ಶುದ್ಧ ಕುಡಿಯುವ ನೀರಿನ ಘಟಕ ದುರಸ್ತಿಗೆ ಒತ್ತಾಯ

ಸುರಪುರ : ನ.27:ತಾಲ್ಲೂಕಿನ ಯಡಹಳ್ಳಿ ಗ್ರಾಮದಲ್ಲಿರುವ ಶುದ್ಧ ಕುಡಿಯುವ ನೀರಿನ ಘಟಕ ಕಳೆದ ಐದು ವರ್ಷಗಳ ಹಿಂದೆ ಪ್ರಾರಂಭಿಸಲಾಗಿದೆ ಆದರೆ ಇದುವರೆಗೂ ಸಾರ್ವಜನಿಕರ ಉಪಯೋಗಕ್ಕಿಲ್ಲದಂತಾಗಿದೆ ಆದ್ದರಿಂದ ಕೂಡಲೇ ಶುದ್ಧ ಕುಡಿಯುವ ನೀರಿನ ಘಟಕ ದುರಸ್ತಿಗೊಳಿಸಿ ಪ್ರಾರಂಭಿಸುವಂತೆ ವಿಜಯ ಕರ್ನಾಟಕ ರಕ್ಷಣಾ ವೇದಿಕೆ ಜಿಲ್ಲಾಧ್ಯಕ್ಷ ದಶರಥ ದೊರೆ ಒತ್ತಾಯಿಸಿದರು.

ಸಂದರ್ಭದಲ್ಲಿ ಮಾತನಾಡಿದ ಅವರು ಸರಕಾರ ಗ್ರಾಮೀಣ ಭಾಗದ ಜನರಿಗೆ ಶುದ್ಧ ಕುಡಿಯುವ ನೀರು ಒದಗಿಸುವ ದೃಷ್ಟಿಯಿಂದ ಕುಡಿಯುವ ನೀರಿನ ಘಟಕಗಳನ್ನು ಪ್ರಾರಂಭಿಸಿದೆ ಆದರೆ ಸ್ಥಳಿಯ ಆಡಲಿತ ನಿರ್ಲಕ್ಷ್ಯದಿಂದ ಶುದ್ಧ ಕುಡಿಯುವ ನೀರಿನ ಘಟಕಗಳು ಹೆಸರಿಗಷ್ಟೆ ಸೀಮಿತವಾಗಿವೆ, ಗ್ರಾಮದ ಶುದ್ಧ ಕುಡಿಯುವ ನೀರಿನ ಘಟಕದ ಸುತ್ತಲೂ ಜಾಲಿ ಕಂಟಿ, ಚರಂಡಿ ನೀರಿನಿಂದ ಆವೃತ್ತವಾಗಿದ್ದು ಸ್ವಚ್ಛಗೊಳಿಸಬೇಕು. ಶುದ್ಧ ಕುಡಿಯುವ ನೀರಿನ ಘಟಕ ದುರಸ್ತಿಗೊಳಿಸಿ ಪ್ರಾರಂಭಿಸಬೇಕು ಇಲ್ಲವಾದಲ್ಲಿ ಮುಂದಿನ ದಿನಗಳಲ್ಲಿ ಪಂಚಾಯಿತಿ ಮುಂಭಾಗದಲ್ಲಿ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಸಿದರು.

ಇನ್ನೂ ಇದೆ ಸಂದರ್ಭದಲ್ಲಿ ಗ್ರಾಮಸ್ಥರು ಮಾತನಾಡಿ ಪಂಚಾಯಿತಿ ಅಧಿಕಾರಿಗಳಿಗೆ ವಿಚಾರಿಸಿದರೆ ಜಿಲ್ಲಾ ಪಂಚಾಯಿತಿನವರಿಗೆ ಕೇಳಿ ಎನ್ನುತ್ತಾರೆ ಅವರನ್ನ ವಿಚಾರಿಸಿದರೆ ಇವು ಖಾಸಗಿ ಏಜೆನ್ಸಿಯವರಿಗೆ ಸಂಬಂಧಪಟ್ಟಿದ್ದು ಎನ್ನುತ್ತಾರೆ. ಕಳೆದ ಐದು ವರ್ಷದಿಂದ ದುರಸ್ತಿಯಾಗುತ್ತಿಲ್ಲ, ಬಾವಿ ನೀರು ಕುಡಿಯುವುದರಿಂದ ಕಾಯಿಲೆಗಳು ಹೆಚ್ಚಾಗುತ್ತಿವೆ. ಸ್ಥಳಿಯ ಜನ ಪ್ರತಿನಿಧಿಗಳಂತು ಈ ಕಡೆಗೆ ಗಮನ ಹರಿಸುತ್ತಿಲ್ಲವೆಂದು ತಮ್ಮ ಅಳಲನ್ನು ತೋಡಿಕೊಂಡರು.

ಸಂದರ್ಭದಲ್ಲಿ ಮಾಜಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕೃಷ್ಣಪ್ಪ ಸೂಗೂರು, ದಾದಾ ಟೇಲರ್, ಅಯ್ಯಬ ಸಾಬ, ರಾಘು ಹಿರೇಮಠ,ಪರಶು ನಾಯಕ್ ಸಿದ್ದಾಪುರ,ಭೀಮಶಂಕರ್ ದೊರೆ,ಶರಣಪ್ಪ ತಮದೊಡ್ಡಿ, ಗುಂಡಪ್ಪ ಅಂಗಡಿ, ಜೋಗಪ್ಪ ಹಿರೇಕುರುಬರ್, ನಿಂಗಪ್ಪ ಬಿ ದೊಡ್ಡಮನಿ, ದೇವಪ್ಪ ಮಲ್ಕಾಪುರ್, ಹುಲಗಪ್ಪ ದೊಡ್ಮನಿ, ವೆಂಕಪ್ಪ ಸೇರಿದಂತೆ ಗ್ರಾಮಸ್ಥರಿದ್ದರು.