ರೈತರಿಗೆ ಆಸರೆಯಾದ ಬಸವರಾಜು ಶಿವಗಂಗಾ

ಚನ್ನಗಿರಿ.ಜೂ.೬ : ಕೋವಿಡ್ 2 ನೇ ಅಲೆಗೆ ರಾಜ್ಯದ ಜನರು ತತ್ತರಿಸಿ ಹೋಗಿದ್ದಾರೆ. ಒಂದೆಡೆ ಕೂಲಿ ಕಾರ್ಮಿಕರು, ದುಡಿಯುವ ಕೈಗಳಿಗೆ ಕೆಲಸವಿಲ್ಲದಂತಾಗಿದೆ.ಮತ್ತೊಂದೆಡೆ ರೈತರ ಬದುಕು ಚಿಂತಾಜನಕವಾಗಿದೆ. ಬೆಳೆದ ತರಕಾರಿಯಂತ ಬೆಳೆಗಳನ್ನ ಸಂಗ್ರಹ ಮತ್ತು ಮಾರಾಟ ಮಾಡಲು ಆಗದ ಪರಿಸ್ಥಿತಿಯಲ್ಲಿ ರೈತರಿದ್ದಾರೆ. ರೈತರ ಸಂಕಷ್ಟ ತಿಳಿದ ಜಿಲ್ಲಾ ಕಿಸಾನ್ ಕಾಂಗ್ರೆಸ್ ಅಧ್ಯಕ್ಷರಾದ ಬಸವರಾಜು ವಿ ಶಿವಗಂಗಾ ಚನ್ನಗಿರಿ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿ ರೈತರ ತರಕಾರಿ ಬೆಳೆ ಖರೀದಿ ಮಾಡುತ್ತೇವೆ ಎಂದು ತಿಳಿಸಿದ್ದರು. ಕೊಟ್ಟ ಮಾತಿನಂತೆ ಅವರು ರೈತರ ಜಮೀನುಗಳಿಗೆ ಭೇಟಿ ನೀಡಿ ತರಕಾರಿ ಖರೀದಿಸಿದ್ದಾರೆ. ತಾಲ್ಲೂಕಿನ ತಣಿಗೆರೆ ಗ್ರಾಮದ ಜಗನ್ನಾಥ್ ಎಂಬ ರೈತನಿಂದ ಟಮೋಟ ಖರೀದಿಸಿದ್ದಾರೆ. ಜಗನ್ನಾಥ್ ಸುಮಾರು 4 ಎಕೆರೆ ಜಮೀನಿನಲ್ಲಿ ತರಕಾರಿ ಬೆಳೆದಿದ್ದರು. ಇತ್ತ ಬೆಲೆನೂ ಇಲ್ಲದೆ ಮಾರಾಟ ಮಾಡಲು ಸಾಧ್ಯವಾಗದ ಪರಿಸ್ಥಿತಿಯಲ್ಲಿದ್ದರು. ಇದನ್ನ ಮನಗಂಡ ಬಸವರಾಜು ವಿ ಶಿವಗಂಗಾ ರೈತ ಜಗನ್ನಾಥ್ ಗೆ ನೆರವಾಗಿದ್ದಾರೆ. ಸ್ವತಃ ಅವರೇ ಜಮೀನಿಗೆ ಭೇಟಿ ಹಣಕೊಟ್ಟು ಟಮೋಟ ಖರೀದಿಸಿದ್ದಾರೆ.