ಸಮಾಜಪರ ಕಾಳಜಿಯುಳ್ಳ ವ್ಯಕ್ತಿಗಳ ಸಂಖ್ಯೆ ಹೆಚ್ಚಾಗಲಿ

ಕಲಬುರಗಿ :ಜು.31: ವೃತ್ತಿಯಲ್ಲಿ ನ್ಯಾಯವಾದಿಯಾಗಿ, ಪ್ರವೃತ್ತಿಯಲ್ಲಿ ಸಾಮಾಜಿಕ ಸೇವಕ, ಹೋರಾಟಗಾರ, ಸಂಘಟಕರಾಗಿ ವಿವಿಧ ಮುಖಗಳಿಂದ ಸಮಾಜಕ್ಕೆ ತಮ್ಮದೇ ಆದ ಕೊಡುಗೆಯನ್ನು ನೀಡುವ ಮೂಲಕ ಹಣಮಂತರಾಯ ಎಸ್.ಅಟ್ಟೂರ್ ಮಾದರಿಯಾಗಿದ್ದಾರೆ. ಇಂತಹ ಸಮಾಜಪರ ಕಾಳಜಿಯುಳ್ಳ ವ್ಯಕ್ತಿಗಳು ದೇಶದ ದೊಡ್ಡ ಆಸ್ತಿಯಾಗಿದ್ದು, ಅವರ ಸಂಖ್ಯೆ ಹೆಚ್ಚಾಗಬೇಕಾಗಿದೆ ಎಂದು ಎಂದು ರಾಜ್ಯ ಹೈಕೋರ್ಟ್‍ನ ವಿಶ್ರಾಂತ ನ್ಯಾಯಾಧೀಶ ಅರಳಿ ನಾಗರಾಜ ಆಶಯ ವ್ಯಕ್ತಪಡಿಸಿದರು.
ನಗರದ ಹಳೆ ಆರ್.ಟಿ.ಓ ಕಚೇರಿ ಸಮೀಪವಿರುವ ವಿಜಯಲಕ್ಷ್ಮೀ ಕಲ್ಯಾಣ ಮಂಟಪದಲ್ಲಿ ‘ಸಹೃದಯ ಗೆಳೆಯರ ಬಳಗ’ ಭಾನುವಾರ ಏರ್ಪಡಿಸಿದ್ದ ‘‘ಬದುಕಿಗೆ 50, ಸಮಾಜ ಸೇವೆಗೆ 25 ವರ್ಷ’’ ಎಂದ ಅಂಶಗಳುಳ್ಳ ಹೋರಾಟಗಾರ, ಸಮಾಜ ಸೇವಕ ಹಣಮಂತರಾಯ ಎಸ್.ಅಟ್ಟೂರ್ ಕುರಿತಾದ ‘ದಣಿವರಿಯದ ಹೋರಾಟಗಾರ’ ಪುಸ್ತಕ ಬಿಡುಗಡೆಯ ಸಮಾರಂಭವನ್ನು ಉದ್ಘಾಟಿಸಿ ಅವರು ಅವರು ಮಾತನಾಡಿದರು.
ಪುಸ್ತಕ ಬಿಡುಗಡೆಗೊಳಿಸಿ ಮಾತನಾಡಿದ ಮಾಜಿ ಶಾಸಕ ಬಿ.ಆರ್.ಪಾಟೀಲ, ಅಟ್ಟೂರ್ ಅವರು ವಿದ್ಯಾರ್ಥಿ ದೆಸೆಯಿಂದಲೇ ಸಮಾಜ ಸೇವೆಯ ಗುಣ ಬೆಳೆಸಿಕೊಂಡಿದ್ದಾರೆ. ರೈತರು, ಕಾರ್ಮಿಕರು, ಬಡವರು, ಸಮಾಜದಲ್ಲಿರುವ ಅಸಹಾಯಕರ ಸೇವೆ ಮಾಡುತ್ತಿದ್ದಾರೆ. ಸಾಮಾಜಿಕ ನ್ಯಾಯಕ್ಕಾಗಿ ನಿರಂತರವಾಗಿ ಹೋರಾಡುವ ಅವರ ಸಮಾಜಮುಖಿ ಕಾರ್ಯಕ್ಕೆ ಸದಾ ನನ್ನ ಬೆಂಬಲವಿದೆ ಎಂದರು.
