ಪಠ್ಯೇತರ ಚಟುವಟಿಕೆಗಳಿಂದ ಮಕ್ಕಳ ಸವಾರ್ಂಗೀಣ ಅಭಿವೃದ್ಧಿ : ಮಲಶೆಟ್ಟಿ ಚಿದ್ರೆ

ಸಂಜೆವಾಣಿ ವಾರ್ತೆ
ಔರಾದ :ಜ.18: ಮಕ್ಕಳ ಸವಾರ್ಂಗೀಣ ಅಭಿವೃದ್ಧಿಯೇ ಶಿಕ್ಷಣದ ಆಶಯವಾಗಿದ್ದು, ಮಕ್ಕಳಿಗೆ ಉತ್ತಮ ವಾತಾವರಣ ಸೃಷ್ಟಿಸುವ ಜವಾಬ್ದಾರಿ ಶಿಕ್ಷಕರು ಮತ್ತು ಪೆÇೀಷಕರ ಮೇಲಿದೆ, ಪಠ್ಯದ ಜೊತೆಗೆ ಪಠ್ಯೇತರ ಚಟುವಟಿಕೆಗಳಲ್ಲಿ ಮಕ್ಕಳನ್ನು ಗುರುತಿಸಿದಾಗ ಮಕ್ಕಳ ಸವಾರ್ಂಗೀಣ ಅಭಿವೃದ್ಧಿ ಸಾಧ್ಯ ಎಂದು ಗ್ರೇಡ್ -2 ತಹಸೀಲ್ದಾರ ಮಲಶೆಟ್ಟಿ ಚಿದ್ರೆ ನುಡಿದರು.
ಪಟ್ಟಣದ ಎಮ್.ನಾಮದೇವರಾವ ತಾರೆ ಚಾರಿಟೇಬಲ್ ಟ್ರಸ್ಟನ ಎಮ್.ಎನ್.ಟಿ ಶಾಲೆಯ 6ನೇ ವಾರ್ಷಿಕೋತ್ಸವ ಹಾಗೂ ಸ್ವಾಮಿ ವಿವೇಕಾನಂದರ ಜಯಂತಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು ಮಕ್ಕಳು ಸ್ವಾಮಿ ವಿವೇಕಾನಂದರ ಆದರ್ಶ ತತ್ವಗಳನ್ನು ಮೈಗೂಡಿಸಿಕೊಂಡು, ಅಭ್ಯಾಸದ ಜೊತೆಗೆ ಸಾಂಸ್ಕøತಿಕ, ಸಾಮಾಜಿಕವಾಗಿ ಗುರುತಿಸಿಕೊಳ್ಳಬೇಕು, ಜಾಗತಿಕ ಜ್ಞಾನ ಮಕ್ಕಳಿಗೆ ಪರಿಚಯ ಮಾಡಿ ಕೊಡುವುದು ಶಾಲೆಯ ಕಾರ್ಯವಾಗಿದೆ, ಅದನ್ನು ಎಮ್.ಎನ್.ಟಿ ಶಾಲೆ ಮಾಡುತ್ತಿದೆ ಎಂದರು.
ಎಮ್.ನಾಮದೇವರಾವ ತಾರೆ ಚಾರಿಟೇಬಲ್ ಟ್ರಸ್ಟನ ಕಾರ್ಯದರ್ಶಿ ನಾಗಸೇನ ತಾರೆ ಅವರು ಮಾತನಾಡಿ ನಮ್ಮ ಶಿಕ್ಷಣ ಸಂಸ್ಥೆಯ ವಿದ್ಯಾರ್ಥಿಗಳಿಗೆ ಕೇವಲ ಪಠ್ಯಕ್ಕೆ ಸಿಮಿತವಾಗಿರದೆ, ಪಠ್ಯೇತರ ಚಟುವಟಿಕೆಗಳಲ್ಲಿ ತೊಡಗವ ಮೂಲಕ ಅವರ ಸವಾರ್ಂಗಿಣ ವಿಕಾಸ ಮಾಡುವ ಗುರಿ ಹೊಂದಿದೆ.
ವಿದ್ಯಾರ್ಥಿಗಳಿಗೆ ಶಿಕ್ಷಣದ ಜೊತೆಗೆ ವಿದ್ಯಾರ್ಥಿ ಜೀವನದ ಅರ್ಥ, ನೈತಿಕ ಮೌಲ್ಯಗಳು, ಸಾಮಾಜಿಕ ಮೌಲ್ಯಗಳು, ಸಾಂವಿಧಾನಿಕ ಮೌಲ್ಯಗಳು, ವೃತಿಪರ ಮೌಲ್ಯಗಳು ಅರಿತುಕೊಳ್ಳುವರು. ಮನೋವಿಜ್ಞಾನ ಆಧಾರಿತ ಬೋಧನೆಯನ್ನು ಮಾಡಲಾಗುತ್ತಿದೆ, ಸ್ವಾಮಿ ವಿವೇಕಾನಂದ, ಮಹಾತ್ಮ ಗಾಂಧಿ, ಡಾ. ಅಂಬೇಡ್ಕರ ಮಹಾನ ದಾರ್ಶನಿಕರ ಸಿದ್ಧಾಂತಗಳ ಪರಿಚಯ ಮಾಡುವುದರ ಮೂಲಕ ಮಕ್ಕಳ ಸರ್ವತೋಮುಖ ಅಭಿವೃದ್ಧಿಗೆ ಒತ್ತು ನೀಡಲಾಗುತ್ತಿದೆ ಎಂದರು.
ಈ ಸಂದರ್ಭದಲ್ಲಿ ಪೂಜ್ಯ ಭಂತೆ ಜ್ಞಾನಜ್ಯೋತಿ ದ ಸಾನಿಧ್ಯ ವಹಿಸಿದರು. ಸಂಸ್ಥೆಯ ಅಧ್ಯಕ್ಷೆ ಲಕ್ಷ್ಮಿಬಾಯಿ ತಾರೆ, ಮುಖ್ಯ ಅತಿಥಿಗಳಾಗಿ ಕನ್ನಡ ಚಲನಚಿತ್ರ ನಾಯಕಿ ಸುಮಾ ರಾಜಕುಮಾರ್, ಛಾಯಾ ಜಕಾತೆ, ಕೃಷ್ಣ ಪಾಟೀಲ, ಆರೀಫ್ ಅಹಮದ್, ಡಾ. ಮನ್ಮಥ ಡೋಳೆ, ನಾಗನಾಥ ಚಿಟ್ಮೆ, ಪತ್ರಕರ್ತ ಶಿವಕುಮಾರ ಮುಕ್ತೆದಾರ, ಜ್ಯೋತಿ ತಾರೆ, ದೀಪಕ ಕಾಂಬಳೆ, ಸ್ವಾಮಿದಾಸ ಮೇತ್ರೆ, ಅಶೋಕ, ಅಂಬಾದಾಸ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.