ನೈಜರ,ಅ.೯-ಕಳೆದ ವಾರ ಮಿಲಿಟರಿ ದಂಗೆಯ ನಂತರ ನೈಜರ್‌ನಲ್ಲಿ ರಾಜಕೀಯ ಅಸ್ಥಿರತೆಯ ಮಧ್ಯೆ, ರಷ್ಯಾದ ವ್ಯಾಗ್ನರ್ ಗುಂಪು ಕೂಲಿ ದಂಗೆ ಬಿಕ್ಕಟ್ಟಿನ ಪರಿಸ್ಥಿತಿಯ ಲಾಭವನ್ನು ಪಡೆದುಕೊಂಡಿದೆ ಎಂದು ಯುಎಸ್ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಆರೋಪಿಸಿದ್ದಾರೆ .
ನೈಜರ್‌ನಲ್ಲಿನ ದಂಗೆ ನಂತರ ಅಧ್ಯಕ್ಷ ಮೊಹಮದ್ ಬಜೌಮ್ ಅವರನ್ನು ಪದಚ್ಯುತಗೊಳಿಸಿದ ನಂತರ ದೇಶವನ್ನು ಜುಂಟಾ ಆಳುತ್ತಿದೆ.
ಇದೀಗ ಪದಚ್ಯುತಿ ಅಧ್ಯಕ್ಷರನ್ನು ಮತ್ತೆ ಅಧಿಕಾರಕ್ಕೆ ತರಲು ದಂಗೆಯ ನಾಯಕರು ಈ ಹಿಂದೆ ರಷ್ಯಾದ ಅಧ್ಯಕ್ಷರ ವಿರುದ್ಧ ಸಶಸ್ತ್ರ ದಂಗೆಯಲ್ಲಿ ಭಾಗಿಯಾಗಿದ್ದ ವ್ಯಾಗ್ನರ್ ಪಡೆಗಳ ಸಹಾಯವನ್ನು ಕೋರಿದ್ದಾರೆ ಎಂದು ಅಮೇರಿಕ ವಿದೇಶಾಂಗ ಕಾರ್ಯದರ್ಶಿ ತಿಳಿಸಿದ್ದಾರೆ.
ನೈಜರ್‌ನಲ್ಲಿ ನಡೆಯುತ್ತಿರುವ ಘಟನೆಗಳು ರಷ್ಯಾ ಅಥವಾ ವ್ಯಾಗ್ನರ್ ನಿಂದ ಪ್ರಚೋದಿತವಾಗಿಲ್ಲ ಆದರೆ … ಅವರು ದಂಗೆಯ ಲಾಭವನ್ನು ಪಡೆಯಲು ಅವರು ಪ್ರಯತ್ನಿಸುತ್ತಿದ್ದಾರೆ.ವ್ಯಾಗ್ನರ್ ಗುಂಪು ಹೋದ ಪ್ರತಿಯೊಂದು ಕಡೆಗೂ ಸಾವು, ನೋವು, ವಿನಾಶ ಮತ್ತು ಶೋಷಣೆ ಇದೆ ಇರುತ್ತದೆ ಎಂದು ಆರೋಪಿಸಿದ್ದಾರೆ.
ಪಶ್ಚಿಮ ಆಫ್ರಿಕನ್ ಪ್ರದೇಶದ ಇತರ ಭಾಗಗಳಲ್ಲಿ, ವಿಶೇಷವಾಗಿ ಮಾಲಿ ಮತ್ತು ಬುರ್ಕಿನಾ ಫಾಸೊದಲ್ಲಿ ಕೂಲಿ ಗುಂಪುಗಳ ಬಗ್ಗೆ ಅಮೆರಿಕ ಹೆಚ್ಚು ನಿಗಾ ವಹಿಸುತ್ತದೆ ಎಂದು ಅವರು ಹೇಳಿದರು, ಏಕೆಂದರೆ ಅಲ್ಲಿ ಅವರು ನೈಜರ್‌ನ ದಂಗೆಯನ್ನು ಬೆಂಬಲಿಸಿದ್ದಾರೆ, ಹಾಗಾಗಿ ಅಭದ್ರತೆ ಹೆಚ್ಚಾಗಿದೆ ಎಂದಿದ್ದಾರೆ.
ಸಹೇಲ್ ಪ್ರದೇಶದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಇಸ್ಲಾಮಿಸ್ಟ್ ಗುಂಪುಗಳ ವಿರುದ್ಧ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆಯ ಭಾಗವಾಗಿ ಅಮೇರಿಕಾ ನೈಜರ್‌ನಲ್ಲಿ ಸುಮಾರು ೧,೦೦೦ ಮಿಲಿಟರಿ ಪಡೆಗಳನ್ನು ಹೊಂದಿದೆ. ಹೊಸದಾಗಿ ಮಿಲಿಟರಿ-ನಿಯಂತ್ರಿತ ದೇಶದಲ್ಲಿ ಫ್ರಾನ್ಸ್ ೧,೫೦೦ ಮಿಲಿಟರಿ ಸಿಬ್ಬಂದಿಯನ್ನು ಹೊಂದಿದೆ ಎನ್ನಲಾಗಿದೆ.
ಮತ್ತೊಂದೆಡೆ, ಸಾವಿರಾರು ವ್ಯಾಗ್ನರ್ ಹೋರಾಟಗಾರರು ಸೆಂಟ್ರಲ್ ಆಫ್ರಿಕನ್ ರಿಪಬ್ಲಿಕ್ ಮತ್ತು ಮಾಲಿಯಲ್ಲಿ ನೆಲೆಸಿದ್ದಾರೆ ಎಂದು ನಂಬಲಾಗಿದೆ, ಅಲ್ಲಿ ಅವರು ಲಾಭದಾಯಕ ವ್ಯಾಪಾರ ಹಿತಾಸಕ್ತಿಗಳನ್ನು ಹೊಂದಿದ್ದಾರೆ ಮತ್ತು ರಷ್ಯಾದ ರಾಜತಾಂತ್ರಿಕ ಮತ್ತು ಆರ್ಥಿಕ ಸಂಬಂಧಗಳನ್ನು ಹೆಚ್ಚಿಸುತ್ತಾರೆ. ಪರಮಾಣು ಶಸ್ತ್ರಾಗಾರಗಳ ಪ್ರಮುಖ ಅಂಶವಾದ ಯುರೇನಿಯಂನ ಪ್ರಮುಖ ಉತ್ಪಾದಕ ದೇಶವಾಗಿರುವುದರಿಂದ ವ್ಯಾಗ್ನರ್ ದೀರ್ಘಕಾಲದವರೆಗೆ ನೈಜರ್ ಮೇಲೆ ತನ್ನ ಗುರಿಗಳನ್ನು ಹೊಂದಿದ್ದಾನೆ ಎಂದು ಹೇಳಲಾಗುತ್ತದೆ.
