ಬಿ.ವಿ. ಭೂಮರಡ್ಡಿ ಪದವಿ ಮಹಾವಿದ್ಯಾಲಯಕ್ಕೆ ಬೆಸ್ಟ ಇನ್ಸ್ಟಿಟ್ಯೂಷನ್ ಗರಿ

ಬೀದರ :ಮಾ.26: ಇತ್ತಿಚೀಗೆ 32ನೇ ಕರ್ನಾಟಕ ಬಟಾಲಿನ್ ಎನ್.ಸಿ.ಸಿ. ಕಲಬುರಗಿಯಲ್ಲಿ ಆಯೋಜಿಸಲಾದ ಎನ್.ಸಿ.ಸಿ. ಕೆಡೇಟ್ಸ್, ಅಧಿಕಾರಿಗಳು ಮತ್ತು ಸಿಬ್ಬಂದಿಯವರಿಗೆ ಸನ್ಮಾನ ಹಾಗೂ ಪ್ರಶಸ್ತಿ ವಿತರಣಾ ಸಮಾರಂಭದಲ್ಲಿ ಬಿ.ವಿ. ಭೂಮರಡ್ಡಿ ಪದವಿ ಮಹಾವಿದ್ಯಾಲಯದ ಕೆಡೇಟ್ಸ್ ಮತ್ತು ಅಧಿಕಾರಿಗಳಾದ ಮೇಜರ್ ಡಾ: ಪಿ. ವಿಠ್ಠಲ ರಡ್ಡಿಯವರ ಇಡೀ ಕೊವೀಡ್-19 ಪೆಂಡಮಿಂಕ್‍ನಲ್ಲಿ ಹಮ್ಮಿಕೊಂಡ ಅಕ್ಟವಿಟೀಸ್ ಹಾಗೂ ಅಭಿವೃದ್ಧಿ ಕಾರ್ಯ ಪರಿಗಣಿಸಿ ಮಹಾವಿದ್ಯಾಲಯಕ್ಕೆ ಯೂನಿಟ್ ಲೇವಲ್ ಬೆಸ್ಟ ಇನ್ಸ್ಟಿಟ್ಯೂಷನ್ ಪ್ರಶಸ್ತಿ ನೀಡಲಾಗಿದೆ. 32ನೇ ಬಟಾಲಿನ್‍ನಲ್ಲಿ ಸುಮಾರು 25 ಶಾಲಾ – ಕಾಲೇಜುಗಳು ಬೀದರ, ಕಲಬುರಗಿ, ಭಾಲ್ಕಿ, ಬಸವಕಲ್ಯಾಣ ಹಾಗೂ ಅಳಂದ ಇತ್ಯಾದಿಗಳಲ್ಲಿ ಹೊಂದಿದೆ.

