ವಿದ್ಯಾರ್ಥಿಗಳ ಭವಿಷ್ಯ ರೂಪಿಸಲು ರಾಷ್ಟ್ರೀಯ ಸೇವಾ ಯೋಜನೆ ವಿಶೇಷ ಶಿಬಿರ ಸಹಕಾರಿ

ಕಲಬುರಗಿ,ಜು.22-ವಿದ್ಯಾರ್ಥಿಗಳ ಭವಿಷ್ಯ ರೂಪಿಸಿಕೊಳ್ಳಲು ಸಹಕಾರಿಯಾಗುವ ರಾಷ್ಟ್ರೀಯ ಸೇವಾ ಯೋಜನೆಯ ವಾರ್ಷಿಕ ವಿಶೇಷ ಶಿಬಿರಗಳು, ಕಾಲೇಜುಗಳಲ್ಲಿ ರಾಷ್ಟ್ರೀಯ ಸೇವಾ ಯೋಜನೆ ಹಾಗೂ ಎನ್‍ಸಿಸಿಯಿಂದ ಮತ್ತು ಯಾವುದೇ ಶಿಬಿರಗಳಾಗಲಿ ಆಯೋಜಿಸುವುದರ ಮೂಲಕ ವಿದ್ಯಾರ್ಥಿಗಳು ತಮ್ಮ ಭವಿಷ್ಯವನ್ನು ರೂಪಿಸಿಕೊಳ್ಳಲಿ ಎಂಬ ಮಹದಾಸೆಯೊಂದಿಗೆ ಸರಕಾರ 1969 ರಿಂದ ರಾಷ್ಟ್ರೀಯ ಸೇವಾ ಯೋಜನೆಗಳನ್ನು ಶಾಲಾ-ಕಾಲೇಜುಗಳಲ್ಲಿ ಪ್ರಾರಂಭಿಸಿದೆ. ಇಂತಹ ಶಿಬಿರಗಳಲ್ಲಿ ವಿವಿಧ ವಿಷಯಗಳಲ್ಲಿ ಪರಿಣಿತ ಹೊಂದಿರುವ ಸಂಪನ್ಮೂಲ ವ್ಯಕ್ತಿಗಳಗೆಲ್ಲ ಕರೆಸಿ ಪರಿಣಾಮಕಾರಿಯಾದ ಉಪನ್ಯಾಸಗಳನ್ನು ಏರ್ಪಡಿಸುವುದರ ಮೂಲಕ ವಿದ್ಯಾರ್ಥಿಗಳ ಭವಿಷ್ಯ ರೂಪಿಸಿಕೊಳ್ಳಲು ಸಹಾಯಕವಾಗಿದೆ ಎಂದು ಹೈಕ ಸಂಸ್ಥೆಯ ಕಾರ್ಯದರ್ಶಿ ಡಾ.ಜಗನ್ನಾಥ್ ಬಿಜಾಪುರ ಹೇಳಿದರು.
ಕೋಟನೂರ ಗ್ರಾಮದಲ್ಲಿರುವ ಜಿಲ್ಲಾ ಕೃಷಿ ತರಬೇತಿ ಕೇಂದ್ರದಲ್ಲಿ ಶ್ರೀಮತಿ ವೀರಮ್ಮ ಗಂಗಸಿರಿ ಮಹಿಳಾ ಮಹಾವಿದ್ಯಾಲಯ ರಾಷ್ಟ್ರೀಯ ಸೇವಾ ಯೋಜನೆ ‘ಎ’, ‘ಬಿ’ ಮತ್ತು ಸ್ವ ನಿಧಿ ಘಟಕಗಳ 2022-23ನೇ ಸಾಲಿನ ರಾಷ್ಟ್ರೀಯ ಸೇವಾ ಯೋಜನೆಯ ವಾರ್ಷಿಕ ವಿಶೇಷ ವಿರದ ಸಮರೂಪ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಅವರು ಮಾತನಾಡಿದ ಅವರು,ನಮ್ಮ ಜೀವನದಲ್ಲಿ ಇಂತಹ ಅವಕಾಶಗಳು ನಮಗೆ ಸಿಕ್ಕಿಲ್ಲ ಇದನ್ನು ಪಡೆದ ನೀವು ಧನ್ಯರು ಎಂದು ಹೇಳುತ್ತಾ ಇತ್ತೀಚಿಗೆ ನ್ಯಾಕ್ನಿಂದ ಏ ಡಬಲ್ ಪ್ಲಸ್ ಶ್ರೇಣಿ ಪಡೆದ ಪ್ರಯುಕ್ತ ಮಹಾವಿದ್ಯಾಲಯದ ಎಲ್ಲರನ್ನು ಅಭಿನಂದಿಸಿದರು.
