ಬ್ರಹ್ಮಶ್ರೀ ನಾರಾಯಣ ಗುರುಗಳ 167 ನೇ ಜಯಂತೋತ್ಸವ

ಕೆಂಭಾವಿ:ನ.14:ಜಾತಿ, ಮತ ಭೇದಗಳು ಹೆಚ್ಚಾಗಿದ್ದ ವೇಳೆ ಬ್ರಹ್ಮಶ್ರೀ ನಾರಾಯಣ ಗುರುಗಳು ಸಮಾಜ ಸುಧಾರಕರಾಗಿ ಜನಿಸಿ ಸಮಾಜದ ತಾರತಮ್ಯ ಹೋಗಲಾಡಿಸಲು ತಮ್ಮ ಜೀವನವನ್ನೇ ಮುಡಿಪಾಗಿಟ್ಟಿದ್ದರು ಎಂದು ಮುದನೂರ ಶ್ರೀ ಕೋರಿ ಸಿದ್ದೇಶ್ವರ ಶಾಖಾ ಮಠದ ಷ.ಬ್ರ. ಶ್ರೀ ಸಿದ್ದ ಚೆನ್ನಮಲ್ಲಿಕಾರ್ಜುನ ಶಿವಾಚಾರ್ಯರು ಹೇಳಿದರು.

ಪಟ್ಟಣ ಸಮೀಪದ ಮುದನೂರ ಗ್ರಾಮದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಬ್ರಹ್ಮಶ್ರೀ ನಾರಾಯಣ ಗುರುಗಳ 167 ನೇ ಜಯಂತೋತ್ಸವ ಹಾಗೂ ವೃತ್ತ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಸಾನಿಧ್ಯ ವಹಿಸಿ ಮಾತನಾಡಿದ ಅವರು ಮನುಷ್ಯರನ್ನು ಮನುಷ್ಯರಂತೆ ಬದುಕಲು ಬಿಡುವ ಧರ್ಮವೇ ನಿಜವಾದ ಧರ್ಮ. ಒಂದೇ ಜಾತಿ, ಒಂದೇ ಮತ, ಒಂದೇ ದೇವರು ಎಂದು ಸಾರಿದ್ದರು. ನಾರಾಯಣ ಗುರು ಅವರ ನಾಯಕತ್ವದಲ್ಲಿ ಆರಂಭವಾದ ಸಮಾನತೆಯ ಹೋರಾಟ ಮುಂದೆ ಸಾಮಾಜಿಕ ಮತ್ತು ಧಾರ್ಮಿಕ ಪರಿವರ್ತನೆಗೆ ಮುನ್ನುಡಿಯಾಯಿತು ಎಂದು ಹೇಳಿದರು.

ಭಾರತೀಯ ಜನತಾ ಪಕ್ಷದ ಯುವ ಮುಖಂಡ ಕೃಷ್ಣರಡ್ಡಿ ಮುದನೂರ ಮಾತನಾಡಿ, ಬ್ರಹ್ಮಶ್ರೀ ನಾರಾಯಣ ಗುರುಗಳ ನೇತೃತ್ವದಲ್ಲಿ ನಡೆದ ಚಳುವಳಿಯನ್ನು ಸಾಮಾಜಿಕ ಅನ್ಯಾಯದ ವಿರುದ್ಧ ನಡೆದ ಚಳುವಳಿ ಎಂದು ಬಣ್ಣಿಸಲಾಗುತ್ತದೆ. ನಾರಾಯಣ ಗುರುಗಳ ಬದುಕು, ಬರಹ, ತತ್ತ್ವ ಚಿಂತನೆಗಳು ಸೂರ್ಯನ ಬೆಳಕಿನಂತಿದ್ದವು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಪರಮಣ್ಣ ಪೂಜಾರಿ ಬಂಡೆಪ್ಪನಹಳ್ಳಿ, ರಾಚಯ್ಯ ಸ್ವಾಮಿಗಳು, ಆರ್ಯ ಈಡಿಗ ಸಮಾಜದ ಹುಣಸಗಿ ತಾಲ್ಲೂಕು ಅಧ್ಯಕ್ಷ ಬಸಯ್ಯ ಬಿ ಗುತ್ತೇದಾರ, ಶಿವನಗೌಡ ಮಾಲಿ ಪಾಟೀಲ, ಸಿದ್ದರಾಮರಡ್ಡಿ ಚೌದ್ರಿ, ಭೀಮರಾಯ ಸಾಹುಕಾರ, ಸುಭಾಷ್‍ಚಂದ್ರ ರಡ್ಡಿ ಚೌದ್ರಿ, ಸಿದ್ದಬಸಯ್ಯ ಸ್ವಾಮಿ, ಮಲ್ಲಿಕಾರ್ಜುನರಡ್ಡಿ ಸೆಕ್ರೆಟರಿ, ಕೃಷ್ಣರಡ್ಡಿ ಸಾಹುಕಾರ ಹೊಸಮನಿ, ನಿಂಗಾರಡ್ಡಿ ಎನ್ ಚೌದ್ರಿ, ಚಂದಯ್ಯ ಗುತ್ತೇದಾರ, ಲಕ್ಷ್ಮಣ ಗುತ್ತೇದಾರ, ಮಹಾದೇವ ಸಿ ಗುತ್ತೇದಾರ, ಮಲ್ಲಿಕಾರ್ಜುನ ಗುತ್ತೇದಾರ, ಮಂಜುನಾಥ ಗುತ್ತೇದಾರ, ಬಸಯ್ಯ ಗುತ್ತೇದಾರ, ರಮೇಶ ಗುತ್ತೇದಾರ ಬೋನಾಳ, ಹಣಮಯ್ಯ ಗುತ್ತೇದಾರ, ಯಲ್ಲಾಲಿಂಗ ಗುತ್ತೇದಾರ, ರಮೇಶ ಗುತ್ತೇದಾರ, ಸಿದ್ದು ಗುತ್ತೇದಾರ, ರಾಜು ಗುತ್ತೇದಾರ, ದೇವಣ್ಣ ಎಚ್ ಗುತ್ತೇದಾರ ಸೇರಿದಂತೆ ಮುದನೂರ ಹಾಗೂ ಹುಣಸಗಿ ತಾಲ್ಲೂಕಿನ ಆರ್ಯ ಈಡಿಗ ಸಮಾಜದ ಮುಖಂಡರು ಭಾಗವಹಿಸಿದ್ದರು.