ಮಕ್ಕಳಿಗೆ ಪೌಷ್ಠಿಕ ಆಹಾರ ನೀಡಿ- ಜಯಶ್ರೀ

ರಾಯಚೂರು,ಏ.೦೨- ಪೌಷ್ಠಿಕ ಅಂಶವುಳ್ಳ ಸಸಿಗಳು ಮತ್ತು ಔಷಧಿ ಗುಣಗಳ್ಳುಳ್ಳ ಸಸಿಗಳು ನೆಡುವುದು ಮತ್ತು ಸಸಿಗಳು, ಬೀಜಗಳ ವಿತರಣಾ, ಸಾರ್ವಜನಿಕ ಸ್ಥಳಗಳಲ್ಲಿ ಮತ್ತು ಅಂಗನವಾಡಿ ಕೇಂದ್ರಗಳಲ್ಲಿ ಪೌಷ್ಠಿಕ ಕೈ ತೋಟ ಕುರಿತು ಅರಿವು ಕಾರ್ಯಕ್ರಮ ಮತ್ತು ಸಸ್ಯಗಳ ಮಹತ್ವದ ಕುರಿತು ಅರಿವು ಮೂಡಿಸಲಾಗುತ್ತದೆ ಎಂದು ರಾಜ್ಯ ಮಕ್ಕಳ ರಕ್ಷಣಾ ಸಮಿತಿಯ ಸದಸ್ಯ ಜಯಶ್ರೀ ಚನ್ನಾಳ ಅವರು ತಿಳಿಸಿದರು.
ಅವರು ಮಾ.೩೧ರ ಬುಧವಾರ ನಗರದ ಹರಿಜನವಾಡ ಬಡಾವಣೆಯ ಸಮುದಾಯ ಭವನದಲ್ಲಿ ಶಿಶು ಅಭಿವೃದ್ಧಿ ಯೋಜನೆ ರಾಯಚೂರು ವತಿಯಿಂದ ಹಮ್ಮಿಕೊಂಡಿದ್ದ ಪೋಷಣ್ ಅಭಿಯಾನ ಯೋಜನೆಯಡಿ ಪೋಷಣ್ ಪಕ್ವಾಡ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
ಸಾಧಾರಣ, ವಿಪರಿತ ಕಡಿಮೆ ತೂಕದ ಮಕ್ಕಳ್ಳನ್ನು ಗುರುತಿಸಿ ಮನೆ ಭೇಟಿ ಮಾಡಿ ಆರೋಗ್ಯ, ಸ್ವಚ್ಚತೆ, ಮತ್ತು ಪೌಷ್ಠಿಕ ಆಹಾರದ ಕುರಿತು ಅರಿವು ಮೂಡಿಸುವುದು, ಪೌಷ್ಠಿಕ ಆಹಾರದ ಪ್ರದರ್ಶನ ಪೌಷ್ಠಿಕ ಆಹಾರದ ಸ್ಪರ್ಧೆ, ಪೋಷಣ ರ್‍ಯಾಲಿ, ಪೌಷ್ಠಿಕ ಆಹಾರದ ಜಾಥಾ, ಆಯುಷ ಇಲಾಖೆಯ ವತಿಯಿಂದ ಅಪೌಷ್ಠಿಕತೆಯನ್ನು ಹೋಗಲಾಡಿಸಲು ಅರಿವು ಕಾರ್ಯಕ್ರಮ ಆಯೋಜಿಸಲಾಗುತ್ತದೆ ಎಂದರು.
ಆರೋಗ್ಯಕ್ಕಾಗಿ ಸಮುದಾಯದ ಜನರಿಗೆ ತಾಯಂದಿಯರಿಗೆ ಕಿಶೋರಿಯರಿಗೆ ೬ ಹಂತಗಳಲ್ಲಿ ಕೈ ತೊಳೆಯುವ, ಆರೋಗ್ಯ ತಪಾಸಣಾ ಮತ್ತು ಯೋಗಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿರುತ್ತದೆ ಒಟ್ಟಾರೆಯಾಗಿ ಪೋಷಣ್ ಪಕ್ವಾಡ ಯೋಜನೆಯ ಉದ್ದೇಶವನ್ನು ಈಡೆರಿಸಲು ಪ್ರತಿ ದಿನ ಪ್ರತಿ ಅಂಗನವಾಡಿ ಕೇಂದ್ರಗಳ ಮುಖಾಂತರ ಮತ್ತು ಯೋಜನಾ ಮಟ್ಟದ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಆರೋಗ್ಯ ಮತ್ತು ಪೌಷ್ಠಿಕ ಆರೋಗ್ಯ ಶಿಕ್ಷಣ ಕುರಿತು ಅರಿವು ಮೂಡಿಸಲಾಯಿತು.
ಈ ಸಂದರ್ಭದಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ರಾಮಕೃಷ್ಣ, ಆರ್‌ಸಿಹೆಚ್‌ಓ ಅಧಿಕಾರಿ ಡಾ.ಕೆ.ವಿಜಯಾ, ಜಿಲ್ಲಾ ಆಯುಷ ಅಧಿಕಾರಿ ಡಾ.ಶಂಕರಗೌಡ ಎಸ್ ಪಟೀಲ್, ರಾಜ್ಯ ಸಂಪನ್ಮೂಲ ವ್ಯಕ್ತಿ ಆಯುಷ ಇಲಾಖೆ ಡಾ. ಚಂದ್ರಶೇಖರ ಸುವರ್ಣಗಿರಿ ಮಠ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪ-ನಿರ್ದೇಶಕ ವೀರನಗೌಡ, ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಎಮ್.ಡಿ ಗೋಕುಲ್ ಹುಸೇನ,. ಸಹಾಯಕ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಮಂಜುನಾಥ, ಪೋಷಣ ಅಭಿಯಾನ ಜಿಲ್ಲಾ ಸಂಯೋಜಕ ನಾಗರಾಜ, ಅಮರೇಶ, ಫಹೀಮ್, ಸಂಗಮೇಶ್ವರ ಮತ್ತು ಯೋಜನೆಯ ಎಲ್ಲಾ ಮೇಲ್ವಿಚಾರಕಿಯರು, ಅಂಗನವಾಡಿ ಕಾರ್ಯಕರ್ತೆಯರು ಗರ್ಭಿಣಿ, ಬಾಣಂತಿಯರು ಮತ್ತು ಕಿಶೋರಿಯರು ಉಪಸ್ಥಿತರಿದ್ದರು.
ಸಂಧ್ಯಾ ಪ್ರಾರ್ಥಿಸಿದರು. ಮಲ್ಲಮ್ಮ ಸ್ವಾಗತಿಸಿದರು. ಅಮರೇಶ ನಿರೂಪಿಸಿದರು. ಗೀತಾ ಚಂದ್ರಶೇಖರ್ ವಂದಿಸಿದರು.