ಬೀದರ,ಜು 26: ಜಿಲ್ಲೆಯಲ್ಲಿ ಸೋಲಾರ್ ಸಿಟಿ, 2500 ಮೆಗಾವ್ಯಾಟ್ ಸಬ್ ಸ್ಟೇಷನ್ ಮತ್ತು 500 ಮೆಗಾವ್ಯಾಟ್ ಸೋಲಾರ ಪಾರ್ಕ
ನಿರ್ಮಿಸಲಾಗುವುದು ಎಂದು ಕೇಂದ್ರ ನೂತನ ಹಾಗೂ
ನವೀಕರಿಸಬಹುದಾದ ಇಂಧನ ಮೂಲ ಹಾಗೂ ರಾಸಾಯನಿಕ ಮತ್ತು
ರಸಗೊಬ್ಬರ ಖಾತೆ ರಾಜ್ಯ ಸಚಿವ ಭಗವಂತ ಖೂಬಾ ಅವರು
ರಾಜ್ಯಸಭೆಯಲ್ಲಿ ಕೇಳಲಾದ ಪ್ರಶ್ನೆಗೆ ಲಿಖಿತ ರೂಪದಲ್ಲಿ ಉತ್ತರಿಸಿದ್ದಾರೆ.
ರಾಜ್ಯಸಭಾ ಸದಸ್ಯರಾದ ನಾರಾಯಣ ಕೊರೆಗೊಪ್ಪರವರು
ಕೇಳಿರುವ ಚುಕ್ಕೆಗುರುತಿಲ್ಲದ ಪ್ರಶ್ನೆಗೆ ಸಂಪುಟ ದರ್ಜೆಸಚಿವರ ಪರವಾಗಿ ಉತ್ತರಿಸಿದ ಕೇಂದ್ರ ಸಚಿವ ಖೂಬಾ, ಈ ಸಂಬಂಧವಾಗಿ
ರಾಜ್ಯ ಸರ್ಕಾರಗಳು ಸ್ಥಳ ಗುರುತಿಸಿ, ಕ್ರಿಯಾ ಯೋಜನೆ
ಸಿದ್ದಪಡಿಸಲು ಅವಕಾಶ ನೀಡಲಾಗಿದೆ ಜೊತೆಗೆ ಕರ್ನಾಟಕ ರೀನಿವೆಬಲ್
ಎನರ್ಜಿ ಡೇವಲಪಮೆಂಟ್ ಲಿ. ಸಂಸ್ಥೆಯೂ ಸದರಿ ಸೋಲಾರ್ ಸಿಟಿ ಹಾಗೂ 500 ಮೆಗಾವ್ಯಾಟ್ ಸೋಲಾರ್ ಪಾರ್ಕ ನಿರ್ಮಾಣಕ್ಕೆ ಸಿದ್ದತೆ
ಮಾಡಿಕೊಳ್ಳುತ್ತಿದೆ ಮತ್ತು 2500 ಮೆಗಾವ್ಯಾಟ್ ಸಬ್ ಸ್ಟೇಷನ್
ಸಂಬಂಧವಾಗಿ ರೂರಲ್ ಎಲೆಕ್ಟ್ರೀಫಿಕೇಷನ್ ಕಾರ್ಪೊರೇಶನ
ವತಿಯಿಂದ ಈಗಾಗಲೆ ಹರಾಜು ಕರೆಯಲಾಗಿದೆ, ಈ ತಿಂಗಳು ಸದರಿ
ಪ್ರಕ್ರಿಯೆ ಪೂರ್ಣಗೊಂಡು ಕಾರ್ಯರಂಭವಾಗಲಿದೆ ಎಂದು
ತಿಳಿಸಿದ್ದಾರೆ.
2021ರಲ್ಲಿ ಕಲಬುರಗಿಯಲ್ಲಿ ನಿರ್ಮಿಸಲು ಉದ್ದೇಶಿಸಿದ್ದ 500 ಮೆಗಾ
ವ್ಯಾಟ್ ಸೋಲಾರ್ ಪಾರ್ಕ ಅನ್ನು ಕಾರಣಾಂತರಗಳಿಂದ ಸ್ಥಳ
ಬದಲಾವಣೆಗೊಳಿಸಿ, ಬೀದರನಲ್ಲಿ ನಿರ್ಮಾಣ ಮಾಡುವಂತೆ ಜೂನ್ 7 ರಂದು ರಾಜ್ಯ ಸರ್ಕಾರ ಕೇಂದ್ರಕ್ಕೆ ಪ್ರಸ್ಥಾವನೆ ಸಲ್ಲಿಸಿದೆ.ಈಗಾಗಲೇ ಬೀದರ ಜಿಲ್ಲೆಯ ಔರಾದ ತಾಲೂಕಿನಲ್ಲಿ ಸ್ಥಳಗುರುತಿಸುವಿಕೆಗೆ ಸಂಸ್ಥೆ ಚಾಲನೆ ನೀಡಿದೆ ಎಂದು ಸಚಿವರು ತಿಳಿಸಿದ್ದಾರೆ.
ಈ ಹಿಂದೆ ಪತ್ರಿಕಾ ಗೋಷ್ಠಿಗಳಲ್ಲಿ ತಿಳಿಸಿರುವ ಹಾಗೆಬೀದರ ಜಿಲ್ಲೆಯಲ್ಲಿ ಮುಂಬರುವ ದಿನಗಳಲ್ಲಿ ಸೋಲಾರ್ ಸಿಟಿ, 2500ಮೆಗಾವ್ಯಾಟ್ ಸಬ್ ಸ್ಟೇಷನ್ ಮತ್ತು 500 ಮೆಗಾವ್ಯಾಟ್ ಸೋಲಾರ್‍ಪಾರ್ಕ ನಿರ್ಮಾಣವಾಗಲಿದೆ, ಇದರಿಂದ ಬೀದರ ಲೋಕಸಭಾ ಕ್ಷೇತ್ರದಅಭಿವೃದ್ದಿಗೆ ಮತ್ತಷ್ಟು ವೇಗ ಸಿಗಲಿದೆ, ನಮ್ಮಲ್ಲಿರುವ ಸಾವಿರಾರುಎಕರೆ ಬರಡು ಭೂಮಿಗೆ ಒಳ್ಳೆಯ ಬೆಲೆ ಸಿಗಲಿದೆ, ಮೂಲಭೂತಸೌಕರ್ಯಗಳು ಅಭಿವೃದ್ದಿಗೊಳ್ಳಲಿವೆ ಹಾಗೂಉದ್ಯೋಗವಕಾಶಗಳು ದೊರೆಯಲಿವೆ ಎಂದುಸಚಿವರುತಿಳಿಸಿದ್ದಾರೆ.ಕೇಂದ್ರದೊಂದಿಗೆ ರಾಜ್ಯ ಸರ್ಕಾರ ಸಹಕಾರ ನೀಡಿದರೆ,ಪ್ರಸಕ್ತ ಸಾಲಿನಲ್ಲಿಯೇ ಈ ಮೂರು ಯೋಜನೆಗಳಿಗೆ ಶಂಕುಸ್ಥಾಪನೆಗೊಳಿಸಿ, ಕಾಮಗಾರಿ ಪ್ರಾರಂಭ ಮಾಡಲಾಗುವುದು ಎಂದು ಸಚಿವರು ತಿಳಿಸಿದ್ದಾರೆ.