ಅತಿಥಿಗಳಾಗಿ ಆಗಮಿಸಿದ್ದ ಜಿಲ್ಲಾ ಕೃಷಿ ತರಬೇತಿ ಕೇಂದ್ರದ ಸಹಾಯಕ ನಿರ್ದೇಶಕ ಡಾ.ಅನಿಲ್ ಕುಮಾರ್ ರಾಥೋಡ್ ಅವರು ಮಾತನಾಡುತ್ತ ಸುಮಾರು ಏಳು ದಿನಗಳ ಕಾಲ ನಮ್ಮ ಕ್ಯಾಂಪಸ್ ನಲ್ಲಿದ್ದು ಶ್ರಮದಾನದ ಮುಖಾಂತರ ಹಾಗೂ ಪಕ್ಕದ ಗ್ರಾಮಗಳಿಗೆ ತೆರಳಿ ಆರೋಗ್ಯ ದಂತ, ನೇತ್ರ ಇವುಗಳಿಗೆ ಸಂಬಂಧಿಸಿದ ಉಚಿತ ಶಿಬಿರಗಳನ್ನ ಆಯೋಜಿಸುವುದರ ಮೂಲಕ ಹಾಗೂ ಸಮೀಕ್ಷಾ ಕಾರ್ಯವನ್ನು ಕೈಗೊಂಡು ವಿದ್ಯಾರ್ಥಿಗಳು ಈ ಶಿಬಿರದ ಮೂಲಕ ಶಿಸ್ತು ಸಮಯ ಪಾಲನೆ ಮೊದಲಾದವುಗಳನ್ನು ಕಲಿತುಕೊಂಡು ಕ್ಯಾಂಪಸ್ ನಲ್ಲಿ ಒಂದು ವಿನೂತನವಾದ ವಾತಾವರಣವನ್ನು ಸೃಷ್ಟಿಸಿದ್ದರು. ನಿಜಕ್ಕೂ ರಾಜ್ಯದಲ್ಲಿ ಎ ಡಬಲ್ ಪ್ಲಸ್ ಶ್ರೇಣಿ ಪಡೆದ ಏಕೈಕ ಮಹಿಳಾ ಮಹಾವಿದ್ಯಾಲಯ ಎನ್ನುವುದು ಹೆಮ್ಮೆಯ ಸಂಗತಿ. ಈ ವಿದ್ಯಾರ್ಥಿನಿಯರನ್ನು ನೋಡಿದಾಗ ಅವರ ಶಿಸ್ತನ್ನು ಅವರ ಕೆಲಸವನ್ನು ಸಮಯಪ್ರಜ್ಞೆಯನ್ನು ನೋಡಿದಾಗ ಈ ಕಾಲೇಜು ಆ ಶ್ರೇಣಿಯನ್ನು ಪಡೆಯಲು ನಿಜಕ್ಕೂ ಅರ್ಹವಾಗಿದೆ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಹೈದರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆಯ ಉಪಾಧ್ಯಕ್ಷÀ ಡಾ.ಶರಣಬಸಪ್ಪ ಹರವಾಳ ಅವರು ಶಿಬಿರಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿ, ಶಿಬಿರದಲ್ಲಿ ನೀವು ಕಲಿತಿರುವುದನ್ನು ನಿಮ್ಮ ಜೀವನಪಯರ್ಂತ ಅಳವಡಿಸಿಕೊಳ್ಳಿ ಹಾಗೂ ನಿಮ್ಮ ಸುತ್ತಮುತ್ತಲಿನ ಜನರಿಗೂ ಶ್ರಮದ ಮಹತ್ವ, ಜಾತ್ಯತೀತತೆ, ಸಹೋದರತ್ವ ಮೊದಲಾದವುಗಳ ಬಗ್ಗೆ ತಿಳಿ ಹೇಳಿ ಸ್ವಾಸ್ಥ ಸಮಾಜದ ನಿರ್ಮಾಣಕ್ಕೆ ನಿಮ್ಮನ್ನ ನೀವು ತೊಡಗಿಸಿಕೊಳ್ಳಿ ಎಂದು ಹೇಳಿದರು.
