‌ ಕೊಹ್ಲಿ ವಿರುದ್ಧ ಮೊದಲ ಪಂದ್ಯ ಸ್ಮರಿಸಿದ ಹರಭಜನ್‌ ಸಿಂಗ್


ನವದೆಹಲಿ, ಸೆ. 14 -ಟೀಮ್‌ ಇಂಡಿಯಾ ಹಾಗೂ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರನ್ನು ಪ್ರಸ್ತುತ ವಿಶ್ವದ ಶ್ರೇಷ್ಠ ಬ್ಯಾಟ್ಸ್‌ಮನ್‌ ಎಂದು ಕರೆಯಲಾಗುತ್ತದೆ. ಯುವಕನಾಗಿದ್ದಾಗಲೇ ಬಲಗೈ ಬ್ಯಾಟ್ಸ್‌ಮನ್‌ ತಮ್ಮ ವೃತ್ತಿ ಜೀವನದಲ್ಲಿ ಹಲವು ದಾಖಲೆಗಳನ್ನು ಮಾಡಿದ್ದರು. ತಮ್ಮ ವೃತ್ತಿ ಜೀವನದ ಅಂತ್ಯದ ಒಳಗಾಗಿ ಕೊಹ್ಲಿ ಇನ್ನೂ ಹಲವು ದಾಖಲೆಗಳನ್ನು ಸೃಷ್ಠಿಸಲಿದ್ದಾರೆಂಬುದು ಕ್ರಿಕೆಟ್‌ ಪಂಡಿತರು ಅಭಿಪ್ರಾಯ.

ಇತ್ತೀಚಿನ ಸಂಭಾಷಣೆಯೊಂದರಲ್ಲಿ ಹಿರಿಯ ಆಫ್‌ ಸ್ಪಿನ್ನರ್‌ ಹರಭಜನ್‌ ಸಿಂಗ್‌, ಮೊದಲ ಬಾರಿ ವಿರಾಟ್‌ ಕೊಹ್ಲಿಯನ್ನು ಎದುರಿಸಿದ್ದ ಕ್ಷಣವನ್ನು ಸ್ಮರಿಸಿಕೊಂಡರು ಹಾಗೂ ಬಲಗೈ ಬ್ಯಾಟ್ಸ್‌ಮನ್‌ ಮುಂದೆ ದೊಡ್ಡ ಸ್ಟಾರ್‌ ಆಗುತ್ತಾರೆಂದು ಅಂದೇ ಊಹಿಸಿದ್ದೆ ಎಂದು ಹೇಳಿದ್ದಾರೆ.

ವೈಯಕ್ತಿಕ ಕಾರಣಗಳಿಂದ ಹರಭಜನ್‌ ಸಿಂಗ್ 13ನೇ ಆವೃತ್ತಿಯ ಐಪಿಎಲ್‌ನಿಂದ ಒಂದು ತಿಂಗಳ ಹಿಂದೆಯೇ ಹೊರ ನಡೆದಿದ್ದರು. 2008ರಲ್ಲಿ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಮುಂಬೈ ಇಂಡಿಯನ್ಸ್ ಪಂದ್ಯವನ್ನು ಭಜ್ಜಿ ಸ್ಮರಿಸಿಕೊಂಡರು. ಅಂದು ಸನತ್‌ ಜಯ ಸೂರ್ಯ ಅವರ ಬೌಲಿಂಗ್‌ಗೆ ಕೊಹ್ಲಿ ಹೊಡೆದಿದ್ದ ಸಿಕ್ಸರ್‌ ಅನ್ನು ಹಿರಿಯ ಸ್ಪಿನ್ನರ್‌ ನೆನಪು ಮಾಡಿಕೊಂಡರು.

“ಐಪಿಎಲ್‌ ಆರಂಭಕ್ಕೂ ಮುನ್ನ ವಿರಾಟ್‌ ಕೊಹ್ಲಿ ಬಗ್ಗೆ ಲಾಲ್‌ಚಂದ್‌ ರಜಪೂತ್‌ ಅವರಿಂದ ತಿಳಿದುಕೊಂಡಿದ್ದೆ. ಸಚಿನ್‌ ಪಾಜಿ ಅಂದಿನ ಪಂದ್ಯದಿಂದ ಹೊರಗುಳಿದ ಕಾರಣ, ನಾನೇ ಮುಂಬೈ ಇಂಡಿಯನ್ಸ್ ತಂಡವನ್ನು ಮುನ್ನಡೆಸಿದ್ದೆ. ಸನತ್‌ ಜಯಸೂರ್ಯ ಬೌಲಿಂಗ್‌ನಲ್ಲಿ ವಿರಾಟ್‌ ಕೊಹ್ಲಿ ಮುಂದೆ ಬಂದು ಸಿಕ್ಸರ್‌ ಸಿಡಿಸಿದರು,” ಎಂದು ಹರಭಜನ್ ಸಿಂಗ್‌ ಸ್ಟಾರ್‌ ಸ್ಪೋರ್ಟ್ಸ್‌ನ ‘ಐಪಿಎಲ್ ಮೆಮೋರಿ’ ಶೋದಲ್ಲಿ ತಿಳಿಸಿದರು.

