ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕಾಯಕಲ್ಪ ಪ್ರಶಂಸಾ ಪ್ರಶಸ್ತಿ


ಸಂಜೆವಾಣಿ ವಾರ್ತೆ
ಕುಕನೂರು, ಅ.19: ಅವಲೋಕನ, ದಾಖಲೆಗಳ ಪರಿಶೀಲನೆ, ಸಿಬ್ಬಂದಿ & ರೋಗಿಗಳ ಸಂದರ್ಶನ ಮಾಡುವ ಮೌಲ್ಯಮಾಪನ  ಆಧಾರದ ಮೇಲೆ ನೀಡಲಾಗುವ ಪ್ರಶಂಸಾ ಪ್ರಶಸ್ತಿಗೆ ಆಯ್ಕೆ ಆಗಿರುವ ಮಂಗಳೂರಿನ  ಆರೋಗ್ಯ ಕೇಂದ್ರ ಈ ಬಾರಿ ಹೆಚ್ಚಿನ ಅಂಕ ಪಡೆಯುವ ಮೂಲಕ ರಾಜ್ಯ ಮಟ್ಟದ ತಾಲೂಕು ಆಸ್ಪತ್ರೆ & ಸಮುದಾಯ ಆರೋಗ್ಯ ಕೇಂದ್ರ ವಿಭಾಗದಲ್ಲಿ  7 ನೇ ಸ್ಥಾನದಲ್ಲಿ & ಜಿಲ್ಲೆಯಲ್ಲಿ ಪ್ರಥಮ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ.
ಪ್ರಶಸ್ತಿಯು ಬಂದಿರುವದು ಸಂತಸದ  ವಿಚಾರ ಇದನ್ನ ನನ್ನ ಎಲ್ಲಾ ಸಿಬ್ಬಂದಿಗಳಿಗೆ ಅರ್ಪಿಸುತ್ತೇ‌ನೆ,  ವೈದ್ಯಾಧಿಕಾರಿಗಳು & ಸಿಬ್ಬಂದಿಗಳ ಕಾಳಜಿಯುತ ಸೇವೆಗೆ ಈ ಪ್ರಶಸ್ತಿ  ಸಾಕ್ಷಿಯಾಗಿದೆ. ಈ ಪ್ರಶಸ್ತಿ ಪಡೆಯಲು ಗ್ರಾಮ ಪಂಚಾಯತಿ & ಸಾರ್ವಜನಿಕರ ಸಹಕಾರ ತುಂಬಾ ಇದೆ ಎಂದು ಡಾ ಸಿ.ಎಂ. ಹಿರೇಮಠ ರವರು ತಿಳಿಸಿದರು.