ವಿವಿಧ ಕಾಮಗಾರಿಗಳಿಗೆ ಭೂಮಿ ಪೂಜೆ

ಮುದ್ದೇಬಿಹಾಳ;ಮಾ.15: ನಿಜವಾದ ಕಡು ಬಡವರಿಗೇ ಸರಕಾರದ ವಿವಿಧ ಸೌಲಭ್ಯಗಳನ್ನು ತಲುಪಿಸುವುದು, ಮಕ್ಕಳಿಗೆ ಗುಣಮಟ್ಟ ಶಿಕ್ಷಣ ಒದಗಿಸುವ ಮೂಲಕ ಮತಕ್ಷೇತ್ರ ಎಲ್ಲ ಗ್ರಾಮಗಳು ಪಟ್ಟಣಗಳನ್ನು ಸಮಗ್ರ ಅಭಿವೃದ್ಧಿ ಪಥದತ್ತ ಕೊಂಡ್ಯೊಯ್ಯುವ ಮೂಲಕ ಮಡಿಕೇಶ್ವರ ಗ್ರಾಮ ಮಾದರಿ ಗ್ರಾಮವನ್ನಾಗಿ ಮಾಡುವುದೂ ನನ್ನ ಬಹುದಿನದ ಕನಸಾಗಿದೇ ಎಂದು ಕ.ರಾ ಆಹಾರ ಮತ್ತು ಸರಬರಾಜು ನಿಗಮದ ಅಧ್ಯಕ್ಷ ಶಾಸಕ ಎ ಎಸ್ ಪಾಟೀಲ್ ( ನಡಹಳ್ಳಿ ಹೇಳಿದರು)

ಅವರು ತಾಲ್ಲೂಕಿನ ಮಡಿಕೇಶ್ವರ ಗ್ರಾಮದಲ್ಲಿ ವಿವಿಧ ಕಾಮಗಾರಿಗಳಿಗೆ ಭೂಮಿ ಪೂಜೆಯನ್ನು ಸಲ್ಲಿಸಿ ಅವರು ಮಾತನಾಡುತ್ತಿದ್ದರು

ಮಡಿಕೇಶ್ವರ ಗ್ರಾಮದ ಅಭಿವೃದ್ಧಿ ಗೆ ಹೆಚ್ಚಿನ ಅನುದಾನವನ್ನು ತಂದು ಮಾದರಿ ಗ್ರಾಮವಾಗಿಸುವ ನಿಟ್ಟಿನಲ್ಲಿ ಗ್ರಾಮದ ಎಸ್ಸಿ ಕಾಲೋನಿಯಲ್ಲಿ ಸಿಸಿ ರಸ್ತೆಗಳ 56.85 ಲಕ್ಷ ರೂ,ಜಗಜೀವನ ರಾಂ ಭವನಕ್ಕೆ 10 ಲಕ್ಷ ರೂ,ಸಮುದಾಯ ಭವನಕ್ಕೆ 3 ಲಕ್ಷ ರೂ, ಕಾಲುವೆ ಮುಖಾಂತರ ಕೆರೆ ತುಂಬಿಸಲು 4.80 ಕೋಟಿ ರೂ, ಇದರಿಂದ ಗ್ರಾಮದಲ್ಲಿ ಅಂತರ ಜಲಮಟ್ಟ ಹೆಚ್ಚಾಗಿ ರೈತರ ಬೆಳೆ ಬೆಳೆಯಲು ಅನುಕೂಲವಾಗುತ್ತದೆ. ಗ್ರಾಮದ ಮೂಲಭೂತ ಸೌಕರ್ಯ ಕ್ಕೆ 250 ಕೋಟಿ ರೂ ಪ್ರಸ್ತಾವನೆ ಸಲ್ಲಿಸಿದ್ದೇನೆ ,ಮಡಿಕೇಶ್ವರ ಗ್ರಾಮಕ್ಕೆ ಪಿಯು ಕಾಲೇಜು ಪ್ರಸ್ತಾವನೆ ದೇವಸ್ಥಾನಗಳ ಜೀರ್ಣೋದ್ಧಾರ ಕ್ಕೆ ಹಾಗೂ ಚಿಮ್ಮಲಗಿ ಕಾಲುವೆಯಿಂದ ಪ್ರತಿಯೊಬ್ಬ ರೈತರ ಹೂಲಕ್ಕೆ ನೀರು ಪೂರೈಕೆಗೆ 116 ಕೋಟಿ ಟೆಂಡರ್ ಪ್ರಕ್ರಿಯೆ ನಡೆದಿದ್ದು ಕಾಮಗಾರಿ ಶೀಘ್ರದಲ್ಲಿ ನೆಡೆಲಿದೆ,110 ಕೆವಿ ವಿದ್ಯುತ್ ಸ್ಟೇಷನ್ ಹಾಗೂ ಗ್ರಾಮದಲ್ಲಿ ಹೊಸ ವಿದ್ಯುತ್ ಕಂಬ ಮತ್ತು ವೈರಗಳ ಬದಲಾವಣೆ ಆಗಲಿದೆ,ಜಲಮೀಶನ್ ಅಡಿಯಲ್ಲಿ ಪ್ರತಿ ಮನೆಮನೆಗಳಿಗೆ ಶುದ್ದ ಕುಡಿಯುವ ನೀರಿನ ನಳಗಳ ಸೌಲಭ್ಯ ಮತ್ತು ಪರಮೇಶ್ವರ ಮಂಗಲ ಕಾರ್ಯಾಲಯಕ್ಕೆ 15 ಲಕ್ಷ ರೂ ಮಂಜೂರಾತಿ ಆಗಿದೆ ಮಾಡಿದ್ದೇನೆ ಎಂದರು

