ಶಿಕ್ಷಣದೊಂದಿಗೆ ಸಂಸ್ಕಾರ ನೀಡಬೇಕು: ಅಭಿನವ ಸಂಗನಬಸವ ಸ್ವಾಮಿಜಿ

ವಿಜಯಪುರ,ಜ.25:ಮಗುವಿನ ಶಿಕ್ಷಣದ ಜೊತೆಗೆ ಸಮಾಜದ ಮೌಲ್ಯ ಹಾಗು ಸಂಸ್ಕಾರ ನೀಡುವ ಅತ್ಯವಶ್ಯಕತೆ ಉಂಟಾಗಿದೆ ಎಂದು ಮನಗೂಳಿ ಹಿರೇಮಠ ಸಂಸ್ಥಾನದ ಅಭಿನವ ಸಂಗನಬಸವ ಸ್ವಾಮಿಜಿಯವರು ಅಭಿಪ್ರಾಯ ವ್ಯಕ್ತಪಡಿಸಿದರು

ಬುಧವಾರ ಇಲ್ಲಿನ ಕೀತಿ ನಗರದಲ್ಲಿರುವ ಸರಸ್ವತಿ ತರಬೇತಿ ಸಂಸ್ಥೆಯ ಆಶ್ರಯದಲ್ಲಿ ” ಮಗುವಿನ ಪರಿಪೂರ್ಣ ವ್ಯಕ್ತಿತ್ವ ರೂಪಿಸುವವಲ್ಲಿ ಶಿಕ್ಷಕರ ಪಾತ್ರ” ಕುರಿತು ಚಿಂತನ ಗೋಷ್ಠಿಯ ಸಾನಿಧ್ಯ ವಹಿಸಿ ಮಾತನಾಡುತ್ತಾ ಮಗುವಿನ ಸವಾರ್ಂಗೀಣ ಬೆಳವಣಿಗೆ ಮಹತ್ವ ನೀಡಬೇಕೇಂದರು.

ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಹಾಸಿಂಪೀರ ವಾಲಿಕಾರ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ ವರ್ಗದ ಕೋಣೆಯಲ್ಲಿ ಮಗುವಿನ ಪರಿಪೂರ್ಣ ವ್ಯಕ್ತಿತ್ವ ವಿಕಸನಗೊಳಿಸುವದೆ ಶಿಕ್ಷಣವೆಂದು ಹೇಳಿದ ಅವರು ಮಗುವಿನ ಮೇಲೆ ಪಾಲಕರು ಹಾಗು ಶಿಕ್ಷಕರು ತುಂಬಾ ಒತ್ತಡ ಹೇರುವದು ಮನೋವೈಜ್ಞಾನಿಕವಾಗಿ ಸರಿಯಲ್ಲ. ಮಗು ಆಡುತ್ತಾ ಕಲಿಯಬೇಕೇಂದರು.

ವಿಜಯಪುರ ಸಾರ್ವಜನಿಕ ಶಿಕ್ಷಣ ಇಲಾಖೆ ವಿಶ್ರಾಂತ ಜಂಟಿ ನಿರ್ದೇಶಕ ಎ.ಎ. ಪಾರ್ಸಿ ಮಾತನಾಡಿ, ತರಬೇತಿ ಸಂಸ್ಥೆಗಳು ಗುಣಮಟ್ಟದ ಶಿಕ್ಷಣ ಒದಗಿಸುವಬೇಕು. ಶಿಕ್ಷಕರು ಮಕ್ಕಳಲ್ಲಿರುವ ಸೂಕ್ತವಾದ ಪ್ರತಿಭೆ ಗುರುತಿಸುವ ಕಾರ್ಯ ಮಾಡುವುದು ಪ್ರಾಧ್ಯಾಪಕರ ಕರ್ತವ್ಯ ಕೂಡಾ ಆಗಿದೆ ಎಂದರು.

ಶರಣ ಸಾಹಿತ್ಯ ಪರಿಷತ್ತಿನ ಜಿಲ್ಲಾಧ್ಯಕ್ಷ ಜಂಬುನಾಥ ಕಂಚ್ಯಾಣಿ ಮಾತನಾಡಿ, ಶಿಕ್ಷಣ ಪ್ಯಾಪಾರೀಕರಣ ಆಗಬಾರದು. ಉತ್ತಮ ಶಿಕ್ಷಣ ನೀಡಬೇಕಾದರೆ ಉತ್ತಮ ಪ್ರತಿಭಾವಂತ ಶಿಕ್ಷಕರ ಅವಶ್ಯಕತೆಯಿದೆ ಎಂದರು.

ಇದೇ ಸಂದರ್ಭದಲ್ಲಿ ರಾಜೇಂದ್ರ ಬಿರಾದಾರ ಹಾಗೂ ಪಂಡಿತ ತೋಂಟದಾರ್ಯ ಮಾತನಾಡಿದರು.

ಮಹಾನಗರ ಪಾಲಿಕೆಯ ಸದಸ್ಯ ಪ್ರೇಮಾನಂದ ಬಿರಾದಾರ. ಶ್ರೀಧರ ಬಿಜ್ಜರಗಿ. ಎ.ಡಿ. ಜಾಧವ. ಎಸ್ ನಡುವಿನಮನಿ. ರವಿಕುಮಾರ ಹಡಪದ. ತಿಪ್ಪಣ್ಣ ಶಹಪೂರ. ಡಿ.ಎಚ್. ಅವಟಿ. ವಿಶ್ರಾಂತ ಶಿಕ್ಷಕ ಆಯ್.ಟಿ. ಪಡಗಣ್ಣವರ, ಹಾಜಿ ರಂಜನಗಿ ವೇದಿಕೆಯ ಮೇಲಿದ್ದರು.

ಬಸವರಾಜ ನಾಟಿಕಾರ ಸಂಗೀತ ಸೇವೆ ನೀಡಿದರು. ತರಬೇತಿ ಸಂಸ್ಥೆಯ ಮುಖ್ಯಸ್ಥ ಅಜೀತ ನಡುವಿನ ಸ್ವಾಗತಿಸಿ ಪರಿಚಯಿಸಿದರು. ಹಣಮಂತರಾಯ ಬಿರಾದಾರ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಂಗಪ್ಪ ಬಿರಾದಾರ ನಿರೂಪಿಸಿದರು ಸೋಮಶೇಖರ ಪ್ರಕಾಶ ಚಿಕ್ಕಲಕಿ ವಂದಿಸಿದರು.

ಕಾರ್ಯಕ್ರಮದಲ್ಲಿ ಮಲ್ಲಿಕಾರ್ಜುನ ಕಂಬಾರ, ಶಿವಪ್ಪ ಬಿರಾದಾರ. ಈರಣ್ಣ ಪತ್ತಾರ. ರತ್ನಾಬಾಯಿ ಬಿರಾದಾರ. ಶ್ರೀಶೈಲ ಬಜೇನಿ. ರಾಜು ಅಂಗಡಿ. ಕವಿತಾ ಕೂಬರಡ್ಡಿ, ಸವಿತಾ ಅಗಸರ. ರತ್ನಾ ಪತ್ತಾರ. ಗಂಗಾಬಾಯಿ ನರಸನಗೌಡರ. ಆಶೀಪ ಬಾಗಾಯತ. ರತ್ನಾ ನಡುವಿನಮನಿ. ಶರಪ್ಪ ಕಟ್ಟಿಮನಿ. ಸತೀಶ ನಡುವಿನಮನಿ. ಮುಂತಾದವರು ಉಪಸ್ಥಿತರಿದ್ದರು