ಸ್ಟೇಟಸ್ ಹಾಗೂ ಪ್ರೇಮಿಗಳ ಗಮನಕ್ಕೆ ಚಿತ್ರಗಳಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿರುವ ಕಲಾವಿದ ಸುಬ್ಬು ಇದೀಗ “ಮಿಸ್ ಗೈಡ್” ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಚಿತ್ರದಲ್ಲಿ ಒಬ್ಬ ಡಾಕ್ಟರ್ ಆಗಿ ಕಾಣಿಸಿಕೊಂಡಿರುವ ಸುಬ್ಬು ಅವರಿಗೆ ಎರಡು ಶೇಡ್ ಇರುವ ಪಾತ್ರವಿದೆ. ಸಮಾಜ ಸೇವಕನ ಥರದ ಎಲ್ಲರಿಗೂ ಒಳ್ಳೆಯದನ್ನೆ ಮಾಡುವ ಪಾತ್ರದ ಜೊತೆಗೆ ಇನ್ನೊಂದು ಶೇಡ್ ಈ ಪಾತ್ರಕ್ಕಿದೆಎನ್ನುವ ವಿವರಣೆ ಅವರದು.
ಚಿತ್ರದಲ್ಲಿ ನಾಯಕನಿಗೆ ಸಮಾನವಾದ ಪಾತ್ರ ಚಿತ್ರದಲ್ಲಿದೆ. ಈಗಾಗಲೇ ಚಿತ್ರದ ಫೆÇೀಟೋಶೂಟ್ ಆಗಿದ್ದು, ಒಂದಷ್ಟು ಭಾಗದ ಚಿತ್ರೀಕರಣ ಸಹ ನಡೆಸಲಾಗಿದೆ. ಯಾವುದನ್ನು ಕಣ್ಣಿಂದ ನೋಡ್ತೀವೋ ಅದೇ ಸತ್ಯ, ಹೇಳಿಕೆಯ ಮಾತುಗಳಲ್ಲಿ ಸತ್ಯಾಂಶವಿರಲ್ಲ ಎಂದು ಈ ಪಾತ್ರದ ಮೂಲಕ ಹೇಳಲಾಗಿದೆ.
ಸುಬ್ಬು ಚಿತ್ರರಂಗದಲ್ಲಿ ಒಬ್ಬ ಕಲಾವಿದನಾಗಿ ಬೆಳೆಯಬೇಕೆಂದು ಕನಸು ಕಟ್ಟಿಕೊಂಡಿದ್ದಾರೆ. ಡಾಕ್ಟರ್, ಪೆÇಲೀಸ್, ವಿಲನ್ ಹೀಗೆ ಯಾವುದೇ ಪಾತ್ರಕ್ಕಾದರೂ ಸೂಟ್ ಆಗುವಂಥ ಸ್ಟ್ರಕ್ಚರ್ ಹೊಂದಿರುವ ಸುಬ್ಬು ಅವರಿಗೆ ಕನ್ನಡ ಮಾತ್ರವಲ್ಲದೆ ತೆಲುಗು, ತಮಿಳು, ಬಾಲಿವುಡ್ ನಿಂದಲೂ ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ. ಚಿಕ್ಕವನಿದ್ದಾಗಲೇ ಸಿನಿಮಾನಂಟು ಬೆಳೆಸಿಕೊಂಡು ಬಂದಿರುವ ಸುಬ್ಬು ಅವರು ಕನ್ನಡದಲ್ಲಿ ನಿರ್ಮಾಣ ನಟನೆ ಎರಡರಲ್ಲೂ ತೊಡಗಿಕೊಂಡಿದ್ದಾರೆ.
ಲಿವಿಂಗ್ ಟುಗೆದರ್ ರಿಲೇಶನ್ ಶಿಪ್ ಕಥೆ ಇರುವ ಪ್ರೇಮಿಗಳ ಗಮನಕ್ಕೆ ಚಿತ್ರವನ್ನು ಸಿಟಾಡಿಲ್ ಫಿಲಂಸ್ ಅಡಿಯಲ್ಲಿ ನಿರ್ಮಿಸಿರುವ ಸುಬ್ಬು ಅವರು ಚಿತ್ರದ ಖಳನಟನಾಗಿಯೂ ನಟಿಸಿದ್ದಾರೆ.
ಪ್ರಕಾಶ್ ರೈ ರೀತಿ ಬೆಳೆಯುವಾಸೆ
ವಿಶಿಷ್ಟ ವ್ಯಕ್ತಿತ್ವ ಹಾಗೂ ಪರ್ಸನಾಲಿಟಿ ಹೊಂದಿರುವ ಸುಬ್ಬು ಅವರು ಬಹುಭಾಷಾ ಕಲಾವಿದ ಪ್ರಕಾಶ್ ರೈ ಅವರಂತೆ ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳುವ ಕನಸು ಕಂಡಿದ್ದಾರೆ.
ನಾಯಕ, ಖಳನಾಯಕನಾ ಯಾವುದೇ ಪಾತ್ರ ಸಿಕ್ಕರೂ ಅದಕ್ಕೆ ನ್ಯಾಯ ಒದಗಿಸಬೇಕು ಎನ್ನುವ ಉದ್ದೇಶವನ್ನು ಹೊಂದಿದ್ದಾರೆ. ಚಿಕ್ಕವನಿದ್ದಾಗಿಂದಲೂ ಸಿನಿಮಾರಂಗದಲ್ಲಿ ಒಬ್ಬ ಕಲಾವಿದನಾಗಿ ಗುರುತಿಸಿಕೊಳ್ಳಬೇಕೆಂಬ ಆಸೆ ಇಟ್ಟುಕೊಂಡಿದ್ದ ಪ್ರತಿಭೆ ಸುಬ್ಬು. ಅದಕ್ಕಾಗಿಯೇ ಹೈದರಾಬಾದ್ ನಲ್ಲಿ ಸ್ನೇಹಿತರೊಬ್ಬರ ಬಳಿ ಅಭಿನಯದ ತರಬೇತಿ ಪಡೆದುಕೊಂಡು ತಯಾರಿ ಮಾಡಿಕೊಂಡಿದ್ದಾರೆ.
