ಬಿಜೆಪಿ ಸರ್ಕಾರ ಕಿತ್ತೊಗೆಯಲು ಪಣ ತೊಡಿ

ದಾವಣಗೆರೆ, ನ.8: ದೇಶದ ಜನರಿಗೆ ಶಾಪವಾಗಿರುವ ಬಿಜೆಪಿ ಸರ್ಕಾರವನ್ನು ಕಿತ್ತೊಗೆಯಲು ಶಪಥ ಮಾಡಬೇಕೆಂದು ಸಾಮಾಜಿಕ ಹೋರಾಟಗಾರ ಎಸ್.ಆರ್.ಹಿರೇಮಠ್ ಕರೆ ನೀಡಿದರು.ನಗರದ ರೋಟರಿ ಬಾಲ ಭವನದಲ್ಲಿ  ಬೆಂಗಳೂರಿನ ಸಮಾಜವಾದಿ ಅಧ್ಯಯನ ಕೇಂದ್ರ, ಅಪ್ನಾ ಭಾರತ್ ಮೋರ್ಚಾ ಮತ್ತು ಪ್ರಗತಿಪರ ಒಕ್ಕೂಟದ ಆಶ್ರಯದಲ್ಲಿ ‘ಜನಪರ ಹೋರಾಟ, ಚಳವಳಿಗಳು ಮತ್ತು ಚುನಾವಣಾ ರಾಜಕಾರಣ’ ಕುರಿತು ಆಯೋಜಿಸಿದ್ದ ಚಿಂತನ-ಮAಥನ ಗೋಷ್ಠಿಯಲ್ಲಿ ಅವರು ಮಾತನಾಡಿದರು.ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಮೂರು ರೈತ ವಿರೋಧಿ ಕಾಯ್ದೆಗಳನ್ನು ವಿರೋಧಿಸಿ ರೈತರು ದೆಹಲಿಯಲ್ಲಿ ಸುದೀರ್ಘ ಹೋರಾಟ ನಡೆಸುತ್ತಿದ್ದಾರೆ. ಅದೇ ರೀತಿಯಲ್ಲಿ ಕರ್ನಾಟಕ ಸರ್ಕಾರ ಜಾರಿಗೆ ತಂದಿರುವ ಎಪಿಎಂಸಿ ತಿದ್ದುಪಡಿ ಕಾಯ್ದೆ, ಭೂಸುಧಾರಣಾ ಕಾಯ್ದೆ ತಿದ್ದುಪಡಿ ವಿರೋಧಿಸಿ ನ.14ರಂದು ಸರ್ಕಾರದ ವಿರುದ್ಧ ಪ್ರಜಾಪ್ರಭುತ್ವದ ಮೌಲ್ಯಗಳನ್ನು ಆಯುಧಗಳನ್ನಾಗಿಸಿಕೊಂಡು ಸಮರ ಸಾರಲಾಗುವುದು ಎಂದರು.ಇವತ್ತು ಜನರಲ್ಲಿ ವಿಶ್ವಾಸವಿಲ್ಲ. ಎಲ್ಲರೂ, ಭ್ರಷ್ಟರು, ದುಷ್ಟರು ಎಂಬ ಭಾವನೆ ಇದೆ. ಆದ್ದರಿಂದ ಹೋರಾಟದ ಭೂಮಿಕೆಯನ್ನು ಹದ ಮಾಡಬೇಕಾಗಿದೆ. ಇವತ್ತು ಸ್ವಾತಂತ್ರö್ಯ, ನ್ಯಾಯಾಂಗ ಎಲ್ಲವೂ ಗಂಡಾAತರದಲ್ಲಿದ್ದು, ಹೋರಾಟಕ್ಕೆ ಪಣ ತೊಡಬೇಕೆಂದು ಕರೆ ನೀಡಿದರು.ನಿವೃತ್ತ ಪ್ರಾಧ್ಯಾಪಕ ಎ.ಬಿ.ರಾಮಚಂದ್ರಪ್ಪ ಮಾತನಾಡಿ, ಭ್ರಷ್ಟಾಚಾರವನ್ನೇ ಮೌಲ್ಯವೆಂದು ಬಿಂಬಿಸುತ್ತಿರುವ ಕಾಲಘಟ್ಟದಲ್ಲಿ ನಾವಿದ್ದೇವೆ. ಪ್ರಭುತ್ವ ಬಹುಮತದ ದೌರ್ಜನ್ಯವನ್ನು ಹೇರುತ್ತಿದೆ. ಬಹುಮತವನ್ನೇ ಆಯುಧವನ್ನಾಗಿಸಿಕೊಂಡು ದೇಶದ ಜನರ ಮೇಲೆ ಝಳಪಿಸುತ್ತಿದ್ದಾರೆ. ಚಳವಳಿಗಾರರಿಗೆ ದೇಶದ್ರೋಹಿ ಪಟ್ಟ ಕಟ್ಟುತ್ತಿದ್ದಾರೆ. ಡಾ.ಬಿ.ಆರ್.