ಮಾನವೀಯ ಮೌಲ್ಯ-ಸಂಬಂಧಗಳು ಬದಲಾಗಬಾರದು; ರಂಭಾಪುರಿ ಶ್ರೀ 

ಅಜ್ಜಂಪುರ.ಜ.೧೨: ಸಮಾಜದಲ್ಲಿ ಸ್ಥಾನ ಮಾನಗಳು ಮತ್ತು ಆಸ್ತಿಗಳು ಬದಲಾಗಬಹುದು. ಆದರೆ ಮಾನವೀಯ ಮೌಲ್ಯಗಳು ಹಾಗೂ ಮಾನವೀಯ ಸಂಬAಧಗಳು ಎಂದೆAದಿಗೂ ಬದಲಾಗಬಾರದೆಂದು ಬಾಳೆಹೊನ್ನೂರು ಶ್ರೀ ರಂಭಾಪುರಿ ಡಾ.ವೀರಸೋಮೇಶ್ವರ ಜಗದ್ಗುರುಗಳು ಅಭಿಪ್ರಾಯಪಟ್ಟರು.ಅವರು  ತಾಲೂಕಿನ ಬುಕ್ಕಾಂಬುಧಿ ಕ್ಷೇತ್ರದಲ್ಲಿ ಪರಮ ತಪಸ್ವಿ ಲಿಂ. ಶ್ರೀ ಉಜ್ಜಯಿನಿ ಸಿದ್ಧಲಿಂಗ ಜಗದ್ಗುರುಗಳವರ 87ನೇ ವರ್ಷದ ಪುಣ್ಯ ಸ್ಮರಣೋತ್ಸವ ಸಮಾರಂಭದ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡುತ್ತಿದ್ದರು. ಕಣ್ಣು ಚೆನ್ನಾಗಿದ್ದರೆ ಜಗತ್ತನ್ನು ನೋಡಬಹುದು. ನಾಲಿಗೆ ನಡತೆಗಳು ಚೆನ್ನಾಗಿದ್ದರೆ ಜಗತ್ತೇ ನಮ್ಮನ್ನು ನೋಡುತ್ತವೆ ಎಂಬ ಗಾದೆ ಮಾತಿನಂತೆ ಲಿಂ.ಶ್ರೀ ಉಜ್ಜಯಿನಿ ಸಿದ್ಧಲಿಂಗ ಜಗದ್ಗುರುಗಳು ಬಾಳಿ ಬದುಕಿದರು. ಮನಸ್ಸು ಮತ್ತು ನಡವಳಿಕೆ ಚೆನ್ನಾಗಿದ್ದರೆ ಯಾವುದಕ್ಕೂ ಅಂಜಬೇಕಾಗಿಲ್ಲ. ಸತ್ಯವನ್ನು ಯಾರೂ ಬದಲಾಯಿಸಲಾಗದು. ಆದರೆ ಸತ್ಯ ನಮ್ಮನ್ನು ಬದಲಾಯಿಸುತ್ತದೆ ಎಂದರಿತ ಅವರು ದೇಹ ಶುದ್ಧಿ, ನುಡಿ ಶುದ್ಧಿ ಮತ್ತು ಮನ ಶುದ್ಧಿ ಹೊಂದಿ ಭಕ್ತ ಸಂಕುಲಕ್ಕೆ ಬೆಳಕಾಗಿ ದಾರಿ ತೋರಿದವರು. ಗುರುವೆಂದರೆ ವ್ಯಕ್ತಿಯಲ್ಲ ಅದೊಂದು ಅದ್ಭುತ ಶಕ್ತಿ. ಅಜ್ಞಾನ ಕಳೆದು ಸುಜ್ಞಾನದೆಡೆಗೆ ಕರೆದುಕೊಂಡು ಹೋಗುವ ಮಹಾನ್ ಶಕ್ತಿಯೇ ಶ್ರೀ ಗುರು. ಸಂಸ್ಕಾರ ಸಂಸ್ಕೃತಿ ಇಲ್ಲದ ಬದುಕಿಗೆ ಬೆಲೆ ಬಲ ಯಾವತ್ತೂ ಇಲ್ಲ. ಅವರು ಮಾಡಿದ ತಪಸ್ಸು, ನಡೆದ ದಾರಿ ಮತ್ತು ತೋರಿದ ಮಾರ್ಗದರ್ಶನ ಎಂದೆAದಿಗೂ ಮರೆಯಲಾಗದು. ಅವರ 87ನೇ ವರುಷದ ಲಿಂಗಾAಗ ಸಾಮರಸ್ಯದ ಪುಣ್ಯ ಸ್ಮರಣೋತ್ಸವ ತಪಗೈದ ಬುಕ್ಕಾಂಬುಧಿ ಕ್ಷೇತ್ರದಲ್ಲಿ ಅರ್ಥಪೂರ್ಣವಾಗಿ ಆಚರಿಸುತ್ತಿರುವುದು ಭಕ್ತ ಸಂಕುಲಕ್ಕೆ ಹರುಷ ತಂದಿದೆ. ಶ್ರೀ ಮದುಜ್ಜಯಿನಿ ಜಗದ್ಗುರು ಸಿದ್ಧಲಿಂಗ ಶಿವಾಚಾರ್ಯ ಟ್ರಸ್ಟ್ ಕ್ಷೇತ್ರದ ಅಭಿವೃದ್ಧಿಗಾಗಿ ಶ್ರಮಿಸುತ್ತಿರುವುದು ಹೆಮ್ಮೆಯ ಸಂಗತಿ ಎಂದರು. ರಟ್ಟೀಹಳ್ಳಿ ಕಬ್ಬಿಣಕಂತಿಮಠದ ಶಿವಲಿಂಗ ಶಿವಾಚಾರ್ಯರು ಸಮಾರಂಭದ ಉದ್ಘಾಟನೆ ನೆರವೇರಿಸಿ ಮಾತನಾಡಿದರು. ಅಧ್ಯಕ್ಷತೆ ವಹಿಸಿದ ಎಡೆಯೂರು ಬಾಳೆಹೊನ್ನೂರು ಖಾಸಾ ಶಾಖಾ ಮಠದ ರೇಣುಕ ಶಿವಾಚಾರ್ಯ ಸ್ವಾಮಿಗಳು ಮಾತನಾಡಿ ಅಧರ್ಮದಿಂದ ಮನುಷ್ಯ ತಾತ್ಕಾಲಿಕವಾಗಿ ಮೇಲೇರಿದರೂ ಅಂತಿಮವಾಗಿ ಬುಡ ಸಹಿತ ನಾಶವಾಗುತ್ತಾನೆ. ಆಹಾರ ಮತ್ತು ಆಲೋಚನೆ ಅತಿಯಾದರೆ ದೇಹ ಮತ್ತು ಮನಸ್ಸಿಗೆ ಅಪಾಯ ತಪ್ಪಿದ್ದಲ್ಲ. ಜೀವನದಲ್ಲಿ ನೀತಿ, ಮಾತಿನಲ್ಲಿ ಮಧುರತೆ, ಬದುಕಿನಲ್ಲಿ ಶಾಂತಿ ದೊರೆಯಬೇಕೆಂಬ ಉದ್ದೇಶದಿಂದ ಲಿಂ.