ವೈಕುಂಠ ಏಕಾದಶಿ: ವಿಶೇಷ ಪೂಜೆ

ಹೊಸಪೇಟೆ, ಡಿ.25: ವೈಕುಂಠ ಏಕಾದಶಿ ನಿಮಿತ್ತ ನಗರದ ಅಮರಾವತಿ ನಗರದಲ್ಲಿರುವ ವೆಂಕಟೇಶ್ವರ ದೇವಸ್ಥಾನದಲ್ಲಿ ವಿಶೇಷ ದರ್ಶನವನ್ನು ಏರ್ಪಡಿಸಿದ ಕಾರಣ ನೂರಾರು ಭಕ್ತರು ದೇವರ ದರ್ಶನವನ್ನು ಪಡೆದು ವಿಶೇಷ ಪೂಜೆಯಲ್ಲಿ ಪ್ರತ್ಯಕ್ಷರಾಗಿ ದೇವರ ಕೃಪೆಗೆ ಪಾತ್ರರಾದರು.
ಸಪ್ತಗಿರಿ ಶ್ರೀನಿವಾಸ ದೇವಸ್ಥಾನ ಟ್ರಸ್ಟ್ ಕಾರ್ಯದರ್ಶಿಯಾದ ಚಂದ್ರಶೇಖರ್ ಮಾತನಾಡಿ
ಪ್ರತಿವರ್ಷದಂತೆ ಈ ವ್ರಷವೂ ವೈಕುಂಠ ಏಕಾದಶಿಯನ್ನು ಆಚರಣೆ ಮಾಡುತ್ತಿದ್ದು, ಕೋರೋನ ಸಾಂಕ್ರಾಮಿಕದ ಕಾರಣವಾಗಿ ಸುರಕ್ಷತೆಯನ್ನು ಕಾಪಾಡಿಕೊಂಡು ದರ್ಶನವನ್ನು ಏರ್ಪಡಿಸಿದ್ದೇವೆ. ಕೋವಿಡ್19 ಹಿನ್ನಲೆಯಲ್ಲಿ ಅನೇಕ ಕಾರ್ಯಕ್ರಮಗಳನ್ನು ರದ್ದುಗೊಳಿಸಿ ಪೂಜೆ ಪುನಸ್ಕಾರವನ್ನು ಸರ್ಕಾರದ ಸೂಚನೆಗಳಂತೆ ನೆರವೇರಿಸಿದ್ದೇವೆ ಎಂದರು.
ದೇವಸ್ಥಾನದಲ್ಲಿ ಉಚಿತ ದರ್ಶನವನ್ನು ಏರ್ಪಡಿಸಿ, ವಿಶೇಷ ದರ್ಶನಕ್ಕೆ 50ರೂ. ರಸೀದಿಯನ್ನು ನಿಗದಿಪಡಿಸಲಾಗಿತ್ತು.
ವೈಕುಂಠ ಏಕಾದಶಿ ಪ್ರಯುಕ್ತ ವಿಶೇಷ ಪೂಜೆ, ಲಾಡು ಪ್ರಸಾದ ವಿತರಣೆ ಇದ್ದು, ಇಂದು ರಾತ್ರಿ 10 ಗಂಟೆಯವರೆಗೂ ದರ್ಶನಕ್ಕೆ ಅವಕಾಶವನ್ನು ಕಲ್ಪಿಸಲಾಗಿದೆ.
ಈ ವೇಳೆ ತಾಯಿ ಶಂಕರ್ ಅಧ್ಯಕ್ಷರು, ಖಜಾಂಚಿ ಬಿ.ಎಂ.ಬಾಲಕೃಷ್ಣ, ಚೇರ್ಮನ್ ದೊಡ್ಮನಿ ಪ್ರಕಾಶ್ ಇದ್ದರು.