ಪ್ರತಿಭಾ ಕಾರಂಜಿ ಕಾರ್ಯಕ್ರಮ : ಜ್ಞಾನ ಹೊರಹಾಕಲು ಉತ್ತಮ ವೇದಿಕೆ

ಅರಕೇರಾ,ಜು.೨೭- ಪ್ರತಿಭಾ ಕಾರಂಜಿ ಕಾರ್ಯಕ್ರಮ ಹಮ್ಮಿಕೊಳ್ಳುವದರಿಂದ ಮಕ್ಕಳಲ್ಲಿ ಅಡಗಿರುವ ಜ್ಞಾನ ಹೊರ ಹಾಕಲು ಇದೊಂದು ಉತ್ತಮ ವೇದಿಕೆಯಾಗಿದೆಂದು ಬಿಜೆಪಿ ಹಿರಿಯ ಮುಖಂಡರಾದ ಕೆ.ಅನಂತರಾಜನಾಯಕ ಹೇಳಿದರು.
ಅವರು ಅರಕೇರಾ ಗ್ರಾಮದಲ್ಲಿನ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮಾಲಿಗೌಡರ ಓಣಿಯಲ್ಲಿ ಮಂಗಳವಾರ ದಿವಸದಂದು ಹಮ್ಮಿಕೊಂಡಿದ್ದ ಶಾಲಾ ಹಂತದ ಪ್ರತಿಭಾ ಕಾರಂಜಿ ಸ್ಪರ್ಧೆಯಲ್ಲಿ ಭಾಗವಹಿಸಿ ಮಾತನಾಡಿದ ಅವರು ಪ್ರತಿಯೊಬ್ಬ ಮಕ್ಕಳಲ್ಲಿ ತನ್ನದೇಯಾದ ಪ್ರತಿಭೆ ಹಾಗೂ ಜ್ಞಾನ ಮತ್ತು ಕಲೆ ಇರುತ್ತದೆ ಅದನ್ನು ಇಂತಹ ಕಾರ್ಯಕ್ರಮದಲ್ಲಿ ಭಾಗವಹಿಸಿದಾಗ ಅವರಲ್ಲಿ ಅಡಗಿರುವ ಪ್ರತಿಭೆಯನ್ನು ಹೊರಬರಲು ಸಾಧ್ಯವೆಂದರು.ಇದಕ್ಕೆ ಪಾಲಕರು ತಮ್ಮ ಮಕ್ಕಳಿಗೆ ಪ್ರೋತ್ಸಾಹ ನೀಡುವಂತೆ ತಿಳಿಸಿದರು.
ಮಕ್ಕಳು ಕೇವಲ ಪಠ್ಯಪುಸ್ತಗಳಿಗೆ ಸೀಮಿತರಾಗಬಾರದು ಅವರಲ್ಲಿರುವ ಜ್ಞಾನವನ್ನು ತಿಳಿದುಕೊಂಡು ಅವರ ಪ್ರತೀಬೆಯನ್ನುಹೊರಹಾಕಲು ತೋರಿಸಲು ಶಿಕ್ಷಕರು ಮುಂದೆ ಬರಬೇಕೆಂದರು.
ಈ ಸಂದರ್ಭದಲ್ಲಿ ಶಾಲಾಸುಧಾರಣಾ ಸಮಿತಿಯ ಅಧ್ಯಕ್ಷರಾದ ಹನುಮಯ್ಯ ಖಾನಾಪೂರು, ಸದಸ್ಯರುಗಳಾದ ವೆಂಕಟೇಶ ಗೌಡ ಮಾಲಿಗೌಡ ,ಶರಣಪ್ಪ ಖಾನಾಪುರು, ಭೀಮಣ್ಣ, ಮುಖ್ಯೋಪಾದಯ್ಯರಾದ ವೆಂಕಟೇಶ ಚಿಲ್ಲಿಗೇರಿ ,ಶಿಕ್ಷಕವೃಂದವರು ಅತಿಥಿ ಶಿಕ್ಷಕರು , ಶಾಲಾ ಮಕ್ಕಳು ಭಾಗವಹಿಸಿದ್ದರು. ನೀರೂಪಣೆ ವೆಂಕಟೇಶ ಚಿಲ್ಲೀಗೇರಿ ,ಮಂಜುನಾಥ ಪೂಜಾರಿ ಸ್ವಾಗತಿಸಿ ಕೊನೆಯಲ್ಲಿ ವಂದಿಸಿದರು.