ಮೂಸೆವಾಲಾ ಹತ್ಯೆ: ಗುಂಡೇಟಿಗೆ ಆರೋಪಿಗಳಿಬ್ಬರ ಬಲಿ

ಅಮೃತಸರ, ಜು.22- ಗಾಯಕಸಿಧು ಮೂಸೆವಾಲಾ ಹತ್ಯೆ ಪ್ರಕರಣದ ಇಬ್ಬರು ಆರೋಪಿಗಳು ಪೊಲೀಸರ ಗುಂಡಿನ ದಾಳಿಗೆ ಬಲಿಯಾಗಿದ್ದಾರೆ.
ಪಂಜಾಬ್​​ನ ಅಮೃತಸರ ಜಿಲ್ಲೆಯ ಚೀಚಾ ಭಕ್ನಾ ಗ್ರಾಮದಲ್ಲಿ ನಡೆದ ಎನ್​​ಕೌಂಟರ್​​ನಲ್ಲಿ ಆರೋಪಿಗಳು ಹತ್ಯೆಗೀಡಾಗಿದ್ದಾರೆಂದು ಪಂಜಾಬ್​​​ ಡಿಜಿಪಿ ಗೌರವ್​ ಯಾದವ್​ ಮಾಹಿತಿ ನೀಡಿದ್ದಾರೆ
ಗುಂಡೇಟಿಗೆ ಬಲಿಯಾದವರನ್ನ ಜಗ್ರೂಪ್​ ಸಿಂಗ್​​ ಹಾಗೂ ಮನ್​​ಪ್ರೀತ್​ ಸಿಂಗ್​ ಎಂದು ಗುರುತಿಸಲಾಗಿದೆ. ಹತ ಆರೋಪಿಗಳಿಂದ ಎಕೆ 47 ಹಾಗೂ ಪಿಸ್ತೂಲ್​​ ವಶಕ್ಕೆ ಪಡೆದುಕೊಳ್ಳಲಾಗಿದೆ. ಘಟನೆಯಲ್ಲಿ ಮೂವರು ಪೊಲೀಸ್​ ಅಧಿಕಾರಿಗಳು ಗಾಯಗೊಂಡಿದ್ದಾರೆ .
ಘಟನೆಯಲ್ಲಿ ಓರ್ವ ಪತ್ರಕರ್ತನು ಗಾಯಗೊಂಡಿದ್ದಾರೆ ಎಂದು ಅವರು ತಿಳಿಸಿದರು.
ಮೇ. 19ರಂದು ಪಂಜಾಬ್​​ನ ಮಾನ್ಸಾ ಜಿಲ್ಲೆಯಲ್ಲಿ ಸಿಧು ಮೊಸೆವಾಲಾ ಹತ್ಯೆ ಮಾಡಲಾಗಿತ್ತು. ಈ ಘಟನೆಗೆ ಸಂಬಂಧಿಸಿದಂತೆ ಈಗಾಗಲೇ ಪೊಲೀಸರು ಗ್ಯಾಂಗ್​ಸ್ಟರ್​ಗಳಾದ ಜಗರೂಪ್ ಸಿಂಗ್​, ಮನಪ್ರೀತ್​ ಸಿಂಗ್​​ ಸೇರಿದಂತೆ ಕೆಲವರ ಬಂಧನ ಮಾಡಿದ್ದಾರೆ.