ಸಾರ್ವಜನಿಕ ಸಮಸ್ಯೆ ಆಲಿಸಿದ ಸುನಿಲ್ ಬೋಸ್

ಸಂಜೆವಾಣಿ ವಾರ್ತೆ
ತಿ.ನರಸೀಪುರ: ಆ.13:- ಜಿಲ್ಲಾ ಉಸ್ತುವಾರಿ ಸಚಿವ ಎಚ್.ಸಿ.ಮಹದೇವಪ್ಪರ ಪುತ್ರ ಹಾಗೂ ಕೆಡಿಪಿ ಸದಸ್ಯ ಸುನಿಲ್ ಬೋಸ್ ತಲಕಾಡು ಪಟ್ಟಣದಲ್ಲಿ ಸಾರ್ವಜನಿಕ ಸಭೆಯನ್ನು ನಡೆಸಿ ಸಾರ್ವಜನಿಕರ ಸಮಸ್ಯೆಗಳನ್ನು ಆಲಿಸಿದರು.
ತಾಲೂಕಿನ ತಲಕಾಡು ಗ್ರಾಮದ ಲೋಕೋಪಯೋಗಿ ಅತಿಥಿಗೃಹದಲ್ಲಿ ನಡೆದ ಸಭೆಯಲ್ಲಿ ಹಲವು ಇಲಾಖಾ ಅಧಿಕಾರಿಗಳ ಸಮ್ಮುಖದಲ್ಲಿ ಸಾರ್ವಜನಿಕರ ಕುಂದುಕೊರತೆಗಳನ್ನು ಆಲಿಸಿದರು.
ಹೊಸ ತಲಕಾಡು-ಹಳೇ ತಲಕಾಡು ಸಂಪರ್ಕಿಸುವ ರಸ್ತೆ ನಿರ್ಮಾಣ ಆಗಿರುವ ವಿಳಂಬದ ಬಗ್ಗೆ ಅಧಿಕಾರಿಗಳಿಂದ ಮಾಹಿತಿ ಪಡೆದು,ರಸ್ತೆ ಅಗಲೀಕರಣದಲ್ಲಿ ಮನೆ ಕಳೆದುಕೊಂಡ ಸಂತ್ರಸ್ತರಿಗೆ ಶೀಘ್ರ ಪರಿಹಾರ ಬಿಡುಗಡೆ ಆಗಬೇಕು.ಸಂಪೂರ್ಣ ಮನೆ ಕಳೆದುಕೊಂಡ ಸಂತ್ರಸ್ತರಿಗೆ ಪರ್ಯಾಯ ನಿವೇಶನಗಳನ್ನು ಕಲ್ಪಿಸಿಕೊಡಲು ಅಧಿಕಾರಿಗಳಿಗೆ ಸೂಚಿಸಿದರು. ವಡೆಯಾಂಡಳ್ಳಿ ಸ.ನಂ.94ರಲ್ಲಿ ಇರುವ ಸರ್ಕಾರಿ ಜಮೀನು ಅತಿಕ್ರಮವನ್ನು ಶೀಘ್ರ ತೆರವುಗೊಳಿಸಿ ರಸ್ತೆ ನಿರ್ಮಾಣದಲ್ಲಿ ಸಂತ್ರಸ್ತರಾದವರಿಗೆ ನಿವೇಶನವನ್ನು ಕಾಯ್ದಿರಿಸಬೇಕು.ನಿವೇಶಗಳ ಹಂಚಿಕೆಯಲ್ಲಿ ಸಂತ್ರಸ್ತರಿಗೆ ಮೊದಲ ಆದ್ಯತೆ ನೀಡಬೇಕು.ಭೂಸ್ವಾಧೀನ,ಇ -ಸ್ವತ್ತು ಇನ್ನಿತರ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ ಶೀಘ್ರ ರಸ್ತೆ ನಿರ್ಮಾಣ ಮಾಡಬೇಕು ಎಂದು ಅಧಿಕಾರಿಗಳಿಗೆ ಸೂಚಿಸಿದರು.
ರಸ್ತೆಗಳ ಗುಂಡಿಗಳನ್ನು ಮುಚ್ಚಬೇಕು:
ಅಂತರ ಜಿಲ್ಲೆ, ತಾಲೂಕುಗಳನ್ನು ಸಂಪರ್ಕಿಸುವ ರಸ್ತೆಗಳು ಮತ್ತು ಬನ್ನೂರು,ತಿ.ನರಸೀಪುರ ಪುರಸಭೆಗಳ ವ್ಯಾಪ್ತಿಯಲ್ಲಿ ಬರುವ ಎಲ್ಲ ರಸ್ತೆಗಳ ಗುಂಡಿಯನ್ನು ಶೀಘ್ರ ಮುಚ್ಚಬೇಕು.ಪ್ರಸ್ತುತ ಮಳೆಗಾಲ ಆಗಿರುವುದರಿಂದ ರಸ್ತೆ ಗುಂಡಿಗಳಿಂದ ಅಪಘಡಗಳನ್ನು ತಡೆಯಲು ಇಲಾಖೆಗಳು ರಸ್ತೆ ಗುಂಡಿಗಳನ್ನು ಮುಚ್ಚಲು ತುರ್ತು ಕ್ರಮವಹಿಸಬೇಕು.ಮುಂಬರುವ ದಿನಗಳಲ್ಲಿ ಅಗತ್ಯವಿರುವ ಕಡೆ ಗುಣಮಟ್ಟದ ರಸ್ತೆಗಳನ್ನು ನಿರ್ಮಾಣ ಮಾಡಲಾಗುವುದು ಎಂದರು.
