ಬೆಂಗಳೂರು, ಸೆ.7- ರಾಜಧಾನಿ ಬೆಂಗಳೂರಿನಲ್ಲಿ ಆಗಸದಲ್ಲಿ ಹಾರುವ ಹೆಲಿಕಾಪ್ಟರೊಂದು ರಸ್ತೆ ಮಧ್ಯದಲ್ಲಿ ಸಿಲುಕಿಕೊಂಡು ಟ್ರಾಫಿಕ್ ಜಾಮ್ ಆದ ಘಟನೆ ಜರುಗಿತು.
ಬೆಂಗಳೂರಿನ ಎಚ್‌ಎಎಲ್ (ಹಿಂದೂಸ್ತಾನ್ ಎರೋನಾಟಿಕಲ್ ಲಿಮಿಟೆಡ್) ಬಳಿ ಗುರುವಾರ ಸಂಜೆ ಈ ಘಟನೆ ನಡೆದಿದೆ
ಒಂದು ಕಾರ್ಖಾನೆಯ ಆವರಣದಿಂದ ಮುಂದಿನ ಆವರಣಕ್ಕೆ ಕೊಂಡೊಯ್ಯುವಾಗ ಹೆಲಿಕಾಪ್ಟರ್ ರಸ್ತೆ ದಾಟುವುದು ವಾಡಿಕೆ.
ಈ ರೀತಿ ಕೊಂಡೊಯ್ಯುವಾಗ ಹೆಲಿಕಾಪ್ಟರ್ ರಸ್ತೆ ಮಧ್ಯೆ ನಿಂತಿದೆ. ಅದರ ಸುತ್ತ ಸಿಬ್ಬಂದಿಗಳು ನಿಂತಿದ್ದಾರೆ. ಕಿರಿದಾದ ರಸ್ತೆಯಾದ್ದರಿಂದ ವಾಹನ ಸಂಚಾರಕ್ಕೆ ಅಡಚಣೆಯಾಗಿದೆ.
ವಾಹನಗಳು ನಿಂತಿರುವುದು ಚಿತ್ರದಲ್ಲಿ ಕಾಣುತ್ತಿದೆ. ಈ ಬಗ್ಗೆ ಅಧಿಕೃತವಾಗಿ ಎಚ್‌ಎಎಲ್ ಯಾವ ಮಾಹಿತಿಯನ್ನೂ ನೀಡಿಲ್ಲ.ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಅಮನ್ ಸುರಾನ ಎಂಬವರು ರಸ್ತೆ ಮಧ್ಯೆ ಹೆಲಿಕಾಪ್ಟರ್ ಸಿಲುಕಿಕೊಂಡ ಚಿತ್ರವನ್ನು ಹಂಚಿಕೊಂಡಿದ್ದಾರೆ.
ಒಟ್ಟಿನಲ್ಲಿ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್‌ನಲ್ಲಿ ಸಿಲುಕಿಕೊಂಡ ಆಂಬ್ಯುಲೆನ್ಸ್, ವಿಐಪಿ ವಾಹನ, ತುರ್ತು ಸೇವಾ ವಾಹನ ಎಂದೆಲ್ಲಾ ಸುದ್ದಿಯನ್ನು ನೀವು ಕೇಳಿರಬಹುದು. ಈ ಬಾರಿ ಹೆಲಿಕಾಪ್ಟರ್ ವಿಚಾರಕ್ಕೆ ಬೆಂಗಳೂರು ಸುದ್ದಿಯಲ್ಲಿದೆ.
