ನವದೆಹಲಿ,.ಮಾ.30- ದಕ್ಷಿಣ ಫಿಲಿಪೈನ್ಸ್‌ನ ಅಂತರ-ದ್ವೀಪ ಪ್ರಯಾಣಿಕ ದೋಣಿಯಲ್ಲಿ ಸಂಭವಿಸಿದ ಬೆಂಕಿ ದುರಂತದಲ್ಲಿ ಕನಿಷ್ಠ 31 ಜನರು ಸಾವನ್ನಪ್ಪಿದ್ದಾರೆ ಎಂದು ಕರಾವಳಿ ಕಾವಲು ಪಡೆ ತಿಳಿಸಿದೆ.
ಮೃತಪಟ್ಟವರಲ್ಲಿ ಆರು ತಿಂಗಳ ಮಗುವೂ ಸೇರಿದೆ. ಬಸಿಲನ್ ದ್ವೀಪದಲ್ಲಿ ರಾತ್ರಿ 11 ಗಂಟೆ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿದ್ದು, ಕಾರಣ ಪತ್ತೆ ಹಚ್ಚಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ.
ಬೆಂಕಿ ಪ್ರಾರಂಭವಾದಾಗ, ಹೆಚ್ಚಿನ ಪ್ರಯಾಣಿಕರು ದೋಣಿಯ ಕೆಳಗಿನ ಡೆಕ್‌ನಲ್ಲಿ ಹವಾನಿಯಂತ್ರಿತ ಕ್ಯಾಬಿನ್‌ಗಳಲ್ಲಿ ಮಲಗಿದ್ದರು. ಇದರಿಂದ ಹೆಚ್ಚಿನ ಮಂದಿಯ ಸಾವಿಗೆ ಕಾರಣವಾಗಿದೆ ಎಂದು ಹೇಳಿದ್ದಾರೆ.
“ಆರಂಭದಲ್ಲಿ 10 ಮಂದಿ ಮುಳುಗಿ ಸಾವನ್ನಪ್ಪಿದರು. ಕ್ಯಾಬಿನ್‌ನಲ್ಲಿ ಹಡಗಿನಲ್ಲಿ ಇನ್ನೂ 18 ಮಂದಿಯನ್ನು ಪತ್ತೆ ಮಾಡಿದೆವು.ಸಂಪೂರ್ಣವಾಗಿ ಸುಟ್ಟುಹೋಗಿದ್ದಾರೆ” ಎಂದು ದಕ್ಷಿಣ ಮಿಂಡಾನಾವೊ ಪ್ರದೇಶದ ಕೋಸ್ಟ್ ಗಾರ್ಡ್ ಮುಖ್ಯಸ್ಥ ಕಮೋಡೋರ್ ರೆಜಾರ್ಡ್ ಮಾರ್ಫೆ ತಿಳಿಸಿದ್ದಾರೆ.
ಹಡಗಿನಲ್ಲಿದ್ದವರ ಸಂಖ್ಯೆ ಸಂಪೂರ್ಣವಾಗಿ ಸ್ಪಷ್ಟವಾಗಿಲ್ಲ, ಆದರೆ ಅಧಿಕಾರಿಗಳು ದೋಣಿ ಓವರ್‌ಲೋಡ್ ಆಗಿಲ್ಲ ಎಂದು ಹೇಳಿದ್ದಾರೆ ಎಂದು. ಕರಾವಳಿ ಕಾವಲು ಪಡೆ ಹೇಳಿದೆ
35 ಸಿಬ್ಬಂದಿ ಸೇರಿದಂತೆ ಒಟ್ಟು 230 ಜನರನ್ನು ರಕ್ಷಿಸಲಾಗಿದೆ ಎಂದು ಕರಾವಳಿ ಕಾವಲು ಪಡೆ ತಿಳಿಸಿದೆ. ಬೆಂಕಿ ಪ್ರಾರಂಭವಾದ ನಂತರ ದೋಣಿಯಲ್ಲಿ “ಅವ್ಯವಸ್ಥೆ ಇತ್ತು” ಎಂದು ತಿಳಿಸಲಾಗಿದೆ.
ಹಡಗಿನಲ್ಲಿದ್ದ ಮಂದಿಯನ್ನು ರಕ್ಷಿಸುವ ಮೊದಲು ಅವರು ದೋಣಿಯಿಂದ ಹಾರಿ ಇನ್ನೊಬ್ಬ ಪ್ರಯಾಣಿಕರೊಂದಿಗೆ ಫ್ಲೋಟರ್ ಅನ್ನು ಹಂಚಿಕೊಂಡರು ಎಂದು ಮೂಲಗಳು ತಿಳಿಸಿವೆ
ಫಿಲಿಪೈನ್ಸ್ ಹಲವಾರು ಕಡಲ ಅಪಘಾತಗಳನ್ನು ಹೊಂದಿದೆ, ಹಡಗುಗಳು ಸಾಮಾನ್ಯವಾಗಿ ಕಿಕ್ಕಿರಿದು ತುಂಬಿರುತ್ತವೆ ಮತ್ತು ಅನೇಕ ವಯಸ್ಸಾದ ಹಡಗುಗಳು ಇನ್ನೂ ಬಳಕೆಯಲ್ಲಿವೆ. ಮೇ ತಿಂಗಳಲ್ಲಿ, 134 ಜನರನ್ನು ಹೊತ್ತೊಯ್ಯುತ್ತಿದ್ದ ಹೈಸ್ಪೀಡ್ ಫಿಲಿಪೈನ್ ದೋಣಿಯಲ್ಲಿ ಬೆಂಕಿ ಕಾಣಿಸಿಕೊಂಡ ನಂತರ ಕನಿಷ್ಠ ಏಳು ಜನರು ಸಾವನ್ನಪ್ಪಿದರು.
