ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕøತ ಗುರುನಾಥ ಹೂಗಾರ ಅಭಿನಂದನಾ ಕಾರ್ಯಕ್ರಮಕಲಬುರಗಿಯಲ್ಲಿ ಅನುರಣಿಸಿದ ಸನ್ಮಾನ

ಕಲಬುರಗಿ:ನ.14: ರಾಜ್ಯೋತ್ಸವ ಪ್ರಶಸ್ತಿಯಿಂದ ಕಲಬುರಗಿ ಭಾಗದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ. ರಾಜ್ಯ ಸರ್ಕಾರ ಸೂಕ್ತ ವ್ಯಕ್ತಿಯನ್ನು ಆಯ್ಕೆ ಮಾಡಿ ಪ್ರಶಸ್ತಿ ನೀಡಿ ಗೌರವಿಸಿರುವುದು ನಮಗೆಲ್ಲ ಸಂತಸ ತಂದಿದೆ ಎಂದು ಕಲಬುರಗಿ ಸಂಸದ ಡಾ. ಉಮೇಶ ಜಾಧವ ತಿಳಿಸಿದರು.

ನಗರದ ನೀಲಾಂಬಿಕಾ ಕಲ್ಯಾಣ ಮಂಟಪದಲ್ಲಿ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಹಿರಿಯ ರಂಗಭೂಮಿ ಕಲಾವಿದ ಗುರುನಾಥ ಹೂಗಾರ ಖಣದಾಳ ದಂಪತಿಗಳಿಗೆ ಕಲ್ಯಾಣ ಕರ್ನಾಟಕ ಹೂಗಾರ ಸಮಾಜದ ವತಿಯಿಂದ ಏರ್ಪಡಿಸಿದ್ದ ಅಭಿನಂದನಾ ಸಮಾರಂಭದ ಉದ್ಘಾಟನೆ ನೆರವೇರಿಸಿ ಮಾತನಾಡಿದ ಅವರು ಗುರುನಾಥ ಹೂಗಾರ ಅವರು ರಂಗಭೂಮಿ ಕ್ಷೇತ್ರದಲ್ಲಿ ಕಳೆದ ಹಲವು ದಶಕಗಳಿಂದ ನೂರಾರು ನಾಟಕಗಳಲ್ಲಿ ಅಭಿನಯಿಸಿ ನಿರ್ದೇಶನ ಮಾಡಿದ್ದಾರೆ. ರಂಗಭೂಮಿ ಕ್ಷೇತ್ರದ ಉಳಿವಿಗೆ ಹೂಗಾರ ಅವರಂಥ ನೂರಾರು ಕಲಾವಿದರು ಇಂದು ಸಾಕ್ಷಿಯಾಗಿದ್ದಾರೆ. ಹೀಗಾಗಿ ಅವರ ಮಾರ್ಗದರ್ಶನ ಮುಂಬರುವ ಕಲಾವಿದರಿಗೆ ಇರಲಿ ಎಂದು ಆಶಯ ವ್ಯಕ್ತಪಡಿಸಿದರು.

ಅಫಜಲಪುರ ಶಾಸಕ ಎಂ.ವೈ ಪಾಟೀಲ ಮಾತನಾಡಿ ರಾಜ್ಯೋತ್ಸವ ಪ್ರಶಸ್ತಿಯಿಂದ ನಮ್ಮ ಭಾಗದ ಗರಿಮೆ ಹೆಚ್ಚಾಗಿದೆ. ಇಂದಿನ ಯುವ ಸಮೂಹ ಗುರುನಾಥ ಹೂಗಾರ ಅವರನ್ನು ಆದರ್ಶವಾಗಿಟ್ಟುಕೊಂಡು ಯಾವುದೇ ಕ್ಷೇತ್ರದಲ್ಲಿ ಬೆಳೆಯಲು ಪ್ರಯತ್ನಿಸಬೇಕು ಎಂದು ಕರೆ ನೀಡಿದರು.

