ಶ್ರೀ ರೇಣುಕಾಚಾರ್ಯರ ಜಯಂತಿ ಆಚರಣೆ

ರಾಯಚೂರು. ಮಾ೨೬- ಶ್ರೀ ರೇಣುಕಾಚಾರ್ಯರ ಜಯಂತಿಯನ್ನು ನಗರದ ಲಿಂಗಸ್ಗೂರು ರಸ್ತೆಯಲ್ಲಿರುವ (ಬೈಪಾಸ್) ರೇಣುಕಾಚಾರ್ಯ ವೃತ್ತದಲ್ಲಿ ಸರಳವಾಗಿ ಇಂದು ಬೆಳಗ್ಗೆ ಆಚರಣೆ ಮಾಡಲಾಯಿತು. ನಂತರ ಶ್ರೀ ರಾಚೋಟಿವೀರ ಶಿವಾಚಾರ್ಯ ಮಹಾಸ್ವಾಮಿಗಳು ಸೋಮವಾರ ಪೇಟೆ ಹಿರೇಮಠ ಮಾತನಾಡಿ ಕಲಿಯುಗದಲ್ಲಿ ಮಾನವನು ಆಸೆ,ಅಸೂಯೆಗಳನ್ನು ತೊಡೆದು ಹಾಕಿ ಸಮಾಜದ ಒಳಿತಿಗಾಗಿ ಬದುಕಬೇಕು.
ಧರ್ಮವನ್ನು ರಕ್ಷಣೆ ಮಾಡುವವರು ನಾವು, ಆದರೆ ಧರ್ಮವೆ ನಮ್ಮನ್ನು ರಕ್ಷಣೆ ಮಾಡುವಂತ ಪರಿಸ್ಥಿತಿ ನಿರ್ಮಾಣವಾಗಿದೆ.ಜ್ಯೋತಿ ಸ್ವರೂಪಿಯಾದ ರೇಣುಕಾಚಾರ್ಯರು ಸಮಾಜ ಬದಲಾವಣೆಗೆ ಸಂದೇಶಗಳನ್ನು ನೀಡಿದ್ದಾರೆ. ಅವರ ಸಂದೇಶಗಳನ್ನು ಪಾಲಿಸುತ್ತ ಸಮಾಜದಲ್ಲಿ ಮೇಲು ಕೀಳು ಎನ್ನದೆ ಸಮಾನತೆಯಿಂದ ಬದುಕಬೇಕು ಎಂದರು. ಬೇಡಜಂಗಮ ಜಿಲ್ಲಾ ಅಧ್ಯಕ್ಷ ವೀರಯ್ಯ ಸ್ವಾಮಿ .ತಾಲ್ಲೂಕು ಅಧ್ಯಕ್ಷ ವೀರಯ್ಯ ಸ್ವಾಮಿ ಅಶಪೂರು ಗೌರವ ಅಧ್ಯಕ್ಷ ಪ್ರಭಯ ಶಾಸ್ತ್ರಿ, ಶರಣುಬಸವ ಹಿರೆಮಠ ಶಂಕರಯ್ಯ, ಕಲ್ಲಯ್ಯ, ಶರಣಯ್ಯ ಮಂಜುನಾಥ, ಸುಲೋಚನ, ಬಸವರಾಜ ಸ್ವಾಮಿ ಅಲ್ಕೂರು ಬಸವರಾಜಯ್ಯ ಸ್ವಾಮಿ ಮನ್ಸಲಾಪೂರು, ಸುರೇಶ ಸ್ವಾಮಿ ಬೂದಿನಾಳ, ಪಂಪಯ್ಯ ಶಾಸ್ತ್ರಿ, ವೀರನಗೌಡ, ಚಂದ್ರಶೇಖರ ಗೌಡ, ಬಸವರಾಜ, ಪಲ್ಲೇದ್ ಹೇಮರೆಡ್ಡಿ,ಸುರೇಶ ಸ್ವಾಮಿ ಅತ್ತನೂರು ಸಮಾಜದ ಬಾಂಧವರು ಇದ್ದರು