ಕಲಬುರಗಿ.ಫೆ.21:ಕೊಳವೆ ಮಾರ್ಗದಲ್ಲಿ ಸೋರುವಿಕೆ ಕಂಡು ಬಂದ ಪ್ರಯುಕ್ತ ಇದೇ ಫೆಬ್ರವರಿ 22 ರಂದು ತುರ್ತು ದುರಸ್ತಿ ಕಾರ್ಯವನ್ನು ಕೈಗೊಳ್ಳಲಾಗುತ್ತಿದೆ. ಆದ್ದರಿಂದ ಕಲಬುರಗಿ ನಗರಕ್ಕೆ ಇದೇ ಫೆಬ್ರವರಿ 23 ಹಾಗೂ 24 ರಂದು ನೀರು ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಲಿದೆ. ಕಲಬುರಗಿ ನಗರದ ಸಾರ್ವಜನಿಕರು ಇದಕ್ಕೆ ಸಹಕರಿಸಬೇಕೆಂದು ಕಲಬುರಗಿ ಕೆಯುಡಬ್ಲ್ಯೂಎಸ್‍ಎಂಪಿ-ಕೆಯುಐಡಿಎಫ್‍ಸಿ ಯೋಜನಾ ಅನುಷ್ಠಾನ ಘಟಕದ ಅಧೀಕ್ಷಕ ಅಭಿಯಂತರರು ತಿಳಿಸಿದ್ದಾರೆ.
ನಗರಕ್ಕೆ ನೀರು ಸರಬರಾಜು ಮಾಡುವ ಸರಡಗಿಯ ಭೀಮಾ ನದಿಯಿಂದ ಸರಬರಾಜು ಆಗುವ ಕೊಳವೆ ಮಾರ್ಗಗಳಲ್ಲಿ, ಸರಡಗಿ ಗ್ರಾಮದ ಹತ್ತಿರ 1100 ಎಂಎಸ್, ಶೋರ್ ಗುಂಬಜ್‍ರಿಂಗ್ ರಸ್ತೆ ಡಬರಾಬಾದ ಕ್ರಾಸ್ ಹತ್ತಿರ 900ಎಂಎಸ್/315ಎಂಎಂ ಹೆಚ್‍ಡಿಪಿಇ ಹಾಗೂ ಎಸ್.ಬಿ ಟೆಂಪಲ್ ರಸ್ತೆ ಮುಕ್ತಾಂಬಿಕಾ ಕಾಲೇಜು ಎದುರುಗಡೆಯಿರುವ 750 ಪಿ.ಎಸ್.ಸಿ ಕೊಳವೆ ಮಾರ್ಗಗಳಲ್ಲಿ ಸೋರುವಿಕೆ ಕಂಡು ಬಂದ ಪ್ರಯುಕ್ತ ಇದರ ತುರ್ತು ದುರಸ್ತಿ ಕಾರ್ಯವನ್ನು ಕೈಗೊಳ್ಳಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.
