ಸನ್ಮಾನ ಕಾರ್ಯಕ್ರಮ


(ಸಂಜೆವಾಣಿ ವಾರ್ತೆ)
ಶಿರಹಟ್ಟಿ,ಜು.2: ಕಾರ್ಯಕರ್ತರೆ ನಿಜವಾದ ಪಕ್ಷದ ಜೀವಾಳ, ಅವರಿಂದಲೇ ಪಕ್ಷ ರಾಷ್ಟ್ರಮಟ್ಟದಲ್ಲಿ ಎದ್ದು ನಿಂತಿದೆ. ಅವರಿಂದಲೇ ನಾನು ಶಾಸಕನಾಗಿದ್ದೇನೆ. ಅವರಿಗೆ ನಾನು ಸದಾ ಚಿರರುಣಿಯಾಗಿದ್ದೇನೆ. ಅವರ ಶ್ರಮ ಶ್ಲ್ಯಾಘನೀವಾಗಿದೆ ಎಂದು ನೂತನ ಶಾಸಕ ಚಂದ್ರು ಲಮಾಣಿ ಹೇಳಿದರು.
ಅವರು ಪಟ್ಟಣದ ದೇವರಾಜ ಅರಸು ಭವನದಲ್ಲಿ ಬಿಜೆಪಿ ಪಕ್ಷದ ನಗರ ಘಟಕದವತಿಯಿಂದ ನಡೆದ ನೂತನ ಸನ್ಮಾನ ಕಾರ್ಯಕ್ರಮದಲ್ಲಿ ಸನ್ಮಾನ ಸ್ವೀಕರಿಸಿ ಮಾತನಾಡಿದರು.
ಪಕ್ಷ ಇನ್ನಷ್ಟು ಬಲಿಷ್ಠವಾಗುವುದು ಅಗತ್ಯವಾಗಿದೆ. ಪಕ್ಷದ ಯಾವುದೇ ವಿಚಾರಗಳನ್ನು ಬಹಿರಂಗವಾಗಿ ಚರ್ಚಿಸದೇ ಸಭೆಯಲ್ಲಿ ಶಾಂತವಾಗಿ ಚರ್ಚಿಸಬೇಕು. ಯಾವುದೇ ಭಿನ್ನಾಭಿಪ್ರಾಯಗಳಿಗೆ ಕಿವಿಗೊಡದೇ ಒಗ್ಗಟ್ಟು ಪ್ರದರ್ಶಿಸುವುದು ಅಗತ್ಯವಿದೆ. ಮುಂಬರುವ ಜಿಪಂ ,ತಾಪಂ ಮತ್ತು ಲೋಕಸಭಾ ಚುನಾವಣೆಯಲ್ಲಿ ಪಕ್ಷದ ಅಭ್ಯರ್ಥಿ ಗೆಲುವಿಗೆ ನಾವೆಲ್ಲ ಬಲಪಡಿಸುವುದು ಅಗತ್ಯವಿದೆ. ಪ್ರದಾನಿ ನರೇಂದ್ರ ಮೋದಿಜಿವರ ವಿಚಾರಗಳ ಸಾಕಾರತೆಗೆ ನಾವೆಲ್ಲ ಕೈ ಜೋಡಿಸುವುದು ಅಗತ್ಯವಿದೆ. ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಮಢಂಳದ ಆದ್ಯಕ್ಷ ಫಕ್ಕಿರೇಶ ರಟ್ಟಿಹಳ್ಳಿ ಮಾತನಾಡಿ, ಶಿರಹಟ್ಟಿ ಮತಕ್ಷೇತ್ರದಲ್ಲಿ ಪಕ್ಷದ ಉತ್ತಮವಾದ ವರ್ಚಸ್ಸು ಇದ್ದು, ಇದನ್ನು ಬಲ ಪಡಿಸಲು ಮುಖಂಡರು ಮೇಲಿಂದ ಮೇಲ ಸಭೆಗಳನ್ನು ನಡೆಸುವ ಮೂಲಕ ಅವರ ಸಮಸ್ಯೆಗಳಿಗೆ ಸ್ಪಂದಿಸುವುದು ಅಗತ್ಯವಿದೆ. ಶಾಸಕರು ಕಾರ್ಯಕರ್ತರವಿಚಾರಗಳಿಗೆ ಹೆಚ್ಚು ಮಾನ್ಯತೆಯನ್ನು ನೀಡುವುದರ ಮೂಲಕ ಅವರನ್ನು ಕಾರ್ಯೋನ್ಮಖರಾಗುವುದಕ್ಕೆ ಪ್ರೇರಣೆ ನೀಡಬೇಕು ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಜಿಪಂ ಮಾಜಿ ಅಧ್ಯಕ್ಷ ವಿಶ್ವನಾಥ ಕಪ್ಪತ್ತನವರ, ರಾಮಣ್ಣ ಡಂಬಳ, ದೀಪು ಕಪ್ಪತ್ತನವರ, ನಾಗರಾಜ ಲಕ್ಕುಂಡಿ, ತಿಪ್ಪಣ್ಣ ಕೊಂಚಿಗೇರಿ, ಗೂಳಪ್ಪ ಕರಿಗಾರ, ಜಗದೀಶ ತೇಲಿ,ಯಲ್ಲಪ್ಪ ಇಂಗಳಗಿ, ಫಕ್ಕಿರೇಶ ಕರಿಗಾರ, ಪ್ರಧಾನರಾದ ತುಳಿ,ಅಕ್ಬರ ಯಾದಗೇರಿ, ಶ್ರೀನಿವಾಸ ಬಾರಬಾರ, ಬಸವರಾಜ ಚಿಕ್ಕತೋಟದ, ಮಹೇಶ ಕಲ್ಲಪ್ಪನವರ, ಪರಶುರಾಮ ಡೊಂಕಬಳ್ಳಿ, ಮುಂತಾದವರು ಉಪಸ್ಥಿತರಿದ್ದರು.