ವಿಶ್ವ ತಾಯಂದಿರ ದಿನ ಆಚರಣೆ

ಕೋಲಾರ,ಜೂ.೨೬:ತಾಲೂಕಿನ ವಕ್ಕಲೇರಿ ಗ್ರಾಮದ ರನ ಡ್ಯಾನ್ಸ್ ಅಕಾಡೆಮಿ ವತಿಯಿಂದ ವಕ್ಕಲೇರಿ ಗ್ರಾಮದ ಸಿ.ಬ್ಲಾಕ್‌ನಲ್ಲಿ ವಿಶ್ವ ತಾಯಂದಿರ ದಿನಾಚರೆಣೆಯನ್ನು ಹಮ್ಮಿಕೊಳ್ಳಲಾಗಿತ್ತು.
ಗ್ರಾಮ ಪಂಚಾಯತಿ ಅಧ್ಯಕ್ಷೆ ರಾಧಿಕ ಮಂಜುನಾಥ್ ಮಾತನಾಡಿ, ಸುತ್ತಮುತ್ತಲೂ ಎಷ್ಟೋ ಸಂಘ ಸಂಸ್ಥೆಗಳಿವೆ. ಯಾರು ಸಹ ಇಂತಹ ಸಮಾಜಮುಖಿ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿಲ್ಲ, ರನ ಡ್ಯಾನ್ಸ್ ಅಕಾಡೆಮಿ ಅಧ್ಯಕ್ಷ ಶ್ರವಣ್ ಕುಮಾರ್ (ಬಾಬು) ಸಂಸ್ಥೆಯ ಪರವಾಗಿ ಅಂಗನವಾಡಿ ಮಕ್ಕಳಿಗೆ ಸಮವಸ್ತ್ರ, ಶೂ, ಆಟದ ಸಾಮಾಗ್ರಿ ಹಾಗೂ ಆಶಾ ಕಾರ್ಯಕರ್ತತೆಯರು ಹಾಗೂ ಅಂಗನವಾಡಿ ಕಾರ್ಯಕರ್ತೆಯರಾದ ದೇವಿ, ಯಶೋಧಮ್ಮ, ರಾಮಕ್ಕ ಅವರನ್ನು ಸನ್ಮಾನಿಸಿರುವುದು ಶ್ಲಾಘನೀಯ, ರನ ಡ್ಯಾನ್ಸ್ ಅಕಾಡೆಮಿ ಇನ್ನಷ್ಟು ಉತ್ತಮ ಸಮಾಜಮುಖಿ ಕೆಲಸಗಳನ್ನು ಮಾಡಲಿ ಎಂದು ಶುಭ ಹಾರೈಸಿದರು.
ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯತಿ ಸದಸ್ಯೆ ಶೋಭಾ ಮಂಜುನಾಥ್ ಇನಾಯತ್ ಪಾಷ, ಶಂಕರ್, ಮನುಕುಮಾರ್, ಹರೀಶ್, ಅಂಬರೀಶ್, ಎಸ್.ಡಿ.ಎಂ.ಸಿ ಮಾಜಿ ಸದಸ್ಯ ಆಂಜಿನಪ್ಪ ಸೇರಿದಂತೆ ರನ ಡ್ಯಾನ್ಸ್ ಅಕಾಡೆಮಿಯ ಎಲ್ಲಾ ಮಕ್ಕಳು ಉಪಸ್ಥಿತರಿದ್ದರು.