ಲಂಡನ್,,ಮೇ.6- ಲಂಡನ್‌ನ ವೆಸ್ಟ್‌ಮಿನಿಸ್ಟರ್ ಅಬ್ಬೆಯಲ್ಲಿ ನಡೆದ ದೇಶ ವಿದೇಶಗಳ ಗಣ್ಯಾತಿ ಗಣ್ಯರ ಸಮ್ಮುಖದಲ್ಲಿ ರಾಜ ಚಾರ್ಲ್ಸ್-3 ರಾಜ್ಯಾಧಿಕಾರದ ಪಟ್ಟಾಭಿಷೇಕ ಸಮಾರಂಭ ನಡೆಯಿತು.
ರಾಜ ಚಾರ್ಲ್ ಅವರ ಪತ್ನಿ ಕ್ಯಾಮಿಲ್ಲಾ ಕೂಡ ಕಿರೀಟ ಅಲಂಕರಿಸಿದ್ದು ಅಧಿಕೃತವಾಗಿ “ಕ್ವೀನ್ ಕ್ಯಾಮಿಲ್ಲಾ” ಎಂದು ಕರೆಯಲಾಗುವುದು ಎಂದು ವೆಸ್ಟ್ ಮಿನಿಸ್ಟರ್ ಅರಮನೆಯ ಅಧಿಕೃತ ಪ್ರಕಟಣೆ ತಿಳಿಸಿದೆ.
2022ರ. ಸೆಪ್ಟೆಂಬರ್ 8 ರಂದು ರಾಣಿ ಎಲಿಜಬೆತ್ ನಿಧನರಾದಾಗ ಚಾರ್ಲ್ಸ್ ಸ್ವಯಂಚಾಲಿತವಾಗಿ ಉತ್ತರಾಧಿಕಾರಿಯಾಗಿದ್ದರು ಇದೀಗ ಅವರ ಪಟ್ಟಾಭಿಷೇಕ ಮಹೋತ್ವವ ವೈಭವದಿಂದ ನಡೆಯಿತು.
ತಾಯಿಯ ನಿಧನದ ನಂತರ ಸಿಂಹಾಸನಕ್ಕೆ ಏರಿದ ಎರಡು ದಿನಗಳ ನಂತರದ ಸಮಾರಂಭದಲ್ಲಿ ಅವರನ್ನು ಅಧಿಕೃತವಾಗಿ ಇಂಗ್ಲೆಂಡ್ ನ ರಾಜ ಎಂದು ಘೋಷಿಸಲಾಗಿತ್ತು ಇದೀಗ ರಾಜನಿಗೆ ಪಟ್ಟಾಭಿಷೇಕ ಮಹೋತ್ಸವ ಸಮಾರಂಭ ನಡೆಯಿತು.
2000 ಅತಿಥಿಗಳು ಭಾಗಿ
ಕಿಂಗ್ ಚಾರ್ಲ್ಸ್ ಪಟ್ಟಾಭಿಷೇಕ ಸಮಾರಂಭದಲ್ಲಿ ಕಿಂಗ್ ಚಾರ್ಲ್ಸ್ ಮತ್ತು ಅವರ ಪತ್ನಿ ರಾಣಿ ಕಾನ್ಸೋರ್ಟ್ ಕ್ಯಾಮಿಲ್ಲಾ ಕಿರೀಟವನ್ನು ಅಧಿಕೃತವಾಗಿ ಸ್ಬೀಕಾರ ಮಾಡಿದರು.
ಕಿಂಗ್ ಚಾರ್ಲ್ಸ್, ಅವರ ಹಿರಿಯ ಮಗ ಪ್ರಿನ್ಸ್ ವಿಲಿಯಂ ಮತ್ತು ಅವರ ಪತ್ನಿ ಕೇಟ್ ಮಿಡಲ್ಟನ್ ಅವರೊಂದಿಗೆ ಬಕಿಂಗ್ಹ್ಯಾಮ್ ಅರಮನೆಯ ಬಳಿ ಹಿತೈಷಿಗಳನ್ನು ಸ್ವಾಗತಿಸಿದರು. “ಸ್ಲಿಮ್ಡ್-ಡೌನ್” ಸಮಾರಂಭದಲ್ಲಿ ವಿಶ್ವ ನಾಯಕರು, ರಾಜಮನೆತನದ ಸದಸ್ಯರು ಮತ್ತು ಸೆಲೆಬ್ರಿಟಿಗಳು ಸೇರಿದಂತೆ 2,000 ಅತಿಥಿಗಳು ಭಾಗವಹಿಸಿದ್ದರು.
ಇತ್ತೀಚಿನ ದಿನಗಳಲ್ಲಿ ಅನೇಕ ಬದಲಾವಣೆಗಳಿಗೆ ಒಳಗಾದ ರಾಜಮನೆತನದ ಕಡೆಗೆ ಪ್ರಪಂಚದ ಗಮನ ತಿರುಗುತ್ತದೆ-ಪ್ರಿನ್ಸ್ ಹ್ಯಾರಿ ಮತ್ತು ಮೇಘನ್ ಮಾರ್ಕೆಲ್ ಹಿರಿಯ ರಾಜಮನೆತನದ ಸ್ಥಾನದಿಂದ ಕೆಳಗಿಳಿದಿದ್ದರು ದೇಶದ ದೀರ್ಘಾವಧಿಯ ರಾಜ ರಾಣಿ ಎಂದು ಖ್ಯಾತಿ ಪಡೆಸಿದ್ದ ರಾಣಿ ಎಲಿಜಬೆತ್ II ರ ನಿಧನದ ನಂತರ ಚಾರ್ಲ್ ರಾಜನ ಪದವಿಗೇರಿದ್ದರು
ವಿಶೇಷ ಗೌರವ
“ದೇವರು ನಮ್ಮ ಕೃಪೆಯ ರಾಜನನ್ನು ರಕ್ಷಿಸಲಿ” ಎಂದು ಕಿಂಗ್ ಚಾರ್ಲ್ಸ್ ಮರುಪ್ರತ್ಯಕ್ಷವಾಗುತ್ತಿದ್ದಂತೆ ಸಭೆಯಲ್ಲಿ ರಾಷ್ಡ್ರಗೀತೆ ಹಾಡಿ ಗೌರವ ಸಲ್ಲಿಸಲಾಯಿತು
ಕಿಂಗ್ ಚಾರ್ಲ್ಸ್, ರಾಣಿ ಕ್ಯಾಮಿಲ್ಲಾ ಸೇಂಟ್ ಎಡ್ವರ್ಡ್ಸ್ ಚಾಪೆಲ್‌ಗೆ ರಾಜ ಮತ್ತು ರಾಣಿ ಎತ್ತರದ ಬಲಿಪೀಠದ ಹಿಂದೆ ಸೇಂಟ್ ಎಡ್ವರ್ಡ್ಸ್ ಚಾಪೆಲ್ ಅನ್ನು ಪ್ರವೇಶಿಸುತ್ತಾರೆ ಎಂದು ಹೇಳಲಾಗಿದೆ.
