ರಂಗಭೂಮಿ ಕಲಾವಿದರಿಗೆ ಸನ್ಮಾನ

ಬಾಗಲಕೋಟೆ: ಮಾ29: ರಂಗಭೂಮಿ ಚಳುವಳಿ ಬಲಪಡಿಸಿ ಗ್ರಾಮದಿಂದ ನಗರ ಮಟ್ಟಕ್ಕೂ ಸಾಂಸ್ಕೃತಿಕ, ಸಾಮಾಜಿಕ, ಮನರಂಜನೆಯ ಮಾಧ್ಯಮವಾಗಿ ಶ್ರೀಮಂತಗೊಂಡ ರಂಗಭೂಮಿಯ ಅರ್ಥಪೂರ್ಣತೆ ಅನಾವರಣಗೊಂಡ ವಿಶ್ವ ರಂಗಭೂಮಿ ದಿನಾಚರಣೆ ಕಲಾವಿದರ ಸನ್ಮಾನ, ನಾಟಕ ಪ್ರದರ್ಶನ ಮೂಲಕ ಗಮನ ಸೆಳೆಯಿತು.
ಅತ್ಯಂತ ಹಳೆಯದಾದ ವಾಸುದೇವ ವಿನೋದಿನಿ ನಾಟ್ಯ ಸಭೆಯು ನಾಟಕ ಅಕ್ಯಾಡಮಿ ಸಹಯೋಗದೊಂದಿಗೆ ಡಾ.ಅಂಬೇಡ್ಕರ್ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಹಿರಿಯ ಕಲಾವಿದರಾದ ಎ.ಎಸ್.ಪಾವಟೆ,ವೆಂಕಟೇಶ ಪರ್ವತಿಕರ,ಜಯಣ್ಣ ಹೊಸಮನಿ,ಸುನಂದಾ ಕಂದಗಲ್ಲ ಅವರನ್ನು ಸನ್ಮಾನಿಸಿ ರಂಗಭೂಮಿಯ ಮೇಲೆ ಸಲ್ಲಿಸಿದ ಮೂರು ದಶಕಗಳ ಅಪೂರ್ವ ಸೇವೆಯನ್ನು ಸ್ಮರಿಸಲಾಯಿತು.
ಕಲಾವಿದರನ್ನು ಸನ್ಮಾನಿಸಿ ಮಾತನಾಡಿದ ಹಿರಿಯ ಪತ್ರಕರ್ತಡಾ.ಬಂಡು ಕುಲಕರ್ಣಿ ಅವರು ವಾಸುದೇವ ವಿನೋದಿನಿ ನಾಟ್ಯ ಸಭೆಯ ರಂಗ ಚಟುವಟಿಕೆಗಳನ್ನು ನೆನಪಿಸಿ ಭಾರತ ರತ್ನ ಭೀನಸೇನ.ಜೋಶಿ ಅವರು ನಳದಮಯಂತಿ ನಾಟಕ ದಲ್ಲಿ ಪಾತ್ರ ಮಾಡಿ ನಾಟ್ಯ ಸಭೆ ಗೌರವ ಹೆಚ್ಚಿಸಿದ್ದನ್ನು ಸ್ಮರಿಸಿದರು.
ನಾಟ್ಯಸಭೆ ಅದ್ಯಕ್ಷ, ಹಿರಿಯ ರಂಗ ಕರ್ಮಿ ಪಿ.ಎ.ಕುಲಕರ್ಣಿ ಅವರು 1927 ರಲ್ಲಿ ಹುಟ್ಟಿದ ವಾಸುದೇವ ವಿನೋದಿನಿ ನಾಟ್ಯ ಸಭೆ ರಂಗ ಯಾತ್ರೆ ನಡೆಸಿ ದಾಖಲೆ ನಿರ್ಮಿಸಿದೆ ಈಗ ಶತಮಾನೋತ್ಸವ ಸಂಭ್ರಮ ಕಾಣಲಿದೆ ಎಂದರು.
ನಾಟಕ ಅಕ್ಯಾಡಮಿ ಸದಸ್ಯ ವಿನೋದ ಅಂಬೇಕರ ರಾಜ್ಯದ ಎಲ್ಲ 31 ಜಿಲ್ಲೆಗಳಲ್ಲಿ ವಿಶ್ಚ ರಂಗಭೂಮಿ ದಿನ ಆಚರಿಸಲಾಗುತ್ತಿದೆ ಎಂದರು.ಪತ್ರಕರ್ತ ರಾಮ.ಮನಗೂಳಿ ಅದ್ಯಕ್ಷತೆ ವಹಿಸಿದ್ದರು. ಲಿಂಗದೇವರು ಹಳೆಮನಿ ಅವರು ರಚಿಸಿದ ಗಡಿಯಂಕ ಕುಡಿಮದ್ದ ನಾಟಕ ಪಿ.ಎ.ಕುಲಕರ್ಣಿ ಅವರ ನಿರ್ದೆಶನದಲ್ಲಿ ಪ್ರದರ್ಶನಗೊಂಡಿತು,ಪರಿಮಳ ಗಿರಿಯಾಚಾರ್ಯ ಅವರಿಂದ ರಂಗಗೀತೆ ಮೂಡಿಬಂದವು,ಸನ್ಮಾನಿತರ ಪರವಾಗಿ ಎ.ಎಸ್.ಪಾವಟೆ, ಸುನಂದಾ ಕಂದಗಲ್ಲ ಮಾತನಾಡಿದರು. ಶಿP್ಷÀಣ ತಜ್ಞ ಜಯತೀರ್ಥ ಕುಲಕರ್ಣಿ ಅವರು ಮಾತನಾಡಿ ದಿ. ಕೆ.ಎ. ಕುಲಕರ್ಣಿ ಅವರು ವಾಸುದೇವ ವಿನೋದಿನಿ ನಾಟ್ಯ ಸಭೆಗೆ ಸಲ್ಲಿಸಿದ ಸೇವೆಯನ್ನು ಸಂಘಟಕರು ಸ್ಮರಿಸಿದ್ದಕ್ಕೆ ಕೃತಥತೆ ಸಲ್ಲಿಸಿದರು. ಅನಂತ ಪುರೋಹಿತ ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು,ಶಶಿ.ದೇಶಪಾಂಡೆ ವಂದಿಸಿದರು.ಶ್ರೀ ಕಾಂತ ನರಗುಂದ,ಲಕ್ಷ್ಮೀನಾರಾಯಣ ಗುಡಿ,ಸಂತೋಷ ಗದ್ದನಕೇರಿ,ರಾಘು ಗುರುನಾಯಕ ಮತ್ತೀತರರು ಉಪಸ್ಥಿತರಿದ್ದರು.