ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ನಗರ ಶಾಸಕರಿಂದ ಚಾಲನೆ

(ಸಂಜೆವಾಣಿ ವಾರ್ತೆ)
ಬಳ್ಳಾರಿ ಜ 22 : ನಗರ ಶಾಸಕ ಗಾಲಿ ಸೋಮಶೇಖರ ರೆಡ್ಡಿ ಅವರು  ಇಂದು ಇಲ್ಲಿನ 35 ನೆಯ ವಾರ್ಡಿಗೆ ಹೊಂದಿಕೊಂಡಿರುವ ಭತ್ರಿ ಪ್ರದೇಶದ ರಸ್ತೆಗಳ ಕಾಂಕ್ರೀಟ್ ಕಾಮಗಾರಿ ಆರಂಭಕ್ಕೆ  ಪೂಜೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ  ಭಾಜಪ ನಗರಾಧ್ಯ ಕೆ.ಬಿ.ವೆಂಕಟೇಶ್ವರ,  ಮಹಾನಗರ ಪಾಲಿಕೆ ಸದಸ್ಯರುಗಳಾದ  ರಾಜೇಶ್ವರಿ ಸುಬ್ಬರಾಯಡು,  ಮೊತ್ಕರ್ ಶ್ರೀನಿವಾಸ್,  ವಿ.ಶ್ರೀನಿವಾಸುಲು ಮಿಂಚು,  ಮಾಜಿ ಸದಸ್ಯ  ಲೋಕನಾಥ್, ಮುಖಂಡರಾದ ಉಜ್ವಲಾ ಶ್ರೀಧರ, ಹೆಚ್. ತಿಪ್ಪೇಸ್ವಾಮಿ, ಈ ರಾಮಪ್ಪ,   ಗಿರಿಮಲ್ಲಪ್ಪ,  ಕೃಷ್ಣಮೂರ್ತಿ, ಅಂಬೇಡ್ಕರ್ ಸಂಘದ ಅಧ್ಯಕ್ಷರು  ಅನಂತಕುಮಾರ್,  ಶಕ್ತಿ ಕೇಂದ್ರ ಸದಸ್ಯರು, ಕಾರ್ಯಕರ್ತರು, ಸ್ಥಳೀಯರು ಭಾಗವಹಿಸಿದ್ದರು.