ಕಲಬುರಗಿ:ಸೆ.16: ಶರಣಬಸವ ವಿಶ್ವವಿದ್ಯಾಲಯದ ಆಂಗ್ಲ ಅಧ್ಯಯನ ಮತ್ತು ಸಂಶೋಧನಾ ವಿಭಾಗದ ನಾಲ್ಕನೇ ಸೆಮಿಸ್ಟರ್ ವಿದ್ಯಾರ್ಥಿನಿ ಉಮೇಮಾ ಅಲ್ಮಾಸ್ ಅವರು ನವದೆಹಲಿಯಲ್ಲಿ ಜರನ್ ಪಬ್ಲಿಕೇಷನ್ಸ್ ಆಯೋಜಿಸಿದ್ದ ರಾಷ್ಟ್ರಮಟ್ಟದ ಕವನ ಸ್ಪರ್ಧೆಯಲ್ಲಿ ಭಾಗವಹಿಸಿ ಶರಣಬಸವ ವಿಶ್ವವಿದ್ಯಾಲಯಕ್ಕೆ ಗೌರವ ತಂದುಕೊಟ್ಟಿದ್ದಾರೆ. “ಸಹಜವಾಗಿ ವಾಲಂಟ್” ಕೃತಿ ಮತ್ತು ಈ ಕವಿತೆಯನ್ನು ಜರನ್ ಪಬ್ಲಿಕೇಶನ್ಸ್‍ನ “ಶೆರೋ (ಸಂಕಲನ) ಪ್ರತಿಷ್ಠಿತ ಪ್ರಕಟಣೆಗಳ ಒಂದರಲ್ಲಿ ಪ್ರಕಟಿಸಲು ಆಯ್ಕೆ ಮಾಡಲಾಗಿದೆ.
ಆಂಗ್ಲ ವಿಭಾಗದ ಪ್ರತಿಭಾವಂತ ವಿದ್ಯಾರ್ಥಿನಿ, ಉಮೇಮಾ ಅಲ್ಮಾಸ್ ಇದುವರೆಗೆ 100 ಕ್ಕೂ ಹೆಚ್ಚು ಕವನಗಳನ್ನು ಬರೆದಿದ್ದಾರೆ ಮತ್ತು ಅವರ ಮೂರು ಕವನಗಳನ್ನು ಈಗಾಗಲೇ ತಮಿಳುನಾಡು ಮೂಲದ ಜಾಗತಿಕ ಶಿಕ್ಷಣ ತಜ್ಞರು ಮತ್ತು ಸಂಶೋಧಕರ ಸಂಘ ಪ್ರಕಟಿಸಿದ ಕವನಗಳ ಸಂಕಲನದಲ್ಲಿ ಪ್ರಕಟಿಸಲಾಗಿದೆ. ಪುಸ್ತಕದಲ್ಲಿ ಪ್ರಕಟವಾದ ವಿವಿಧ ಬರಹಗಾರರ ಒಟ್ಟು 108 ಕವನಗಳಲ್ಲಿ ಅವರ ಎಲ್ಲಾ ಮೂರು ಕವನಗಳನ್ನು ಸಂಕಲನದ ಮೊದಲ ಮೂರು ಕವಿತೆಗಳಾಗಿ ಆಯ್ಕೆ ಮಾಡಲಾಗಿದೆ.
ತಮ್ಮ ಕವನ ಸಂಕಲನವನ್ನು ಹೊರತರಲು ಮುಂದಾಗಿರುವ ಉಮೇಮಾ ಅಲ್ಮಾಸ್ ಅವರು ಬೆಂಗಳೂರು ಹ್ಯಾμïಟ್ಯಾಗ್ ಕಲಾಕಾರ್ ಆಯೋಜಿಸಿದ್ದ ಅಖಿಲ ಭಾರತ ಕವನ ಮತ್ತು ಸೃಜನಶೀಲ ಬರವಣಿಗೆ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು ಮತ್ತು ಅವರ ಬರೆದ “ಆಫ್ ಟು ಅರ್ನ್” ಅತ್ಯುತ್ತಮ ಕವನಕ್ಕೆ ಪ್ರಮಾಣಪತ್ರವನ್ನು ಪಡೆದಿದ್ದಾರೆ. ಮತ್ತು ಅವರ ಪ್ರತಿಭೆಯನ್ನು ಗುರುತಿಸಿ “ಹ್ಯಾμïಟ್ಯಾಗ್ ಕಲಾಕಾರ್ ಮಾನ್ಸೂನ್ ಎಡಿಷನ್” ಎಂಬ ಶೀರ್ಷಿಕೆಯ ಅವರ ಪತ್ರಿಕೆಯಲ್ಲಿ ಪ್ರಕಟವಾಗಿದೆ.
ಇದಲ್ಲದೇ ಮಹಾರಾಷ್ಟ್ರದ ಪುಣೆಯ ಪ್ರತಿಷ್ಠಿತ ಪೂನಾ ಕಾಲೇಜ್ ಆಫ್ ಆಟ್ರ್ಸ್, ಸೈನ್ಸ್ ಮತ್ತು ಕಾಮರ್ಸ್‍ನ ಇಂಗ್ಲಿμï ಸ್ನಾತಕೋತ್ತರ ಕೇಂದ್ರ ಹಾಗೂ ಆಂತರಿಕ ಗುಣಮಟ್ಟದ ಭರವಸೆ ಕೋಶ (ಐಕ್ಯೂಎಸಿ) ಆಯೋಜಿಸಿದ ರಾಷ್ಟ್ರೀಯ ಮಟ್ಟದ ಕವನ ಬರೆಯುವ ಸ್ಪರ್ಧೆಯಲ್ಲಿ ಉಮೇಮಾ ಅಲ್ಮಾಸ್ ಶರಣಬಸವ ವಿಶ್ವವಿದ್ಯಾಲಯವನ್ನು ಪ್ರತಿನಿಧಿಸಿದ್ದಾರೆ ಮತ್ತು ಅವರ “ಬ್ಲೀಡ್ ಕ್ರಿಯೇಟಿವ್‍ಲಿ” ಕವನಕ್ಕೆ ಮೆಚ್ಚುಗೆಯ ಪ್ರಮಾಣಪತ್ರವನ್ನು ತಮ್ಮದಾಗಿಸಿಕೊಂಡಿದ್ದಾರೆ.