ಡಾ.ಸಾರಂಗಧರ ದೇಶಕೇಂದ್ರ ಸ್ವಾಮೀಜಿ, ಡಾ.ರೇವಣಸಿದ್ಧ ಶಿವಾಚಾರ್ಯರು, ಬಸವರಾಜ ದೇಶಮುಖ, ಪ್ರೊ.ವಾಸುದೇವ ಸೇಡಂ, ಬಸವರಾಜ ಜಿಳ್ಳೆ, ರಾಜಕುಮಾರ ಕಡಗಂಚಿ, ಪ್ರಕಾಶ ಕುದರಿ, ಡಾ.ಸ್ವಾಮಿರಾವ ಕುಲಕರ್ಣಿ, ನೀಲಕಂಠರಾವ ಮೂಲಗೆ, ಅಶೋಕ ತಳವಾಡೆ, ಚಂದ್ರಶೇಖರ ಜಿ.ಪಾಟೀಲ, ವಿಠಾಬಾಯಿ ಎಸ್.ಅಟ್ಟೂರ್, ಹಣಮಂತರಾಯ ಎಸ್.ಅಟ್ಟೂರ್, ಶ್ರೀದೇವಿ ಎಚ್.ಅಟ್ಟೂರ್ ವೇದಿಕೆ ಮೇಲಿದ್ದರು.
ಮಲಕಾರಿ ಪೂಜಾರಿ, ರವಿಕುಮಾರ ಶಹಾಪೂರಕರ್, ಶ್ರಮಣಕುಮಾರ ಮಠ, ಗುಂಡಣ್ಣ ಡಿಗ್ಗಿ, ರಘುನಂದನ ಕುಲಕರ್ಣಿ, ಅಸ್ಲಾಂ ಶೇಖ್, ಚಂದ್ರಕಾಂತ ಬಿರಾದಾರ, ಮಹೇಶ ತೆಲಾಕುಣಿ, ರಾಜು ಹೆಬ್ಬಾಳ್, ಹೇಮಂತ ಮಾಲಗತ್ತಿ, ನಂದೀಶ ಪಾಟೀಲ, ಅಂಬಾರಾಯ ಪಟ್ಟಣಕರ್, ನಾಗೇಂದ್ರಯ್ಯ ಮಠ, ಸಂಜೀವಕುಮಾರ ಶೆಟ್ಟಿ, ಶರಣಗೌಡ ಪಾಟೀಲ, ಎಚ್.ಬಿ.ಪಾಟೀಲ, ನರಸಪ್ಪ ಬಿರಾದಾರ ದೇಗಾಂವ, ಬಿ.ಎಚ್.ನಿರಗುಡಿ, ಪದ್ಮಾವತಿ ಮಾಲಿಪಾಟೀಲ, ಮೌಲಾ ಮುಲ್ಲಾ, ಸಿದ್ದರಾಮ ತಳವಾರ, ಕಲ್ಯಾಣಿ ಮುರುಡ್, ಬಸವರಾಜ ಜೋಗೂರ್, ಶಿವಲಿಂಗಪ್ಪ ಟೆಂಗಳಿ, ವೀರೇಶ ಬಿರಾದಾರ, ರಾಮಚಂದ್ರ ಅವರಳ್ಳಿ, ಪ್ರಭು, ಶ್ರೀಚಂದ, ರವಿ ದೇಗಾಂವ, ಡಾ.ಬಾಬುರಾವ ಶೇರಿಕಾರ, ಶಿವಶರಣಪ್ಪ ಹಿರೇಮನಿ, ಶಿವಶರಣಪ್ಪ ಅಟ್ಟೂರ್, ನಾಗೇಂದ್ರಪ್ಪ ಅಟ್ಟೂರ್, ಶಿವಶರಣಪ್ಪ ಬಿರಾದಾರ, ಗುಂಡೇರಾವ ಕುಂಬಾರ, ಶಿವರುದ್ರ ಕಣ್ಣಿ, ದೇವೇಂದ್ರ ಯಕಲೂರ್, ರಮೇಶ ಕೋರಿಶೆಟ್ಟಿ, ಸಾಯಬಣ್ಣ ಬೆಳಾಮ್, ಶಿವಯ್ಯ ಹಿರೇಮಠ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.