ಬುಮ್ರಾ ಭಾರತ ತಂಡದ ಕೀ ಬೌಲರ್‌: ಹೇಜಲ್‌ವುಡ್‌


ನವದೆಹಲಿ, ನ 19  ಭಾರತ ತಂಡದ ಬೌಲಿಂಗ್‌ ವಿಭಾಗಕ್ಕೆ ಜಸ್‌ಪ್ರಿತ್‌ ಬುಮ್ರಾ ಕೀ ಬೌಲರ್‌ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ ಆಸೀಸ್‌ ವೇಗಿ ಜಾಶ್‌ ಹೇಜಲ್‌ವುಡ್‌, ಆರಂಭಿಕ ಕೆಲ ಪಂದ್ಯಗಳಲ್ಲಿ ಅವರನ್ನು ನಮ್ಮ ಬ್ಯಾಟ್ಸ್‌ಮನ್‌ಗಳು ಆಯಾಸಗೊಳಿಸಬೇಕು ಎಂದು ವೇಗಿ ಆಗ್ರಹಿಸಿದ್ದಾರೆ.

ಆರು ಸೀಮಿತ ಪಂದ್ಯಗಳು ಹಾಗೂ ನಾಲ್ಕು ಟೆಸ್ಟ್‌ ಪಂದ್ಯಗಳನ್ನು ಭಾರತಕ್ಕೆ ಆಸ್ಟ್ರೇಲಿಯಾ ಆತಿಥ್ಯ ವಹಿಸಿದೆ. ಮೂರು ಪಂದ್ಯಗಳ ಓಡಿಐ ಸರಣಿ ನ.27ರಿಂದ ಆರಂಭವಾಗಲಿದ್ದು, ನಂತರ ಮೂರು ಪಂದ್ಯಗಳ ಟಿ20 ಸರಣಿ ಶುರುವಾಗಲಿದೆ. ಡಿಸೆಂಬರ್‌ 17 ರಿಂದ ಬಾರ್ಡರ್-ಗವಾಸ್ಕರ್ ಟೆಸ್ಟ್‌ ಸರಣಿ ಆರಂಭವಾಗಲಿದೆ. ಇದರಲ್ಲಿ ಮೊದಲನೇ ಹಣಾಹಣಿ ಫಿಂಕ್‌ ಬಾಲ್‌ ಟೆಸ್ಟ್‌ ಆಗಲಿದೆ.
ಜಸ್‌ಪ್ರಿತ್‌ ಬುಮ್ರಾ, ಮೊಹಮ್ಮದ್‌ ಶಮಿ ಹಾಗೂ ಉಮೇಶ್‌ ಯಾದವ್‌ ಅವರನ್ನೊಳಗೊಂಡ ಬೌಲಿಂಗ್‌ ವಿಭಾಗಕ್ಕೆ ಹೊಸದಾಗಿ ನವದೀಪ್‌ ಸೈನಿ ಹಾಗೂ ಮೊಹಮ್ಮದ್‌ ಸಿರಾಜ್‌ ಸೇರ್ಪಡೆಯಾಗಿದ್ದಾರೆ.  ಕಳೆದ ಒಂದರಿಂದ ಒಂದೂವರೆ ದಶಕದಲ್ಲಿ ಭಾರತೀಯ ವೇಗದ ಬೌಲರ್‌ಗಳು ಸಾಕಷ್ಟು ಸುಧಾರಣೆ ಕಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಭಾರತ ತಂಡದ ಸೀಮ್‌ ಬೌಲರ್‌ಗಳನ್ನು ಎದುರಿಸಲು ಆಸ್ಟ್ರೇಲಿಯಾ ಬ್ಯಾಟ್ಸ್‌ಮನ್‌ಗಳು ತಯಾರಿ ನಡೆಸಬೇಕೆಂದು ಜಾಶ್‌ ಹೇಜಲ್‌ವುಡ್‌ ಕರೆ ನೀಡಿದ್ದಾರೆ. ಅದರಲ್ಲೂ ಜಸ್‌ಪ್ರಿತ್‌ ಬುಮ್ರಾ ಕೀ ಬೌಲರ್‌ ಆಗಿದ್ದು, ತಮ್ಮ ವಿಶಿಷ್ಠ ಶೈಲಿಯ ಬೌಲಿಂಗ್‌ನಿಂದ ಶಾರ್ಟ್ ರನ್‌ಅಪ್‌ನಲ್ಲಿ ಇಡೀ ದಿನ ಬೌಲಿಂಗ್‌ ಮಾಡಬಲ್ಲರು ಎಂದು ಹೇಳಿದರು.