ಮಹಾವಿದ್ಯಾಲಯದ ಪ್ರಾಚಾರ್ಯರಾದ ಡಾ. ರಾಜೇಂದ್ರ ಕೊಂಡ ಅವರು ಸ್ವಾಗತಿಸಿದರು. ರಾಷ್ಟ್ರೀಯ ಸೇವಾ ಯೋಜನೆ ಕಾರ್ಯಕ್ರಮ ಅಧಿಕಾರಿಗಳಾದ ಡಾ. ಮಹೇಶ್ ಗಂವ್ಹಾರ ವಂದಿಸಿದರು. ಡಾ. ರೇಣುಕಾ ಹಾಗರಗುಂಡಗಿ ಶಿಬಿರದ ವರದಿ ವಾಚಿಸಿದರು. ಸುಷ್ಮಾ ಕುಲಕರ್ಣಿ ಬಹುಮಾನ ವಿಜೇತರ ಪಟ್ಟಿಯನ್ನು ಘೋಷಿಸಿದರು. ಕಾರ್ಯಕ್ರಮದಲ್ಲಿ ಮಹಾವಿದ್ಯಾಲಯದ ಡಾ.ಶಿವರಾಜ ಮುಲಗೆ, ಡಾ.ಶರಣಮ್ಮಾ ಕುಪ್ಪಿ, ಶಿವಲೀಲಾ ಧೋತ್ರೆ, ಡಾ.ದಾನಮ್ಮಾ ಹಾಗೂ ಸಿದ್ದಣ್ಣ ದೇವರಮನಿ ಭಾಗವಹಿಸಿದ್ದರು ಮತ್ತು ತರಬೇತಿ ಕೆಂದ್ರದ ಅಧಿಕಾರಿಗಳಾದ ಸುಜಾತಾ ರಾಜನಾಳಕರ್, ನೀಲಮ್ಮ ಮೊದಲಾದವರಿದ್ದರು.
ಇದೇ ಸಂದರ್ಭದಲ್ಲಿ ಕುಮಾರಿ. ಅಂಜಲಿ ಯಾದವ, ಕು.ಸುಪ್ರಿಯಾ, ಕು ಅಶ್ವಿನಿ ,ಕು.ವಾಣಿಶ್ರೀ, ಕು.ಮಹೇಶ್ವರಿ, ಕು.ರಾಧಿಕಾ ಶಿಬಿರದಲ್ಲಿನ ತಮ್ಮ ಅನುಭವಗಳನ್ನು ಹಂಚಿಕೊಂಡರು ಸುಧಾ ಚಂದ್ರನ್ ತಂಡದವರು ಅಚ್ಚುಕಟ್ಟಾಗಿ ಕಾರ್ಯಕ್ರಮ ನಡೆಸಿ ನಂತರ ಸಾಂಸ್ಕøತಿಕ ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟರು ಎಂದು ಮಹಾವಿದ್ಯಾಲಯದ ನ್ಯಾಕ್ ಸಂಯೋಜಕರಾದ ಡಾ. ಮೋಹನರಾಜ ಪತ್ತಾರ ಉಪಸ್ಥಿತರಿದ್ದರು.