಮಸ್ಥೆ ದೂರುಗಳ ಮೇರೆಗೆ ಶಾಸಕರು ಇಲ್ಲಿ ದಿಢೀರನೇ ಭೇಟಿ ನೀಡಿದ್ದರು.
ಶಾಸಕರ ಭೇಟಿಯ ಕಾಲದಲ್ಲಿ ಊರವರು ಆಸ್ಪತ್ರೆಯ ಅನೇಕ ಸಮಸ್ಯೆಗಳನ್ನು ವಿವರಿಸಿದರು, ಮೂಲ ಸೌಕರ್ಯ ಕಲ್ಪಿಸುವಂತೆ ಮನವಿ ಮಾಡಿದರು.
ಶಾಸಕರು ಸಿಬ್ಬಂದಿಗಳನ್ನು ಉದ್ದೇಶಿಸಿ ಮಾತನಾಡುತ್ತ ಇಲ್ಲಿಗೆ ಬರುವ ಜನರೊಂದಿಗೆ ಸೌಜನ್ಯದಿಂದ ಮಾತನಾಡಿ, ಉತ್ತಮ ನಡಾವಳಿ ಹೊಂದಿರುವಂತೆ ಸೂಚಿಸಿದರು. ಸಿಬ್ಬಂದಿ ಸಮಯಕ್ಕೆ ಸರಿಯಾಗಿ ಆಸ್ಪತ್ರೆಯಲ್ಲಿದ್ದು ಜನರಿಗೆ ಅನುಕೂಲ ಕಲ್ಪಿಸಬೇಕೆಂದರು.
ಆಸ್ಪತ್ರೆಯ ಸುತ್ತಮುತ್ತ ಭೂಕಬಳಿಕೆಯಾಗುತ್ತಿರುವುದ ಗಮನಕ್ಕೆ ಬಂದಿದೆ. ಇದನ್ನು ತಡೆಯಲು, ಆಸ್ಪತ್ರೆ ಭೂಮಿ ರಕ್ಷಿಸಲು ತಕ್ಷಣ ಆಸ್ಪತ್ರೆಗೆ ಆವರಣ ಗೋಡೆ ಅಗತ್ಯವಿದ್ದು ಮುಂದಿನ ದಿನಗಳಲ್ಲಿ ಅದನ್ನು ಇಲ್ಲಿ ಮಂಜೂರು ಮಾಡಲಾಗುತ್ತದೆ ಎಂದು ಶಾಸಕ ಅಲ್ಲಂಪ್ರಭು ಪಾಟೀಲ್ ಹೇಳಿದ್ದಾರೆ.
ಸಾವಳಗಿ ಸಂತೆ ಪ್ರದೇಶಕ್ಕೂ ಭೇಟಿ ನೀಡಿದ ಶಾಸಕರು, ಈ ಸಂತೆ ಪ್ರಾರಂಭಗೊಂಡು 5 ವರ್ಷ ಗಲಾಗುತ್ತಿವೆ. ಈ ಹಂತದಲ್ಲಿ ಸಂತೆಗೆ ಅಗತ್ಯ ವಿರುವ ಮೂಲ ಸವಲತ್ತು ಮಂಜೂರು ಮಾಡಲಾಗುವುದು ಎಂದರು.
ಶೀಘ್ರವೇ ಸಾವಳಗಿ ಸಂತೆ ಮೈದಾನದಲ್ಲಿ ಏನೆಲ್ಲಾ ಅಗತ್ಯ ಮೂಲ ಸೌಕರ್ಯ ಬೇಕು ಅವನ್ನೆಲ್ಲ ಮಂಜೂರು ಮಾಡಲಾಗುತ್ತದೆ ಎಂದೂ ಶಾಸಕರು ಗ್ರಾಮಸ್ಥರಿಗೆ ಭರವಸೆ ನೀಡಿರು.
