ಮನೆ ಮನೆಗೆ ಅಂಬೇಡ್ಕರ್ ಕಾರ್ಯಕ್ರಮ ಶ್ಲಾಘನೀಯ- ಸೋಮಕ್ಕ

ರಾಯಚೂರು, ಜು,೩೧- ಮನೆಮನೆಗೆ ಅಂಬೇಡ್ಕರ್ ಕಾರ್ಯಕ್ರಮ ಅತ್ಯಂತ ಒಳ್ಳೆಯ ಕಾರ್ಯಕ್ರಮ ಅವರ ಜೀವನಯಶೋಗಾಥೆಯನ್ನು ಮನೆಗೆ ಮನೆಗೆ ತಿಳಿಸುವ ಕಾರ್ಯ ಶ್ಲಾಘನೀಯ ಎಂದು ಪರಿವರ್ತನ ಸಾಹಿತಿ ಹಾಗೂ ಬಂಜಾರ ಸಂಸ್ಕೃತಿ ಭಾಷಾ ಅಕಾಡೆಮಿ ಅಧ್ಯಕ್ಷ ಸೋಮಕ್ಕೆ ಜಂಗಮರಹಳ್ಳಿ ಅವರು ಹೇಳಿದರು.
ಅವರಿಂದು ನಗರದ ಪಂಡಿತ್ ಸಿದ್ದರಾಮ ಜಂಬಲದಿನ್ನಿ ರಂಗಮಂದಿರದಲ್ಲಿ ಹಮ್ಮಿಕೊಂಡಿದ್ದ ಮನೆ ಮನೆಗೆ ಅಂಬೇಡ್ಕರ್ ಕಾರ್ಯಕ್ರಮದ ೨೫ ಮನೆಗಳು ಪೂರೈಸಿದ ಸಂಭ್ರದ ಬೃಹತ್ ಸಮಾವೇಶ ಮತ್ತು ಅಭಿನಂದನಾ ಗೌರವ ಸನ್ಮಾನ ಹಾಗೂ ಮೀಸಲಾತಿ ಜನಕ ಛತ್ರಪತಿ ಸಾಹು ಮಹಾರಾಜ್ ರವರ ಜಯಂತ್ಸೋತ್ಸವ ಕಾರ್ಯಕ್ರಮವನ್ನು ಉದ್ಘಾಟಸಿ ಮಾತನಾಡುತ್ತಾ, ಮನು ವಾದಿಗಳು ಮುನ್ನೂರು ಮೂವತ್ತು ಕೋಟಿ ದೇವರು ಸೃಷ್ಟಿ ಮಾಡಿದ್ದಾರೆ. ಅಂಬೇಡ್ಕರ್ ಅವರ ವಿಚಾರ ಹಾಗೂ ತತ್ವ ಸಿದ್ಧಾಂತಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಮಹಿಳೆಯರಿಗೆ, ದಮನಿತರಿಗರ ಹೊರಡುವ ಶಕ್ತಿ ಅಂಬೇಡ್ಕರ್ ನೀಡಿದ್ದಾರೆ.ಇತಿಹಾಸವನ್ನು ಅರಿಯಬೇಕು. ಇತಿಹಾಸ ರಾಜ ರಾಣಿಯರ ಕಥೆಯಲ್ಲ.
ಹಿಂದಿನ ತಾಯಿ ಚಪ್ಪಲಿ ಹೊಲಿಯುವ ಮಗು ಹಿರಿಯರ ಮನೆಗಳಲ್ಲಿ ಚರಂಡಿಯನ್ನು ಸ್ವಚ್ಛಗೊಳಿಸಬೇಕು ಎಂದು ಕನಸು ಕಾಣುತ್ತಿದ್ದರು.
ಈಗ ಎಸಿ,ಡಿಸಿ ರಾಷ್ಟ್ರಪತಿ, ಪ್ರಧಾನಮಂತ್ರಿ ಅಗಬಹುದು ಇದು ಕನಸು ಕಾಣುವಂತೆ ಮಾಡಿದ್ದು ಅಂಬೇಡ್ಕರ್ ಎಂದರು.
ಕುರಿ ಕಾಯುವ ಸಿ.ಎಂ ಅಗಿದ್ದಾನೆ.ಚಹಾ ಮಾರುವ ಪುರುಷ ಪ್ರಧಾನಿ ಅಗಿದ್ದಾನೆ.ಬುಡಕಟ್ಟು ಮಹಿಳೆ ರಾಷ್ಟಪತಿ ಅಗುದ್ದಾಳೆ ಇದು ಸಂವಿಧಾನದ ದಿಂದ ಮಾತ್ರ ಸಾಧ್ಯ ಎಂದರು.
ಜನರ ಕೆಲಸದಲ್ಲಿ ಜಾತಿಯತೆ ಜನರ ಮನಸ್ಸಿನಲ್ಲಿ ಬೇರೂರಿದೆ. ಅವರು ಎಸ್ಸಿಎಸ್ಟಿಗೆ ಮಾತ್ರ ಸೀಮಿತ ಎಂದು ಸೃಷ್ಟಿ ಮಾಡಿದ್ದಾರೆ ಎಂದರು.
ಪ್ರತಿಯೊಂದು ಜಾತಿ ಜನಾಂಗವೂ ಯಾವ ದೇವರು ಈ ಅವಕಾಶ ನೀಡಿಲ್ಲ. ಇದು ಬಾಬಾಸಾಹೇಬರ ಶ್ರಮದಿಂದ ಸಂವಿಧಾನದಿಂದ ಅಗಿದೆ. ಸಂವಿಧಾನದ ದಲ್ಲಿ ಹೇಳಿದ ಮಾತು ಪಾಲಿಸಬೇಕು.
ಸ್ವಾತಂತ್ರ್ಯ ಬಂದ ಸಂದರ್ಭದಲ್ಲಿ ಮೂರು ದುಂಡು ಮೇಜಿನ ಸಭೆಯಲ್ಲಿ ಮೂರು ಸಭೆಯಲ್ಲಿ ಭಾಗವಹಿಸಿದ್ದಾರೆ. ಪುರುಷರಷ್ಟೇ ಸಮಾನವಾಗಿ ಅವಕಾಶಸಿಗಬೇಕು ಎಂದು ಬಯಸಿದ್ದರು.ಎಲ್ಲಾ ದೇವರುಗಳ ಫೋಟೋ ತೆಗೆದು ಅಂಬೇಡ್ಕರ್ ಅವರನ್ನು ಫೋಟೊ ಇಟ್ಟು ಪೂಜಿಸಬೇಕು ಎಂದರು.
ಮಹಿಳೆಯರು ಶತ ಶತ ಮಾನಗಳಿಂದ ನಾಲ್ಕು ಗೋಡೆಗೆ ಸೀಮಿತ ಮಾಡಿದ್ದರು. ಎಲ್ಲಾ ಬಂಧನ ಗಳಿಂದ ಮುಕ್ತಗೊಳಿಸಿದ್ದಾರೆ. ಹಿಂದು ಕೋಡ್ ಬಿಲ್ ಜಾರಿಗೆ ಒತ್ತಾಯಿಸಿದರೂ ಸರೋಜಿನಿ ನಾಯ್ಡು ವರದಿ ಇಟ್ಟುಕೊಂಡು ಹಿಂದು ಕೋಡ್ ಬಿಲ್ ರದ್ದು ಮಾಡಿದ ಕಾರಣ ಮಂತ್ರಿ ಸ್ಥಾನಕ್ಕೆರಾಜಿನಾಮೆ ನೀಡಿದ್ದರು.
ಜ್ಞಾನ ಸೂರ್ಯ, ಕೋಲಂಬಿಯಾ ವಿವಿ ನಾಲೇಡ್ಜ್ ಆಫ್ ಸಿಂಬಲ್ ಎಂದು ಬರೆದಿದ್ದಾರೆ. ಭಾರತದ ಸರ್ವ ಜನರು ಸಂವಿಧಾನದ ನೆರಳಲ್ಲಿ ಬೆಳೆದಿದ್ದಾರೆ.
ಜಾತಿವಾದಿ ಮನಸ್ಸಿಗೆ ಸೀಮಿತಮಾಡಿ. ಸ್ವಾಭಿಮಾನ,ವ್ಯಕ್ತಿಗೌರವ ಒದಗಿಸಿದ್ದು ಅಂಬೇಡ್ಕರ್ ಸರ್ವಜನಾಂಗದ ಶಾಂತಿಯ ತೋಟ ಆಗಬೆರಕಾದರೆ ಸರ್ವಜನರು ಸರ್ವ ಜನರು ಒಪ್ಪಿಕೊಳ್ಳಬೇಕು. ಸಂವಿಧಾನದ ಸಮುದ್ರ ಅದನ್ನು ಅರ್ಥ ಮಾಡಿಕೊಳ್ಳ ಬೇಕಾದರೆ ನಾಲ್ಕು ಕೃತಿಗಳನ್ನು ಓದಿದರೆ ಮಾತ್ರ ಈ ದೇಶಕ್ಕೆ ನೀಡಿದ ಕೊಡುಗೆ ಅರ್ಥವಾಗುತ್ತದೆ ಜಾತಿ ವಿನಾಶ, ಹಿಂದುಕೋಡ್ ಬಿಲ್ ಹಾಗೂ ಇತರೆ ಕೃತಿಗಳು ಅವರನ್ನು ಸಂವಿಧಾನದಲ್ಲಿ ಅರ್ಥಮಾಡಿಕೊಳ್ಳಬೇಕಿದೆ ಎಂದರು
ಈ ಸಂದರ್ಭದಲ್ಲಿ ಹಿರಿಯ ಹೋರಾಟಗಾರ ಆರ್. ಮಾನಸಯ್ಯ ಎಂ ಭೇರಿ, ಅಂಬಣ್ಣ ಆರೋಲಿಕಾರ್, ಹೈ. ಕ ಜನಾಂದೋಲನ ಅಧ್ಯಕ್ಷ ಖಾಜಾ ಅಸ್ಲಾಂ, ಪಂಚಾಯತ್ ರಾಜ್ ಇಂಜಿನಿಯರಿಂಗ್ ಕಾರ್ಯಪಾಲಕ ವೆಂಕಟೇಶ್ ಗಲಗ, ರಾಯಚೂರು ಸಂಜೆ ಪತ್ರಿಕೆ ಚನ್ನಬಸವ ಬಾಗಲವಾಡ, ವಿಜಯ ಕರ್ನಾಟಕ ತಾಲೂಕು ವರದಿಗಾರ ಹೊನ್ನಪ್ಪ ಶಾಖಪುರು ಅಹಮ್ಮದ್, ಸೇರಿದಂತೆ ಉಪಸ್ಥಿತರಿದ್ದರು.