ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಶಾಸಕರಿಂದ ಭೂಮಿ ಪೂಜೆ

ಸಂಜೆವಾಣಿ ವಾರ್ತೆ
ಸಾಲಿಗ್ರಾಮ: ಫೆ.26:- ಕ್ಷೇತ್ರದ ಸಮಸ್ಯೆಗಳ ಬಗ್ಗೆ ಸಾರ್ವಜನಿಕರು ಅಹವಾಲುಗಳನ್ನು ನೀಡುತ್ತಿದ್ದು ಹಂತಹಂತವಾಗಿ ಅವುಗಳನ್ನು ಬಗೆ ಹರಿಸಲು ಕ್ರಮ ವಹಿಸುತ್ತಿದ್ದೇನೆ ಎಂದು ಶಾಸಕ ಡಿ.ರವಿಶಂಕರ್ ಹೇಳಿದರು.
ಸಾಲಿಗ್ರಾಮ ಸಮೀಪದ ಕರ್ಪೂರವಳ್ಳಿ ಗ್ರಾಮದಿಂದ ಕಾಟ್ನಾಳ್ ಮುಖ್ಯ ರಸ್ತೆಯಿಂದ ಜಗದ್ಗುರು ಶ್ರೀ ರೇಣುಕಾಚಾರ್ಯ ಮಠದವರೆಗೆ ಶಾಸಕರ ಅನುದಾನದ ಸುಮಾರು 9 ಲಕ್ಷಕ್ಕೂ ಅಧಿಕ ವ್ಯಚ್ಚದಲ್ಲಿ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದರು. ಅವಳಿ ತಾಲೂಕಿನ ಕ್ಷೇತ್ರದ ಅಭಿವೃದ್ಧಿಯ ಮೂಲಕ ಜನತೆಯ ಋಣ ತೀರಿಸಲು ಅತ್ಯಂತ ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತಿದ್ದು. ಸಾಲಿಗ್ರಾಮ ಸಮುದಾಯ ಆರೋಗ್ಯ ಕೇಂದ್ರವನ್ನು ಮೇಲ್ದರ್ಜೆಗೆ ಏರಿಸುವ ನಿಟ್ಟಿನಲ್ಲಿ ಸಚಿವರಿಗೆ ಮನವಿ ಸಲ್ಲಿಸುವ ಮೂಲಕ ಗಮನಕ್ಕೆ ತರಲಾಗಿದ್ದು. ತಾಲೂಕು ಸಾರ್ವಜನಿಕ ಆಸ್ಪತ್ರೆಯನ್ನಾಗಿಸಿ ಎರಡು ಡಯಾಲಿಸಿಸ್ ಯಂತ್ರ ಹಾಗೂ ಐಸಿಯು ಘಟಕವನ್ನು ಶೀಘ್ರದಲ್ಲಿ ಆರಂಭಿಸಿ ಜನತೆಗೆ ಅನುಕೂಲ ಮಾಡಲಾಗುವುದು ಎಂದು ಹೇಳಿದರು.
ಇನ್ನು ತಾಲೂಕು ಘೋಷಣೆ ಆದಾಗಿನಿಂದ ಸಾಲಿಗ್ರಾಮ ತಾಲೂಕು ಕಚೇರಿಯಲ್ಲಿ ಶಾಶ್ವತ ತಹಸೀಲ್ದಾರ್ ಇಲ್ಲದ ಕಾರಣ ತಾಲೂಕಿನ ಕಂದಾಯ ಇಲಾಖೆಗೆ ಸಂಬಂಧಿಸಿದಂತೆ ಹಲವು ರೀತಿಯ ಸಮಸ್ಯೆಗಳ ಬಗ್ಗೆ ಪ್ರತಿ ಬಾರಿಯೂ ಸಾರ್ವಜನಿಕರು ಹಾಗೂ ರೈತರು ನನ್ನ ಗಮನಕ್ಕೆ ತರುತ್ತಿದ್ದು ಅವರ ಕೆಲಸ ಕಾರ್ಯ ಮಾಡುವಲ್ಲಿ ಕಂದಾಯ ಇಲಾಖೆಯ ಅಧಿಕಾರಿಗಳು ವಿಳಂಬ ಮಾಡುತ್ತಿದ್ದಾರೆ ಎಂಬ ದೂರುಗಳು ಕೇಳಿ ಬರುತ್ತಿತ್ತು. ಜನತೆಯ ಅಲೆದಾಟ ಹಾಗೂ ಸಮಸ್ಯೆಗಳಿಗೆ ಶೀಘ್ರ ಪರಿಹಾರ ಸಿಗುವ ಬಗ್ಗೆ ಕ್ರಮ ವಹಿಸಲು ತಾಲೂಕು ಕಚೇರಿಗೆ ಹೊಸದಾಗಿ ಶಾಶ್ವತ ತಹಸೀಲ್ದಾರ್ ಅವರನ್ನ ನೇಮಕ ಮಾಡಿ. ಸಾರ್ವಜನಿಕರನ್ನು ಕಚೇರಿಗೆ ಅಲೆಸದೆ ಸಮಸ್ಯೆಗಳನ್ನು ಬಗೆಹರಿಸುವಂತೆ ಸೂಚಿಸಿದ್ದೇನೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಶರಣು ಸಾಹಿತ್ಯ ಪರಿಷತ್ ಅಧ್ಯಕ್ಷ ಸಿ.ಪಿ.ರಮೇಶ್‍ಕುಮಾರ್, ಮಾ.ತಾ.ಪಂ ಅಧ್ಯಕ್ಷ ಹಾಡ್ಯ ಮಹದೇವ ಸ್ವಾಮಿ, ಸಾಲಿಗ್ರಾಮ ಚಂದ್ರಶೇಖರ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಉದಯ್, ನಗರ ಅಧ್ಯಕ್ಷರಾದ ಪ್ರಭಾಕರ್, ಗಾಯನಹಳ್ಳಿ ಕುಮಾರ ಸ್ವಾಮಿ, ಸಿಡಿಸಿ ಸದಸ್ಯರಾದ ಸಂತೋಷ್ ಮನುಗನಹಳ್ಳಿ ದೇವರಾಜ್ ಸಣ್ಣಪ್ಪ, ಮಂಜು, ಕಾಂಗ್ರೆಸ್ ವಕ್ತಾರ ಜಾಬೀರ್, ಮಂಜಪ್ಪ, ಚುಂಚನಕಟ್ಟೆ ರಮೇಶ್, ತಂದ್ರೆ ಗಿರೀಶ್, ರಾಣಿ ಕುಮಾರ್, ಮೋಹನ್ ಕುಮಾರ್, ಜವರಯ್ಯ, ಅಪ್ತ ಸಹಾಯಕ ನವೀನ್, ಪುನೀತ್ ಸೇರಿದಂತೆ ಮತ್ತಿತರು ಇದ್ದರು.