ಕಠ್ಮಂಡ್, ಮಾ.9- ನೇಪಾಳದ ನೂತನ ಅಧ್ಯಕ್ಷ ಸ್ಥಾನಕ್ಕಾಗಿ ನಡೆದ ಚುನಾವಣೆಯಲ್ಲಿ ನೇಪಾಳಿ ಕಾಂಗ್ರೆಸ್ ಹಿರಿಯ ನಾಯಕ ರಾಮ್ ಚಂದ್ರ ಪೌಡೆಲ್
ಆಯ್ಕೆಯಾಗಿದ್ದಾರೆ.
ಇಂದು ನಡೆದ ಮತದಾನಲ್ಲಿ 8 ಪಕ್ಷಗಳ ಮೈತ್ರಿಕೂಟದ ಬೆಂಬಲದೊಂದಿಗೆ ರಾಮ್ ಚಂದ್ರ ಪೌಡೆಲ್ ಅವರು 33 ಸಾವಿರದ 802 ಒಟ್ಟು ಮತಗಳ ಮೌಲ್ಯಗಳ ಪಡೆಯುವ ಮೂಲಕ ಆಯ್ಕೆಯಾಗಿದ್ದಾರೆ.
ಪ್ರತಿಸ್ಪರ್ದಿ ಸಿಪಿಎನ್ – ಯುಎಂಎಲ್ ನ ಉಪಾಧ್ಯಕ್ಷ ಸುಭಾಷ್ ಚಂದ್ರ ನೆಂಬಾಂಗ್ ಅವರು 15 ಸಾವಿರದ 518 ಮತಗಳನ್ನು ಪಡೆಯುವ ಮೂಲಕ ನೇಪಾಳ ಚುನಾವಣಾ ಆಯೋಗ ತಿಳಿಸಿದೆ.
ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್‌ನ 275 ಸದಸ್ಯರು, ರಾಷ್ಟ್ರೀಯ ಅಸೆಂಬ್ಲಿಯ 59 ಮತ್ತು ಏಳು ಪ್ರಾಂತೀಯ ಅಸೆಂಬ್ಲಿಗಳಲ್ಲಿ 550 ಸದಸ್ಯರು ಸೇರಿದಂತೆ ಒಟ್ಟು 884 ಸದಸ್ಯರು ಅಧ್ಯಕ್ಷೀಯ ಚುನಾವಣೆಯಲ್ಲಿ ಮತ ಚಲಾವಣೆ ಮಾಡುವ ಅರ್ಹತೆ ಪಡೆದಿದ್ದರು.
ಫೆಡರಲ್ ಸಂಸತ್ತು ಮತ್ತು ಪ್ರಾಂತೀಯ ಅಸೆಂಬ್ಲಿಯಲ್ಲಿ ಯಾವುದೇ ಸ್ಥಾನ ಖಾಲಿ ಇಲ್ಲದಿದ್ದರೆ, ಚುನಾವಣಾ ಕಾಲೇಜಿನಲ್ಲಿ ಒಟ್ಟು 52,786 ಮತಗಳ ಮೌಲ್ಯದ ಮತ ಚಲಾವಣೆಯಾಗಿದ್ದವು.
ರಾಜಪ್ರಭುತ್ವದ ಪರ ಪಕ್ಷ ಮತದಾನದಿಂದ ದೂರ ಉಳಿದಿತ್ತು. ಅಧ್ಯಕ್ಷೀಯ ಚುನಾವಣೆಯಲ್ಲಿ ತಟಸ್ಥವಾಗಿರಲು ಕೇಂದ್ರ ಕಾರ್ಯಕಾರಿ ಸಮಿತಿ ನಿರ್ಧರಿಸಿದೆ ಎಂದು ಆರ್‌ಪಿಪಿ ವಕ್ತಾರ ಮೋಹನ್ ಶ್ರೇಷ್ಠಾ ಖಚಿತಪಡಿಸಿದ್ದಾರೆ.
ಆರ್ ಪಿಪಿ ಅಧ್ಯಕ್ಷರ ಯಾವುದೇ ಅಭ್ಯರ್ಥಿಯನ್ನು ಬೆಂಬಲಿಸಲಿಲ್ಲ . ಆರ್‌ಪಿಪಿ ಪಕ್ಷ ಅಧ್ಯಕ್ಷೀಯ ಚುನಾವಣೆಯ ಮುನ್ನಾದಿನದಂದು ಮತದಾನದಿಂದ ದೂರವಿರಲು ನಿರ್ಧರಿಸಿದೆ.ಹೀಗಾಗಿ ಪೌಡೆಲ್ ಮತ್ತು ನೆಂಬಾಂಗ್ ನಡುವೆ ತೀವ್ರ ಸ್ಪರ್ಧೆ ಎದುರಾಗಿದೆ.