ಜಸ್‌ಪ್ರಿತ್‌ ಬುಮ್ರಾ ಕೀ ಬೌಲರ್‌ ಎಂದು ಕರೆಯುತ್ತೇನೆಂದರೆ, ಅವರು ಹೊಸ ಚೆಂಡು ಹಾಗೂ ಹಳೆ ಚೆಂಡಿನಲ್ಲಿಯೂ ವಿಕೆಟ್‌ ಪಡೆಯುತ್ತಾರೆ. ಹಾಗಾಗಿ ಭಾರತದ ವೇಗಿಯನ್ನು ಆರಂಭಿಕ ಪಂದ್ಯಗಳಲ್ಲಿ ಆಯಾಸಗೊಳಿಸುವಂತೆ ನಮ್ಮ ಬ್ಯಾಟ್ಸ್‌ಮನ್‌ಗಳಿಗೆ ಕರೆ ನೀಡುತ್ತೇನೆ ಎಂದು ಅವರು ಹೇಳಿದ್ದಾರೆ.

ಕಳೆದ ಬಾರಿ ಅವರು ಇಲ್ಲಿಗೆ ಬಂದಾಗಿ ನಮ್ಮನ್ನು ಹಲವು ಬಾರಿ ಆಲೌಟ್‌ ಮಾಡಿದ್ದರು. ಆ ಮೂಲಕ ಸುದೀರ್ಘ ಅವಧಿಯ ಬಳಿಕ ಐತಿಹಾಸಿಕ ಟೆಸ್ಟ್‌ ಸರಣಿಯನ್ನು ಗೆದ್ದುಕೊಂಡಿದ್ದರು. ಭಾರತೀಯ ವೇಗಿಗಳು ಸಾಕಷ್ಟು ಪರಿಪಕ್ವತೆಯನ್ನು ಸಾಧಿಸಿದ್ದಾರೆ. ಇಶಾಂತ್‌ ಶರ್ಮಾ ಸೇರ್ಪಡೆಯಾದರೆ ಭಾರತದ ಬೌಲಿಂಗ್‌ ವಿಭಾಗ ಇನ್ನಷ್ಟು  ಬಲಿಷ್ಠವಾಗಲಿದೆ ಎಂಬುದು ಅವರ ಒಮ್ಮತ.

“ಜಸ್‌ಪ್ರಿತ್‌ ಬುಮ್ರಾ ಸ್ಟ್ಯಾಂಡ್ ಔಟ್‌ ಬೌಲರ್‌. ಅವರು ವಿಶಿಷ್ಠ ಶೈಲಿಯಿಂದ ಅನನ್ಯರಾಗಿದ್ದಾರೆ. ಅವರು ಇಡೀ ದಿನ ಹಾಗೂ ಇಡೀ ಸರಣಿಯುದ್ದಕ್ಕೂ ಒಂದೇ ವೇಗವನ್ನು ನಿರ್ವಹಿಸಲಿದ್ದಾರೆ.  ಹಾಗಾಗಿ ಅವರು ಭಾರತ ತಂಡದ ಕೀ ಬೌಲರ್‌.  ಹೊಸ ಚೆಂಡು ಹಾಗೂ ಹಳೆಯ ಚೆಂಡಿನಲ್ಲಿ ವಿಕೆಟ್‌ಗಳನ್ನು ಪಡೆಯುತ್ತಾರೆ. ಹಾಗಾಗಿ, ನಮ್ಮ ಬ್ಯಾಟ್ಸ್‌ಮನ್‌ ಪಂದ್ಯದ ಆರಂಭಿಕ ಓವರ್‌ಗಳಲ್ಲಿ ಅವರನ್ನು ಆಯಾಸಗೊಳಿಸಬೇಕು. ಇದು ನಮ್ಮ ಪಾಲಿಗೆ ಕೀ ಯೋಜನೆಯಾಗಬೇಕು,’ ಎಂದು ಜಾಶ್‌ ಹೇಜಲ್‌ವುಡ್‌ ಹೇಳಿದರು.