ಯಶಸ್ಸು ನಿಮ್ಮ ಕೈಯಲ್ಲಿದೆ.;  ಪ್ರೊ ವಿ ಬಾಬು

ದಾವಣಗೆರೆ.ನ.೧೭; ಏಕಾಗ್ರತೆಯಿಂದ ಏನಾದರೂ ಸಾಧಿಸಲು ಸಾಧ್ಯ ನಿರಂತರ ಪ್ರಯತ್ನವೇ ಸಾಧನೆಗೆ ಹಾದಿ ವಿದ್ಯಾರ್ಥಿ ಜೀವನದಲ್ಲಿ ಗುರಿ ತುಂಬಾ ಮುಖ್ಯ ಆತ್ಮವಿಶ್ವಾಸದಿಂದ ಪ್ರಯತ್ನ ಪಟ್ಟರೆ ಯಶಸ್ಸು ನಿಮ್ಮ ಕೈಯಲ್ಲಿದೆ ಎಂದು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರೊಫೆಸರ್ ವೆಂಕಟೇಶ್ ಬಾಬು ಹೇಳಿದರು.ಅವರು ನಗರದ ಶಾಮನೂರ್ ರಸ್ತೆಯಲ್ಲಿರುವ ಚಾಣಕ್ಯ ಪ್ರಥಮ ದರ್ಜೆ ಮತ್ತು ಪದವಿ ಪೂರ್ವ ಕಾಲೇಜಿನಲ್ಲಿ ವಿದ್ಯಾರ್ಥಿಗಳಿಗೆ ಯಶಸ್ಸು ನಿಮ್ಮ ಕೈಯಲ್ಲಿದೆ ಕಾರ್ಯಗಾರದಲ್ಲಿ ಮಾತನಾಡಿದರು.ವಿದ್ಯಾರ್ಥಿ ಜೀವನದಲ್ಲಿ ಪ್ರತಿಯೊಬ್ಬರು ಶ್ರದ್ಧೆಯಿಂದ ಅಭ್ಯಾಸ ಮಾಡಿ ನಿರ್ದಿಷ್ಟವಾದ ಗುರಿ ಹೊಂದಬೇಕು ನಿರಂತರ ಪ್ರಯತ್ನ ಪಡಬೇಕು ಆಗ ನಿಮ್ಮ ಗುರಿ ಸುಲಭವಾಗಿ ಮುಟ್ಟಲು ಸಾಧ್ಯವಾಗುತ್ತದೆ. ವಿದ್ಯಾರ್ಥಿಗಳು ಗುರಿಯನ್ನು ನಿರ್ಧರಿಸುವಾಗ ದೊಡ್ಡ ಗುರಿಯನ್ನು ನಿರ್ಧರಿಸಬೇಕು ಚಿಕ್ಕ ಗುರಿಯಿಂದ ಸಾಧಿಸಲು ಸಾಧ್ಯವಿಲ್ಲ ಹಾಗಾಗಿ ಗುರಿ ಯಾವಾಗಲೂ ದೊಡ್ಡದಾಗಿದ್ದರೆ ಅದಕ್ಕೆ ಪೂರಕವಾಗಿ ಕಾರ್ಯಯೋಜನೆ ಕೈಗೊಂಡರೆ ಸಾಧಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.ಓದುವುದು ಬಹು ಮುಖ್ಯ ಓದದಿನಿಂದ ಪ್ರತಿಯೊಬ್ಬರಿಗೂ ಜ್ಞಾನ ಸಂಪಾದನೆ, ಸಾಮಾಜಿಕ ತಿಳುವಳಿಕೆ ನಿರ್ಧರಿಸುವಿಕೆ ವಿನಯ  ಸಂಸ್ಕೃತಿ ಎಲ್ಲವೂ ಬರುತ್ತದೆ. ಜೀವನದಲ್ಲಿ ಪ್ರತಿಯೊಬ್ಬರೂ ಏನನ್ನಾದರೂ ಸಾಧಿಸುವೆ ಎಂಬ ದೃಢ ವಿಶ್ವಾಸದಿಂದ ಮುನ್ನುಗ್ಗಬೇಕು ನಿಮ್ಮ ಜೀವನದ ಪುಸ್ತಕದ ಪುಟಗಳನ್ನು ನೀವೇ ಬರೆದುಕೊಳ್ಳಬೇಕು ಆ ಪುಟಗಳು  ಓದಿದವರಿಗೆ ಸ್ಪೂರ್ತಿ ಆಗಬೇಕು ಆಗ ಜೀವನ ಸಾರ್ಥಕ ಎಂದು ಹೇಳಿದರು.ಬದಲಾವಣೆ ಜಗದ ನಿಯಮ ಪ್ರತಿಯೊಬ್ಬರೂ ಬದಲಾಗುವುದು ಒಳಿತು.  ಶೈಕ್ಷಣಿಕವಾಗಿ ಸಾಂಸ್ಕೃತಿಕವಾಗಿ ಸಾಮಾಜಿಕವಾಗಿ ಪ್ರತಿಯೊಬ್ಬ ವಿದ್ಯಾರ್ಥಿಯ ಬದಲಾದಾಗ ತಮ್ಮ ಜೀವನವು ಬದಲಾಗುತ್ತದೆ ಎಂದು ಕಿವಿ ಮಾತನ್ನು ಹೇಳಿದರು.ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ ಪ್ರೊಫೆಸರ್ ರಾಜಶೇಖರ್ ರವರು ವಹಿಸಿ ಮಾತನಾಡಿ ಸಂಪನ್ಮೂಲ ವ್ಯಕ್ತಿಗಳಿಂದ ಬರುವ ವಿಚಾರಗಳನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಉತ್ತಮ ನಾಗರಿಕರಾಗಿ ಬದುಕಬೇಕು ಎಂದು ಹೇಳಿದರು. ಕಾಲೇಜಿನ ಶೈಕ್ಷಣಿಕ ಡಿನ  ಶ್ರೀ ಸ್ವಾಮಿರವರು ಮಾತನಾಡುತ್ತಾ ಕಾಲೇಜು ಪ್ರತಿ ವಿದ್ಯಾರ್ಥಿಯ ಶ್ರೇಯೋಭಿವೃದ್ಧಿಗೆ ಶ್ರಮಿಸುತ್ತದೆ ವಿದ್ಯಾರ್ಥಿಗಳಿಗೆ ಬೇಕಾದ ಎಲ್ಲಾ ರೀತಿಯ ಅನುಕೂಲಗಳನ್ನು ಮಾಡಿಕೊಡುತ್ತದೆ ವಿದ್ಯಾರ್ಥಿಗಳು ಸಾಧಿಸಿ ಉತ್ತಮ ನಾಗರಿಕರಾಗಿ ಬಾಳಿ ಎಂದು ಹೇಳಿದರು.ಕಾರ್ಯಕ್ರಮದಲ್ಲಿ ಕಾಲೇಜಿನ ಎಲ್ಲಾ ಬೋಧಕ ಮತ್ತು ಬೋಧಕೆತರ ಸಿಬ್ಬಂದಿಯವರು ಹಾಜರಿದ್ದರು ಕುಮಾರಿ ಭೂಮಿಕ ನಿರೂಪಿಸಿದರು.