ಪ್ರತಿ ಗ್ರಾಮಗಳ ರೈತರು ತಮ್ಮ ಹೂಲಗಳಿಗೆ ರಸ್ತೆ ಸುಧಾರಣೆ ಗೆ ಒಂದು ಕಿಮೀ ಒಂದು ಲಕ್ಷದಂತೆ ಮಡಿಕೇಶ್ವರ ಗ್ರಾಮಕ್ಕೆ 15 ಲಕ್ಷ ರೂ ಮುಖ್ಯಮಂತ್ರಿಗಳ ವಿಶೇಷ ಅನುದಾನವನ್ನು ಬಿಡುಗಡೆ ಮಾಡಿ ಭೂಮಿ ಪೂಜೆ ಮಾಡಲಾಗಿದ್ದು ಶೀಘ್ರದಲ್ಲಿ ಕಾಮಗಾರಿ ಆರಂಭವಾಗುತ್ತದೆ ಎಂದು ಶಾಸಕ ಎ ಎಸ್ ಪಾಟೀಲ್ ( ನಡಹಳ್ಳಿ) ಹೇಳಿದರು

.ಈ ಸಂದರ್ಭದಲ್ಲಿ ಡಿಸಿಸಿ ಬ್ಯಾಂಕ್ ನಿರ್ದೇಶಕ ಸೋಮನಗೌಡ ಬಿರಾದಾರ, ಲೋಕೋಪಯೋಗಿ ಇಲಾಖೆಯ ಎಇಇ ಆರ್ ಎಂ ಹುಂಡೆಕಾರ, ಸಹಾಯಕ ಅಭಿಯಂತರ ಅಶೋಕ ಬಿರಾದಾರ, ಗುತ್ತಿಗೆದಾರ ಎ ಜಿ ಸಜ್ಜನ, ಗ್ರಾಮದ ಬಿ ಆರ್ ಪಾಟೀಲ್, ಜಿ ಬಿ ಅಂದಾನ,ಎಸ್ ಬಿ ಬಿರಾದಾರ, ವ್ಹಿ ಎ ಪಾಟೀಲ್, ಎ ಎಂ ಕೇಸಪ್ಪಗೌಡರ,ನಿಂಗಪ್ಪ ಹೈಯಾಳ,ಅಯ್ಯಪ್ಪ ನಾಯ್ಕೋಡಿ,ಜಿ ಎನ್ ಪಾಟೀಲ್ ಪ್ರಶಾಂತ ಬಿರಾದಾರ, ಸಿದ್ದಪ್ಪ ಮಾದರ,ಪವಾಡೆಪ್ಪ ಮಾದರ,ವಾಲು ರಾಠೋಡ, ಮಹಾಂತೇಶ ಮಾದರ,ಕೃಷ್ಣ ಮಾದರ ಹಾಗೂ ಗ್ರಾಮದ ಮಹಿಳೆಯರು ಹಿರಿಯರು ಉಪಸ್ಥಿತರಿದ್ದರು