ಮುಖ್ಯ ಅತಿಥಿಗಳಾಗಿ ಮಾಜಿ ಸಚಿವ ಮಾಲೀಕಯ್ಯಾ ಗುತ್ತೇದಾರ, ಜೇವರ್ಗಿ ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ ನರಿಬೋಳ, ಚಂದು ಪಾಟೀಲ, ಸಿದ್ದಾಜಿ ಪಾಟೀಲ, ದಿಲೀಪ ಪಾಟೀಲ್, ಸುರೇಶ ತಿಬಶೆಟ್ಟಿ, ಶಿವಶರಣಪ್ಪ ಸಾಹು ಸೀರಿ, ಮಲ್ಲಿನಾಥಗೌಡ ಪಾಟೀಲ ಯಲಗೋಡ ಸೇರಿದಂತೆ ವಿವಿಧ ಇಲಾಖೆಯ ಅಧಿಕಾರಿಗಳು ಆಗಮಿಸಿದ್ದರು.

ಸಾನಿಧ್ಯವನ್ನು ಅಭಿನವ ಸಿದ್ಧಲಿಂಗ ಶಿವಾಚಾರ್ಯರು, ಗುರು ರಾಜೇಂದ್ರ ಶಿವಯೋಗಿ ಹಾಗೂ ಹುಣಚೇರಾಯಲಿಂಗ ಮಹಾರಾಜರು ವಹಿಸಿಕೊಂಡರು.

ಸಮಾರಂಭದ ಬಳಿಕ ಖಣದಾಳ ಗ್ರಾಮದಲ್ಲಿ ಸಾಯಂಕಾಲ ಗ್ರಾಮಸ್ಥರು ಹಾಗೂ ಹೂಗಾರ ಸಮಾಜದ ವತಿಯಿಂದ ಗುರುನಾಥ ಹೂಗಾರ ಅವರ ಭವ್ಯ ಮೆರವಣಿಗೆ ಜರುಗಿತು.

ಸಮಾರಂಭದಲ್ಲಿ ಪ್ರಮುಖರಾದ ಬಸವರಾಜ ಹೂಗಾರ ರಾಯಚೂರು, ಪ್ರಕಾಶ ಫುಲಾರಿ, ಶಿವಶರಣಪ್ಪ ಹೂಗಾರ, ಬಿ.ಪಿ ಹೂಗಾರ, ಎಂ.ಎಚ್ ಹೂಗಾರ, ಲೋಚನೇಶ ಹೂಗಾರ, ಹಣಮಂತರಾಯ ಹೂಗಾರ, ಸಿದ್ದಣ್ಣ ಹೂಗಾರ ಹಂಗರಗಿ, ಸಿ.ಪಿ.ಐ ಮಂಜುನಾಥ ಹೂಗಾರ, ಶ್ರೀಕಾಂತ ಫುಲಾರಿ, ದಯಾನಂದ ಹಾಸು, ಚಂದ್ರಕಾಂತ ಗಾದಗಿ, ಪರಮಾನಂದ ಹಾಸು, ಭೀಮಣ್ಣ ಹೂಗಾರ ಹೋತಪೇಟ, ಶಂಭಣ್ಣ ಹೂಗಾರ, ಸಂಗಮೇಶ ಹೂಗಾರ, ಮಡಿವಾಳ ಹೂಗಾರ, ಈರಣ್ಣ ಹೂಗಾರ, ದತ್ತು ಹೂಗಾರ, ಪ್ರಶಾಂತ ಪೂಜಾರಿ, ಶಿವಾನಂದ ಹೂಗಾರ, ಶ್ರೀಮಂತ ಹೂಗಾರ, ಬಸವರಾಜ ಹೂಗಾರ, ಪುಂಡಲೀಕ ಹೂಗಾರ, ರಮೇಶ ಹೂಗಾರ, ಹುಣಚಿರಾಯ ಹೂಗಾರ, ಸಿದ್ದು ಹೂಗಾರ, ಪ್ರದೀಪ ಹೂಗಾರ ಗದಗ, ಅರುಣಕುಮಾರ ಹೂಗಾರ ಸೇರಿದಂತೆ ರಾಜ್ಯದ ಮೂಲೆ ಮೂಲೆಯಿಂದ ಆಗಮಿಸಿದ ಹೂಗಾರ ಸಮಾಜದ ಬಾಂಧವರು, ಹಿತೈಷಿಗಳು ಹಾಗೂ ಸ್ನೇಹಿತರು ಶುಭ ಕೋರಿ ಹರ್ಷ ವ್ಯಕ್ತಪಡಿಸಿದರು.