ಶೇ. 100 ರಷ್ಟು ಫಲಿತಾಂಶ


ಗುಳೇದಗುಡ್ಡ,ಮೇ.11: ಸ್ಥಳೀಯ ರಾಠಿ ಮತ್ತು ಕಾವಡೆ ಆಂಗ್ಲ ಮಾಧ್ಯಮ ಶಾಲೆಯ ಎಸ್‍ಎಸ್‍ಎಲ್‍ಸಿ ಫಲಿತಾಂಶ ಶೇ. 100 ರಷ್ಟು ಆಗಿದೆ. ಪರೀಕ್ಷೆಗೆ ಹಾಜರಾದ ಎಲ್ಲ 70 ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿದ್ದಾರೆ. ಈ ಪೈಕಿ 14 ವಿದ್ಯಾರ್ಥಿಗಳು ಶೇ 90ಕಿಂತ ಹೆಚ್ಚು ಅಂಕಪಡೆದಿದ್ದು, 25 ವಿದ್ಯಾರ್ಥಿಗಳು ಶೇ. 85ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದಿದ್ದಾರೆ.
ವಿಜಯಾನಂದ ರಾಜನಾಳ 607 (ಶೇ. 97.12) ಶಾಲೆಗೆ ಪ್ರಥಮ, ವಿಲಾಸ ಬೇನಾಳ 606(ಶೇ. 96.96) ದ್ವಿತೀಯ, ಪ್ರಜ್ವಲ ಬಾಗಲಕೋಟ 602 (ಶೇ. 96.32) ಶಾಲೆಗೆ ತೃತೀಯ, ಸೃಷ್ಠಿ ವಂದಗನೂರ 598 (ಶೇ. 95.68), ನಾಲ್ಕನೇ ಸ್ಥಾನ, ಆದಿತ್ಯ ಬಾವಿಕಟ್ಟಿ 596 (ಶೇ. 95.36) ಐದನೇ ಸ್ಥಾನ ಪಡೆದ್ದಾರೆ. ಕನ್ನಡ ವಿಷಯದಲ್ಲಿ 5 ವಿದ್ಯಾರ್ಥಿಗಳು 100ಕ್ಕೆ 100 ಅಂಕಗಳು ಹಾಗೂ ಹಿಂದಿ ವಿಷಯದಲ್ಲಿ 4 ವಿದ್ಯಾರ್ಥಿಗಳು 100ಕ್ಕೆ 100 ಅಂಕಗಳು ಪಡೆದಿದ್ದಾರೆ ಎಂದು ಶಾಲೆಯ ಚೇರಮನ್ನರಾದ ಅಶೋಕ ಎನ್. ಹೆಗಡಿ, ಮುಖ್ಯ ಗುರುಮಾತೆ ಜೆ.ಜೆ. ಲೋಬೋ ತಿಳಿಸಿದ್ದಾರೆ.