ಸಂಜೆವಾಣಿ ವಾರ್ತೆ
ಕೂಡ್ಲಿಗಿ. ಜು 26 :- ಶಾಲಾಮಕ್ಕಳನ್ನು ಸುರಕ್ಷಿತವಾಗಿ ಕರೆದುಕೊಂಡು ಹೋಗಿ ಬರುತ್ತಿದ್ದ ಚಿರತಗುಂಡ ಮಾರ್ಗದ ಕೂಡ್ಲಿಗಿ ಘಟಕದ ಬಸ್ ಚಾಲಕ ಮಲ್ಲಿಕಾರ್ಜುನ ಇದೇ ತಿಂಗಳ ಕೊನೆಯಲ್ಲಿ ನಿವೃತ್ತಿ ಹೊಂದುತ್ತಿದ್ದು ಅವರಿಗೆ ವಿದ್ಯಾರ್ಥಿಗಳೆಲ್ಲಾ ಸೇರಿ ಕೂಡ್ಲಿಗಿ ಬಸ್ ನಿಲ್ದಾಣದಲ್ಲಿ ಕೇಕ್ ಕತ್ತರಿಸಿ ಶಾಲುಹೊದಿಸಿ ಆತನಿಂದ ಕೇಕ್ ಕತ್ತರಿಸುವ ಮೂಲಕ ಸನ್ಮಾನ ಮಾಡಿದರು.
ಮಲ್ಲಿಕಾರ್ಜುನ ಕೂಡ್ಲಿಗಿ ಘಟಕದ ಸಾರಿಗೆ ಸಂಸ್ಥೆಯ ಚಾಲಕನಾಗಿದ್ದು ಈತನು ಸತತ 7ವರ್ಷಗಳ ಕಾಲದ ಸೇವೆಯನ್ನು ಬಳ್ಳಾರಿ, ಹೊಸಪೇಟೆಯಲ್ಲಿ ಸೇವೆ ಸಲ್ಲಿಸಿ ಹಾಲಿ 20ವರ್ಷಗಳಿಂದ ಕೂಡ್ಲಿಗಿ ಘಟಕದಲ್ಲಿ ಹಿರಿಯ ಚಾಲಕರಾಗಿ ಸೇವೆ ಸಲ್ಲಿಸುತ್ತಿದ್ದು ಇದೇ ತಿಂಗಳ 31ರಂದು ವೃತ್ತಿಯಿಂದ ನಿವೃತ್ತಿ ಹೊಂದುತ್ತಿರುವ ಹಿನ್ನೆಲೆಯಲ್ಲಿ ಹಾಲಿ ಚಿರತಗುಂಡ ಮಾರ್ಗದಲ್ಲಿ ಚಾಲಕ ವೃತ್ತಿಮಾಡುತ್ತಿದ್ದಾರೆ ಮಕ್ಕಳನ್ನು ಸುರಕ್ಷಿತವಾಗಿ ಕರೆದುಕೊಂಡು ಹೋಗಿಬರುತ್ತಿರುವುದರಿಂದ ಈ ಮಾರ್ಗದ ಎಲ್ಲಾ ಮಕ್ಕಳ ಪಾಲಿಗೆ ಪ್ರೀತಿಗೆ ಪಾತ್ರರಾಗಿದ್ದು ಶಾಲೆಗೆ ಬರುವ ವಿದ್ಯಾರ್ಥಿಗಳು ತಲಾ 10 ರಿಂದ 20ರೂ ಅನ್ನು ವೈಯಕ್ತಿಕವಾಗಿ ಹಾಕುವ ಮೂಲಕ ಕೇಕ್ ತಂದು ಮಲ್ಲಿಕಾರ್ಜುನ ಅವರಿಂದ ಕತ್ತರಿಸಿ ಮಕ್ಕಳು ಪ್ರೀತಿಯಿಂದ ಕೇಕ್ ತಿನ್ನಿಸಿ ಶಾಲು ಹೊದಿಸಿ ಸನ್ಮಾನ ಮಾಡಲಾಯಿತು.
ಈ ಸಂದರ್ಭದಲ್ಲಿ ಕೂಡ್ಲಿಗಿ ಘಟಕದ ನಿರ್ವಾಹಕ ಚಂದ್ರು ಸೇರಿದಂತೆ ಅನೇಕ ಶಾಲಾಕಾಲೇಜಿನ ವಿದ್ಯಾರ್ಥಿಗಳು ಹಾಜರಿದ್ದರು.
