ವಿದ್ಯಾಭ್ಯಾಸಕ್ಕಾಗಿ ಆ್ಯಪ್ ಬಿಡುಗಡೆ

ಭಾಲ್ಕಿ:ಮೇ.16: ‘ವಿದ್ಯಾರ್ಥಿಗಳು ನಿರಂತರ ಜ್ಞಾನಾರ್ಜನೆಯಲ್ಲಿ ತೊಡಗಿಸಿಕೊಳ್ಳ ಬೇಕು’ ಎಂದು ಹಿರೇಮಠದ ಗುರುಬಸವ ಪಟ್ಟದ್ದೇವರು ಹೇಳಿದರು.

ತಾಲ್ಲೂಕಿನ ಕರಡ್ಯಾಳದ ಶ್ರೀ ಚನ್ನಬಸವೇಶ್ವರ ಗುರುಕುಲ ವಿಜ್ಞಾನ ಕಾಲೇಜಿನಲ್ಲಿ ಈಚೆಗೆ ಗುರುಬಸವ ಪಟ್ಟದ್ದೇವರು ಪ್ರಥಮ ಪಿಯು ವಿಜ್ಞಾನ ವಿದ್ಯಾರ್ಥಿಗಳಿಗಾಗಿ ಸಿದ್ಧಪಡಿಸಿದ್ದ ಪಿಸಿಎಂಬಿ ವಿಷಯಗಳ ಬ್ರಿಡ್ಜ್‌ ಕೋರ್ಸ್‌ ಮೊಬೈಲ್‌ ಆಯಪ್‌ ಬಿಡುಗಡೆಗೊಳಿಸಿ ಮಾತನಾಡಿದರು.

ಪ್ರಾಚಾರ್ಯ ಬಸವರಾಜ್‌ ಮೊಳಕೀರೆ ಮಾತನಾಡಿ, ‘ಆಯಪ್‌ನಲ್ಲಿ ವಿದ್ಯಾಭ್ಯಾಸಕ್ಕೆ 140 ವಿಡಿಯೊ ಇವೆ. ಮಾಹಿತಿಗೆ ಮೊ: 7353304503, 8147740402 ಕರೆ ಮಾಡಲು’ ತಿಳಿಸಿದರು. ಆಡಳಿತಾಧಿಕಾರಿ ಮೋಹನ ರೆಡ್ಡಿ, ಶ್ರೀನಿವಾಸರೆಡ್ಡಿ, ಸಿದ್ರಾಮ ಗೊಗ್ಗಾ, ಮಹಾದೇವ ಕಾಡಾದೆ, ಆದರ್ಶ ಗಂದಿಗುಡಿ, ಶಿವಪ್ರಸಾದ ಶರ್ಮಾ, ಶಿವಪ್ರಕಾಶ ಕುಂಬಾರ ಇದ್ದರು.