ಅಂಬೇಡ್ಕರ್ ಅವರನ್ನು ಹಿಂದುತ್ವದ ಮುಖವಾಣಿಯನ್ನಾಗಿ ಬಿಂಬಿಸಲಾಗುತ್ತಿದೆ. ಆದರೂ ನಾವು ಸಮ್ಮನಿರುವುದನ್ನು ಸಂಘಟನಾ ನಾಯಕರು ಮತ್ತು ನಮ್ಮಂತ ವಿಚಾರವಾದಿಗಳು ಪ್ರಭುತ್ವದ ಜತೆಗೆ ಶಾಮೀಲಾಗಿ ಕಳೆದು ಹೋಗಿದ್ದೇವೆ ಎಂಬ ಅನುಮಾನ ಕಾಡುತ್ತಿದೆ. ಎಲ್ಲ ಜನಪರ ಶಕ್ತಿಗಳು ಒಂದಾಗಿ ಹೋರಾಟ ಮಾಡಿದರೆ, ಜನವಿರೋಧಿ ಸರ್ಕಾರ ಕಿತ್ತೊಗೆಯಲು ದೊಡ್ಡ ವಿಷಯವಲ್ಲ ಎಂದರು.ಪ್ರಾಸ್ತಾವಿಕವಾಗಿ ಮಾತನಾಡಿದ ಕೃಷಿ ಆರ್ಥಿಕ ತಜ್ಞ ಪ್ರಕಾಶ್ ಕಮ್ಮರಡಿ, ಚಳವಳಿ, ಹೋರಾಟ ನಿರಂತರವಾಗಿ ನಡೆಯುತ್ತಿವೆ. ಆದರೆ ಆಳುವ ಸರ್ಕಾರಗಳು ಹೋರಾಟವನ್ನು ದಿಕ್ಕು ತಪ್ಪಿಸುವ ತಂತ್ರ ನಿರಂತರವಾಗಿ ಮಾಡಿಕೊಂಡು ಬರುತ್ತಿವೆ. ಮಾಧ್ಯಮಗಳು ಮಧ್ಯಮ ವರ್ಗದ ಜನರನ್ನು ಭ್ರಮ ಲೋಕದಲ್ಲಿಟ್ಟಿವೆ. ಆಳುವ ಪಕ್ಷಗಳು ಹೋರಾಟವನ್ನು ಮೂಲೆಗುಂಪು ಮಾಡಿ ತಮ್ಮ ಬೇಳೆಯನ್ನು ಬೇಯಿಸಿಕೊಳ್ಳುತ್ತಿವೆ. ಹೀಗಾಗಿ ಈ ಸಂದರ್ಭದಲ್ಲಿ ಎಲ್ಲಾ ಸಂಘಟನೆಗಳು ಸೇರಿ ಹೊಸ ರಾಜಕೀಯ ಪ್ರಕ್ರಿಯೆಗಾಗಿ ರಾಜಕೀಯದ ಮಾಗಿ ಉಳಿಮೆ ನಡೆಸಬೇಕಾದ ಅನಿವಾರ್ಯತೆ ಇದೆ ಎಂದು ತಿಳಿಸಿದರು.ಪ್ರಗತಿಪರ ಹೋರಾಟಗಾರ ತೇಜಸ್ವಿ ಪಟೇಲ್ ಮಾತನಾಡಿ, ಪ್ರಸ್ತುತ ಸರ್ಕಾರಗಳ ಜನವಿರೋಧಿ ನೀತಿಗಳನ್ನು ವ್ಯಾಪಕವಾಗಿ ಚರ್ಚೆ ಮಾಡುತ್ತಿದ್ದರೂ ಸಹ ಸರ್ಕಾರಗಳ ಮೇಲೆ ಯಾವುದೇ ಪರಿಣಾಮ ಬೀರುತ್ತಿಲ್ಲ.ಇದಕ್ಕೆ ಕಾರಣವನ್ನೆಂದರೆ ಹೋರಾಟದ ನಾಯಕತ್ವ ಆಯಾ ವರ್ಗದ ಹೋರಾಟದ ವಕೀಲಿಕೆಯಾಗಿ ಮಾರ್ಪಾಟ್ಟಿರುವುದೇ ಇದಕ್ಕೆ ಕಾರಣ. ಸರ್ಕಾರದ ಮೇಲೆ ಪರಿಣಾಮ ಬೀರಬೇಕಾದರೆ ಎಲ್ಲರಲ್ಲೂ ಸಮಷ್ಠಿಭಾವ ಬರಬೇಕೆಂದರು.ಹರಿಯಾಣದ ಮಾಜಿ ಸಂಸದ ಹಾಗೂ ಅಪ್ನಾ ಭಾರತ್ ಮೋರ್ಚಾದ ರಾಷ್ಟಿçÃಯ ಸಂಚಾಲಕ ಅಶೋಕ್ ತನ್ವರ್ ಕಾರ್ಯಕ್ರಮ ಉದ್ಘಾಟಿಸಿದರು. ವೇದಿಕೆಯಲ್ಲಿ ಲೇಖಕಿ ಬಿ.ಟಿ.ಲಲಿತ ನಾಯ್ಕ್, ನವದೆಹಲಿಯ ಜಾಮೀಯಾ ಮಿಲಿಯ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಡಿ.ಕೆ.ಗಿರಿ, ಸಮಾಜ ಪರಿವರ್ತನಾ ವೇದಿಕೆಯ ಬಿ.ಗೋಪಾಲ್, ರಾಘು ದೊಡ್ಡಮನಿ, ಐರಣಿ ಚಂದ್ರು ಸೇರಿದಂತೆ ಇನ್ನಿತರರಿದ್ದರು.