“ಜಯಸೂರ್ಯ ಅವರಿಗೆ ಬೌಲಿಂಗ್‌ ಮಾಡುತ್ತಿದ್ದಾರೆಂಬ ಬಗ್ಗೆ ಆತನಿಗೆ(ವಿರಾಟ್‌ ಕೊಹ್ಲಿ) ಯಾವುದೇ ಭಯವಿರಲಿಲ್ಲ. ಭವಿಷ್ಯದಲ್ಲಿ ದೊಡ್ಡ ಸ್ಟಾರ್‌ ಆಗುತ್ತೇನೆಂದು ಅಂದೇ ಸಾಬೀತುಪಡಿಸಿದ್ದರು,” ಎಂದು ಹರಭಜನ್‌ ಸಿಂಗ್‌ ಆರ್‌ಸಿಬಿ ನಾಯಕನನ್ನು ಕೊಂಡಾಡಿದರು.

ವಿರಾಟ್‌ ಕೊಹ್ಲಿ ಎದುರು ಮೊದಲ ಹೋರಾಟವನ್ನು ಭಾರತ ತಂಡದ ಮಾಜಿ ಆಲ್‌ರೌಂಡರ್‌ ಇರ್ಫಾಣ್ ಪಠಾಣ್‌ ಕೂಡ ಸ್ಮರಿಸಿಕೊಂಡರು. ಆಟದ ಮೇಲೆ ಕೊಹ್ಲಿ ಎಷ್ಟೊಂದು ಗಮನ ಕೇಂದ್ರಿಕರಿಸುತ್ತಾರೆಂದು ಅಂದೇ ಮನವರಿಕೆಯಾಗಿತ್ತು ಎಂಬುದನ್ನು ಪಠಾಣ್‌ ಹೇಳಿದರು.

“ಐಪಿಎಲ್‌ನಲ್ಲಿ ಯಾವಾಗಲಾದರೂ ವಿರಾಟ್‌ ಕೊಹ್ಲಿ ವೀಕ್ಷಿಸಲು ಬಯಸಿದರೆ, ಅವರು ಒಬ್ಬರನ್ನೇ ನೋಡಲು ಇಷ್ಟಪಡುತ್ತೇನೆ. ಮೈದಾನ ಹಾಗೂ ಹೊರಗೆ ಎರಡೂ ಕಡೆ ಯುವ ಬ್ಯಾಟ್ಸ್‌ಮನ್‌ ಆಹ್ಲಾದಿಸುತ್ತಿದ್ದರು. ಆದರೆ, ಅವರು ಕ್ರಿಕೆಟ್‌ ಅನ್ನು ಯಾವತ್ತೂ ನಿರಾಕರಿಸಿಲ್ಲ,” ಎಂದು ಇರ್ಫಾನ್‌ ಪಠಾಣ್‌ ಹೇಳಿದರು.

“ಆಟವನ್ನು ಅವರು ಕೇಂದ್ರಕರಿಸುವುದೇ ಅವರಲ್ಲಿರುವ ಉತ್ತಮ ಅಂಶ. ಈ ಕಾರಣದಿಂದಲೇ ಅವರು ಪ್ರಸ್ತುತ ವಿಶ್ವದ ಅತ್ಯುತ್ತಮ ಆಟಗಾರರಾಗಿದ್ದಾರೆ. ಅವರು ಆಟದಲ್ಲಿ ಎಷ್ಟು ತಮ್ಮನ್ನು ತಾವು ತೊಡಗಿಸಿಕೊಳ್ಳುತ್ತಿದ್ದರು ಎಂಬುದನ್ನು ಇದು ಸಾಬೀತುಪಡಿಸುತ್ತದೆ,” ಎಂದು ಭಾರತ ತಂಡದ ಮಾಜಿ ವೇಗಿ ಹೇಳಿದ್ದಾರೆ