ಪಾಸ್ತಾ ಮಾಡುವ ವಿಧಾನ

ಬೇಕಾಗುವ ಸಾಮಾಗ್ರಿಗಳು
೧ ಕಪ್ ಪಾಸ್ತಾ
ಅರ್ಧ ಕಪ್ ಕತ್ತರಿಸಿದ ಮಿಶ್ರ ತರಕಾರಿಗಳು ( ಕ್ಯಾರೆಟ್, ಕ್ಯಾಪ್ಸಿಕಂ, ಜೋಳ, ಹಸಿ ಬಟಾಣಿ, ಹೂಕೋಸು, ಬ್ರೊಕೋಲಿ, ಈರುಳ್ಳಿ ಗಿಡ, ಎಲೆಕೋಸು ಮತ್ತು ಬೀನ್ಸ್ ಇವುಗಳಲ್ಲಿ ಆಯ್ಕೆ ಮಾಡಿ)
೧ ಟೇಬಲ್ ಚಮಚ ಮೈದಾ
ಅರ್ಧ ಕಪ್ ಹಾಲು
ಅರ್ಧ ಕಪ್ ನೀರು
ಕಾಲು ಟೀ ಸ್ಪೂನ್ ಪಾಸ್ತಾ ಅಥವಾ ಪಿಜ್ಜಾ ಮಸಾಲೆ ಪುಡಿ
ಕಾಲು ಚಮಚ ಕಾಳುಮೆಣಸಿನ ಪುಡಿ
೨ ಟೇಬಲ್ ಚಮಚ ಬೆಣ್ಣೆ
೨ ? ೩ ಎಸಳು ಬೆಳ್ಳುಳ್ಳಿ
ನಿಮ್ಮ ರುಚಿ ಪ್ರಕಾರ ಉಪ್ಪು
ಮಾಡುವ ವಿಧಾನ:
ಒಂದು ಬಾಣಲೆಗೆ ಒಂದು ಟೇಬಲ್ ಚಮಚ ಬೆಣ್ಣೆ ಹಾಕಿ ಬಿಸಿ ಮಾಡಿ. ಕತ್ತರಿಸಿದ ಬೆಳ್ಳುಳ್ಳಿ ಹಾಕಿ ಹುರಿಯಿರಿ. ಅದಕ್ಕೆ ಕತ್ತರಿಸಿದ ತರಕಾರಿ ಸೇರಿಸಿ ಹುರಿದು ಪಕ್ಕಕ್ಕಿಡಿ. ಸ್ವಲ್ಪ ಹುರಿದರೆ ಸಾಕು. ನಂತ್ರ ಅದೇ ಬಾಣಲೆಗೆ ಉಳಿದ ಇನ್ನೊಂದು ಚಮಚ ಬೆಣ್ಣೆ ಹಾಕಿ ಬಿಸಿ ಮಾಡಿ. ಮೈದಾ ಹಿಟ್ಟು ಮತ್ತು ಹಾಲು ಹಾಕಿ ಗಂಟಿಲ್ಲದಂತೆ ಮಗುಚಿ. ನಂತರ ಅದಕ್ಕೆ ಅರ್ಧ ಕಪ್ ನೀರು ಹಾಕಿ ಕುದಿಸಿ. ಅದಕ್ಕೆ ಬೇಯಿಸಿದ ಪಾಸ್ತಾ ಮತ್ತು ಹುರಿದ ತರಕಾರಿ ಸೇರಿಸಿ. ಪಾಸ್ತಾ ಅಥವಾ ಪಿಜ್ಜಾ ಮಸಾಲೆ ಪುಡಿ ಮತ್ತು ಕಾಳುಮೆಣಸಿನ ಪುಡಿ ಹಾಕಿ. ಉಪ್ಪು ಹಾಕಿ ಮತ್ತು ಬೇಕಾದಲ್ಲಿ ಸ್ವಲ್ಪ ನೀರು ಸೇರಿಸಿ ಮಗುಚಿ. ಸ್ಟವ್ ಆಫ್ ಮಾಡಿ. ಸವಿದು ಆನಂದಿಸಿ.