ನಿರಂತರ ನೀರು ಹರಿಸಲು ಮನವಿ:
ಮಾಧವ ಮಂತ್ರಿ ನಾಲಾ ವ್ಯಾಪ್ತಿಯ ಜಮೀನುಗಳಲ್ಲಿ ಬೇಸಾಯ ಮಾಡಲು ಕಟ್ಟು ನೀರು ಬಿಡಲು ನೀರಾವರಿ ಇಲಾಖೆ ನಿರ್ಧರಿಸಿದೆ.ಹಾಗಾಗಿ ಈ ಭಾಗದ ರೈತರು ಆತಂಕದಲ್ಲಿದ್ದಾರೆ. ಮಾಧವ ಮಂತ್ರಿ ನಾಲಾ ವ್ಯಾಪ್ತಿಯ ಅಚ್ಚುಕಟ್ಟು ಪ್ರದೇಶಕ್ಕೆ ವ್ಯವಸಾಯ ಮಾಡಲು ನಿರಂತರ ನೀರು ಹರಿಸುವಂತೆ ರೈತ ಸಂಘದ ದಿನೇಶ್ ಮನವಿ ಮಾಡಿದರು.
ಇದಕ್ಕೆ ಪ್ರತಿಕ್ರಿಯಿಸಿದ ಅವರು, ಜಿಲ್ಲಾ ಉಸ್ತುವಾರಿ ಸಚಿವರಾದ ನನ್ನ ತಂದೆಯವರ ಜೊತೆ ಈ ಬಗ್ಗೆ ಚರ್ಚಿಸಲಾಗುವುದು ಎಂದರು.
ಸಂದರ್ಭದಲ್ಲಿ ತಲಕಾಡು ಗ್ರಾ.ಪಂ. ಅಧ್ಯಕ್ಷೆ ಶೋಭಾ ಮಲ್ಲಣ್ಣಿ,ಉಪಾಧ್ಯಕ್ಷ ನಾಗರಾಜಮೂರ್ತಿ,ಶೆಟ್ಟಹಳ್ಳಿ ಗ್ರಾ.ಪಂ.ಉಪಾಧ್ಯಕ್ಷ ಬೆಟ್ಟಹಳ್ಳಿ ದಕ್ಷಿಣಮೂರ್ತಿ, ಮಾಜಿ ತಾ.ಪಂ. ಸದಸ್ಯರಾದ ನರಸಿಂಹ ಮಾದನಾಯಕ, ಕುಕ್ಕೂರು ಗಣೇಶ್, ಮಲ್ಲಾಜಮ್ಮ ,ಕುಕ್ಕೂರು ಪ್ರಸನ್ನ, ಪಟೇಲ್ ಶಿಕ್ಷಣ ಸಂಸ್ಥೆಯ ಅಶೋಕ್ ಪಟೇಲ್, ಕಾಂಗ್ರೆಸ್ ಮುಖಂಡರಾದ ಶ್ರೀಕಂಠಯ್ಯ, ಎಚ್. ರಾಜು, ಸುಂದರನಾಯಕ, ಮಲ್ಲಣ್ಣಿ, ವಿಜಯ ಕುಮಾರ್, ಸದಸ್ಯರಾದ ನಾಗೇಂದ್ರಕುಮಾರ್, ನಾಗೇಶ್, ಮಾಜಿ ಗ್ರಾ.ಪಂ. ಅಧ್ಯಕ್ಷರಾದ ಚಿಕ್ಕಮದನಾಯಕ, ಮಹೇಂದ್ರ,ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಕೆ. ಪಾರ್ವತಿ, ಜೆ.ಭಾಗೀರಥಿ, ಕುಕ್ಕೂರು ಶಂಭು,ರೈತ ಸಂಘದ ದಿನೇಶ್, ನರಸಿಂಹ, ವಿಜಯಪುರ ಶಿವಕುಮಾರ್, ವಕೀಲ ರಂಗನಾಥ್, ವಡೆಯಾಂಡಳ್ಳಿ ಗಣೇಶ್, ಲೈಟ್ ಶ್ರೀನಿವಾಸ್, ವಿಜಯಪುರಶಿವಶಂಕರ್, ತಲಕಾಡು ಆನಂದ, ಅರುಂಧತಿನಗರದ ಮಹಾದೇವ, ಮನು, ಲೋಕೋಪಯೋಗಿ ಇಲಾಖೆ ಎಇಇ ಸತೀಶ್ ಚಂದ್ರನ್, ಬಿಇಒ ಜೆ.ಶೋಭಾ, ಸಮಾಜ ಕಲ್ಯಾಧಿಕಾರಿ ರಾಮೇಗೌಡ, ಸಣ್ಣ ನೀರಾವರಿ ಎಇಇ ಸೋಮಣ್ಣ, ಎಇಗಳಾದ ಶಿವರಾಜು, ಶಬರೀಶ್ ಇತರರು ಹಾಜರಿದ್ದರು.