ಶ್ರೀ ಉಜ್ಜಯಿನಿ ಸಿದ್ಧಲಿಂಗ ಜಗದ್ಗುರುಗಳು ತಪಸ್ಸನ್ನು ಆಚರಿಸಿ ಭಕ್ತರಿಗೆ ಆಶೀರ್ವದಿಸಿದ್ದನ್ನು ಮರೆಯಬಾರದೆಂದರು. ಪುಣ್ಯ ಸ್ಮರಣೋತ್ಸವ ಸಮಾರಂಭದಲ್ಲಿ ಬಿಳಕಿ, ಹುಣಸಘಟ್ಟ, ಬೀರೂರು, ಮಾದಿಹಳ್ಳಿ, ನಂದಿಪುರ, ಕಾರ್ಜುವಳ್ಳಿ, ಚನ್ನಗಿರಿ, ಕಡೇನಂದಿಹಳ್ಳಿ, ಪಾಲ್ತೂರು, ಹಾರನಹಳ್ಳಿ, ಮಳಲಿಮಠ, ಹಣ್ಣೆ, ತಾವರೆಕೆರೆ ಶ್ರೀಗಳವರು ಪಾಲ್ಗೊಂಡು ನುಡಿ ನಮನ ಸಲ್ಲಿಸಿದರು. ಇದೇ ಸಂದರ್ಭದಲ್ಲಿ ಕಾರ್ಜುವಳ್ಳಿ ಶ್ರೀಗಳು ಸಂಗ್ರಹಿಸಿದ ಲಿಂ.ಶ್ರೀ ಉಜ್ಜಯಿನಿ ಸಿದ್ಧಲಿಂಗ ಜಗದ್ಗುರುಗಳವರ ಸಹಸ್ರ ನಾಮಾವಳಿ ಕೃತಿಯನ್ನು ಶ್ರೀ ರಂಭಾಪುರಿ ಜಗದ್ಗುರುಗಳು ಬಿಡುಗಡೆ ಮಾಡಿದರು. ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡ ವಿಧಾನ ಪರಿಷತ್ ಸದಸ್ಯ ಆಯನೂರು ಮಂಜುನಾಥ, ಕಾಂಗ್ರೆಸ್ ಧುರೀಣ ದೋರನಾಳು ಪರಮೇಶ, ರತ್ನಮ್ಮ ಮಂಜುನಾಥ, ಗ್ರಾಮ ಪಂಚಾಯತ ಅಧ್ಯಕ್ಷೆ ವರಲಕ್ಷಿö್ಮ, ಜಿ.ಪಂ.ಮಾಜಿ ಅಧ್ಯಕ್ಷ ಕೆ.ಆರ್. ಧೃವಕುಮಾರ, ಭದ್ರಾವತಿ ಎಸ್.ಎಸ್.ಉಮೇಶ, ಕೆ.ಎಸ್.ಚಂದ್ರಶೇಖರ, ಟ್ರಸ್ಟಿನ ಉಪಾಧ್ಯಕ್ಷ ವೀರಭದ್ರಪ್ಪ ಶೀಲವಂತರ ಮೊದಲಾದ ಗಣ್ಯರಿಗೆ ಶ್ರೀ ರಂಭಾಪುರಿ ಜಗದ್ಗುರುಗಳು ಗುರುರಕ್ಷೆಯಿತ್ತು ಶುಭ ಹಾರೈಸಿದರು. ಟ್ರಸ್ಟಿನ ಎಲ್ಲ ಸದಸ್ಯರು ಉಪಸ್ಥಿತರಿದ್ದರು. ಬುಕ್ಕಾಂಬುಧಿ ನಿವೃತ್ತ ಶಿಕ್ಷಕ ಬಿ.ಮಹೇಶ್ವರಪ್ಪ ಪ್ರಾಸ್ತಾವಿಕ ನುಡಿದರು. ಹೆಚ್.ಪಿ.ಮಲ್ಲಿಕಾರ್ಜುನ ಸರ್ವರನ್ನು ಸ್ವಾಗತಿಸಿದರು. ಶ್ರೀ ಶಾಂಭವಿ ಮಹಿಳಾ ಮಂಡಳಿ ಸದಸ್ಯರಿಂದ ಪ್ರಾರ್ಥನೆ ನಡೆಯಿತು. ಬೆಂಗಳೂರಿನ ಡಾ.ಮಮತ ಸಾಲಿಮಠ ನಿರೂಪಿಸಿದರು.