ಈ ಮೂಲಕ ರೈತರ ಸಂಕಷ್ಟದಲ್ಲಿ ಭಾಗಿಯಾಗಿದ್ದಾರೆ. ಈ ಸಂದರ್ಭದಲ್ಲಿ ಮಾತನಾಡಿದ ಬಸವರಾಜು ವಿ ಶಿವಗಂಗಾ ಲಾಕ್ ಹಿನ್ನೆಲೆ ರೈತರ ಪರಿಸ್ಥಿತಿ ತುಂಬಾ ಸಂಕಷ್ಟದಲ್ಲಿದೆ. ಹಳ್ಳಿಗಳಲ್ಲಿ ರೈತರು ಕಷ್ಟಪಟ್ಟು ತರಕಾರಿ ಬೆಳೆದಿದ್ದಾರೆ. ಆದರೆ ಮಾರಾಟ ಮಾಡಲು ಸಾಧ್ಯವಾಗುತ್ತಿಲ್ಲ ಅದರಲ್ಲೂ ಟಮೋಟ ಬೆಲೆ ಕುಸಿತ ಕಂಡಿದ್ದು ರೈತರಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ. ಇನ್ನೂ ಮಾರಾಟ ಮಾಡಲು ಮತ್ತು ಸಂಗ್ರಹ ಮಾಡಲು ಯಾವುದೇ ವ್ಯವಸ್ಥೆ ಕೂಡ ಇಲ್ಲ ಇಂಥ ಸಂದರ್ಭದಲ್ಲಿ ದೇಶಕ್ಕೆ ಅನ್ನ ನೀಡುವ ರೈತರ ಬೆಂಬಲಕ್ಕೆ ನಿಲ್ಲುವುದು ನನ್ನ ಕರ್ತವ್ಯ ಎಂದರು. ರೈತರಿಂದ ತರಕಾರಿ ಖರೀದಿಸಿ ಬಡ ಕುಟುಂಬಗಳ ಮನೆಗಳಿಗೆ ಹೋಗಿ ನಾವೇ ವಿತರಣೆ ಮಾಡುತ್ತೇವೆ ಇದರಿಂದ ರೈತರು ಮತ್ತು ಸಂಕಷ್ಟ ಕುಟುಂಬಗಳಿಗೆ ನೆರವಾಗುತ್ತದೆ. ಇದು ನನ್ನ ತವರು ಚನ್ನಗಿರಿ ತಾಲ್ಲೂಕ್ ಜನರಿಗಾಗಿ ಮಾಡುತ್ತಿರುವ ಸೇವೆ ಎಂದರು. ರೈತರು ಸಂಕಷ್ಟದಲ್ಲಿದ್ದಾಗ ನೆರವಾಗುವುದು ನಮ್ಮ ಧರ್ಮ ಎಂದರು. ಬಳಿಕ ಮಾತನಾಡಿದ ರೈತ ಜಗನ್ನಾಥ್ ಬಸವರಾಜು ವಿ ಶಿವಗಂಗಾ ರವರು ರೈತರು ಹಾಗೂ ಬಡವರ ಬಗ್ಗೆ ಕಾಳಜಿ ಹೊಂದಿದ್ದಾರೆ. ನಮ್ಮ ಜಮೀನಿಗೆ ಅವರೇ ಭೇಟಿ ನೀಡಿ ಟೊಮೋಟೊ ಖರೀದಿಸಿದ್ದಾರೆ. ಇದರಿಂದ ನಮಗೆ ತುಂಬಾ ಸಹಾಯವಾಗಿದೆ ರೈತರು ಇಂಥ ಸಂಕಷ್ಟ ಪರಿಸ್ಥಿತಿಯಲ್ಲಿದ್ದಾಗ ಸಹಾಯವಾಗುವುದರಿಂದ ಸ್ವಲ್ಪ ಆರ್ಥಿಕ ಸಮಸ್ಯೆ ಕಡಿಮೆಯಾಗುತ್ತದೆ. ಅವರು ಮಾಡುತ್ತಿರುವ ಜನಪರ ಸೇವೆ, ರೈತರ ಬಗ್ಗೆ ಹೊಂದಿರುವ ನಿಜಕ್ಕೂ ಶ್ಲಾಘನೀಯ ಎಂದರು. ಈ ವೇಳೆ ಗ್ರಾಮದ ರೈತ ಕಾರ್ಮಿಕರು ಹಾಗೂ ಕಿಸಾನ್ ಕಾಂಗ್ರೆಸ್ ಕಾರ್ಯಕರ್ತರು ಉಪಸ್ಥಿತರಿದ್ದರು.