ಮಿರ್ಚಿ ಬಜ್ಜಿ ತಂದಿಟ್ಟ ಜಗಳ: ಜ್ಯೋತಿಷಿ ಕೊಲೆಯಲ್ಲಿ ಅಂತ್ಯ

ಕಲಬುರಗಿ:ನ.6: ಮಿರ್ಚಿ ಬಜ್ಜಿ ವಿಷಯಕ್ಕೆ ಆರಂಭಗೊಂಡ ಜಗಳ ಕೊಲೆಯಲ್ಲಿ ಅಂತ್ಯಗೊಂಡ ಘಟನೆ ಚಿತ್ತಾಪುರ ತಾಲೂಕಿನ ಹಲಕರ್ಟಿ ಗ್ರಾಮದಲ್ಲಿ ನಡೆದಿದೆ.
ಹಲಕರ್ಟಿ ಗ್ರಾಮದ ಸುರೇಶ ಭೀಮರಾವ್ ವಾಸ್ಟರ್ (58), ಕೊಲೆಯಾದ ದುರ್ದೈವಿ.

ರಾಜಕೋಟನಲ್ಲಿ ಜೋತಿಷ್ಯ ಹೇಳಿಕೊಂಡು ಜೀವನ ನಡೆಸುತ್ತಿದ್ದ, ಸುರೇಶ ಜಮೀನಿನ ವಿಷಯಕ್ಕೆ ಸಂಬಂದಿಸಿದ ಹಾಗೇ ಹಲಕರ್ಟಿಗೆ ಇಂದು ಬೆಳಗ್ಗೆಯಷ್ಟೆ ಬಂದು ಸಾಯಂಕಾಲದ ಹೊತ್ತಿಗೆ ಗ್ರಾಮದ ಹೊಟೇಲ್ ನಲ್ಲಿ ಬಜ್ಜಿ ತಿನ್ನುವಾಗ ಕ್ಷುಲಕ ಕಾರಣಕ್ಕೆ ಪಾಶಾ ಹಾಗೂ ಸುರೇಶ ನಡುವೆ ಜಗಳ ನಡೆದು
ಜಗಳ ವಿಕೋಪಕ್ಕೆ ತಿರುಗಿ ಪರಸ್ಪರ ಕೈ ಕೈ ಮಿಲಾಯಿಸಿದ್ದಾರೆ. ಈ ವೇಳೆ ನೆಲಕ್ಕೆ ತಳ್ಳಿದಾಗ ಕೆಳಗೆ ಬಿದ್ದು ಸುರೇಶ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾನೆಂದು ತಿಳಿದುಬಂದಿದೆ. ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು ಪರಿಶೀಲನೆ ಮಾಡಿದ್ದಾರೆ‌.

ಘಟನೆಗೆ ಸಂಬಂದಿಸಿದ ಹಾಗೇ ಮಹೆಬೂಬ್ ಅಲ್ಲಿ ಸಯ್ಯದ್ ಪಾಶಾ, ಮೊಹಮ್ಮದ್ ಶಾರುಖ್, ಸೈಯದ್ ಹಾಜರ್,ಸೈಯದ್ ಮಜರ್ ಸೇರಿದಂತೆ ಆರು ಜನರ ವಿರುದ್ಧ ಪ್ರಕರಣ ವಾಡಿ ಠಾಣೆಯಲ್ಲಿ ದಾಖಲಾಗಿದೆ. ಗ್ರಾಮದಲ್ಲಿ ಬಿಗುವಿನ ವಾತಾವರಣವಿದ್ದು ಪೊಲೀಸರು ಬಿಡು ಬಿಟ್ಟಿದಾರೆ