ಅಲ್ಲದೇ ಬಿ.ವಿ. ಎನ್.ಸಿ.ಸಿ. ಯೂನಿಟ್‍ನ ಅಧಿಕಾರಿಗಳಿಗೆ ರಾಷ್ಟ್ರ ಮಟ್ಟದ ಎನ್.ಸಿ.ಸಿ. ನಿರ್ದೇಶನಾಲಯದ ಮಹಾನಿರ್ದೇಶಕರಾದ ಲೇಫ್ಟೀನಂಟ್ ಜನರಲ್ ರಾಜೀವ ಚೋಪರಾ ಅವರು 2020-21ನೇ ಸಾಲಿನ ಡಿ.ಜಿ. ಕಮಾಂಡೇಷನ್ ಕಾರ್ಡ ಹಾಗೂ ಪದಕ ನೀಡಿ ಗೌರವಿಸಿದ್ದಾರೆ. ಹಾಗೂ ಕೆಡೇಟ್ ಆದ ಸೀನಿಯರ್ ಅಂಡರ್ ಆಫೀಸರ್ ವಿರೇಶ ಹುಗಾರ ಅವರಿಗೆ ಕರ್ನಾಟಕ ಹಾಗೂ ಗೋವಾ ಡಾರ್ಕೇಟರೇಟ್ ಬೆಂಗಳೂರಿನ ಸಹ ನಿರ್ದೇಶಕರಾದ ಏರ್ ಕಮೋಡರ್ ಎಲ್.ಕೆ. ಜೈನ್‍ಯವರು ಡಿ.ಡಿ.ಜಿ. ಕಮಾಂಡೇಷನ್ ಕಾರ್ಡ ನೀಡಿ ಗೌರವಿಸಿದ್ದಾರೆ. ಹಾಗೂ ಸೀನಿಯರ್ ಅಂಡರ್ ಆಫೀಸರ್ ಬಾಲಾಜಿ ವಾಮನ್‍ರಾವ ಹಾಗೂ ಸೀನಿಯರ್ ಅಂಡರ್ ಆಫೀಸರ್ ಗಂಗಾಬಿಕ ಬಸವರಾಜ ನಂವನೆಯವರಿಗೆ ಸಿ.ಓ. ಕಮಾಂಡೇಷನ್ ಕಾರ್ಡ ನೀಡಿಲಾಗಿದೆ ಇವುಗಳ ಜೊತೆ 51ಕ್ಕೂ ಹೆಚ್ಚು ಕೆಡೇಟ್ಸ್‍ಗಳು “ಎಕ್ರ್ಸಸೈಜ್ ಯೋಗದಾನ”ದ ಪ್ರಮಾಣ ಪತ್ರ ಪಡೆದಿರುತ್ತಾರೆ.

ಈ ಎಲ್ಲಾ ಸಾಧನೆಗಳನ್ನು ಗಮನಿಸಿ 32ನೇ ಬಟಾಲಿನ್ ಎನ್.ಸಿ.ಸಿ. ಕಲಬುರಗಿಯ ಕಮಾಂಡಿಂಗ್ ಅಧಿಕಾರಿಗಳಾದ ಕನರ್ಲ್ ಎಸ್.ಕೆ. ತಿವಾರಿಯವರು ಕೆಡೇಟ್ಸ್ ಹಾಗೂ ಅಧಿಕಾರಿಗಳ ಕಠಿಣ ಹಾಗೂ ಸ್ಮಾಟ್ ಕಾರ್ಯ ಶ್ಲಾಘನೀಯವಾಗಿದೆ ಎಂದು ಹೃತ್ರ್ಪೂವಕ ಅಭಿನಂದನೆ ತಿಳಿಸಿದರು ಹಾಗೂ ಪ್ರಾಂಶುಪಾಲರಾದ ಡಾ. ಎಸ್.ಕೆ. ಸಾತನೂರ ಮತ್ತು ಸಂಸ್ಥೆಯ ಆಡಳಿತ ಮಂಡಳಿಯವರಿಗೆ ನಿರಂತರ ಬೆಂಬಲ ಹಾಗೂ ಪ್ರೇರಣೆ ನೀಡಿದಕ್ಕಾಗಿ ಧನ್ಯವಾದಗಳು ತಿಳಿಸಿದ್ದಾರೆ.

ಮಹಾವಿದ್ಯಾಲಯದ ಕೆಡೇಟ್ಸ್ ಹಾಗೂ ಅಧಿಕಾರಿಗಳ ಸಾಧನೆಗೆ ಹೈದ್ರಾಬಾದ ಕರ್ನಾಟಕ ಶಿಕ್ಷಣ ಸಂಸ್ಥೆಯ ಆಡಳಿತ ಮಂಡಳಿ, ಪ್ರಾಂಶುಪಾಲರು, ಉಪ ಪ್ರಾಂಶುಪಾಲರು, ಪ್ರಾಧ್ಯಾಪಕರು, ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆಂದು ಮಹಾವಿದ್ಯಾಲಯದ ವಿದ್ಯಾರ್ಥಿ ಕಲ್ಯಾಣಾಧಿಕಾರಿಗಳಾದ ಡಾ: ಮಲ್ಲಿಕಾರ್ಜುನ ಕೋಟೆಯವರು ತಿಳಿಸಿದ್ದಾರೆ.