ನಾಳೆ ಅಭಿನಂದನಾ ಸಮಾರಂಭ

ಬಾದಾಮಿ, ಏ17: ಅಖಿಲ ಕರ್ನಾಟಕ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ, ಹಿಂದುಳಿದ ವರ್ಗ ಹಾಗೂ ಅಲ್ಪಸಂಖ್ಯಾತ ಸಮುದಾಯಗಳ ಒಕ್ಕೂಟದ ವತಿಯಿಂದ ಮಾಜಿ ಸೈನಿಕರಿಗೆ, ಸಾಧಕರಿಗೆ, ಕಲಾವಿದರಿಗೆ ಹಾಗೂ ಗಣ್ಯರಿಗೆ ಅಭಿನಂದನಾ ಸಮಾರಂಭವನ್ನು ಎ.18 ರಂದು ರವಿವಾರ ಬೆಳಿಗ್ಗೆ 10 ಗಂಟೆಗೆ ನಗರದ ಸಾಯಿ ಸಾಂಸ್ಕøತಿಕ ಭವನದಲ್ಲಿ ಹಮ್ಮಿಕೊಳ್ಳಲಾಗಿದೆ ಎಂದು ಸಂಘಟಕ, ನಿವೃತ್ತ ತಹಶೀಲ್ದಾರ್ ಭೀಮಪ್ಪ ತಳವಾರ ತಿಳಿಸಿದರು.
ಅವರು ಶುಕ್ರವಾರ ನಗರದ ತಾಲೂಕಾ ಕಾನಿಪ ಭವನದಲ್ಲಿ ಕರೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ಈ ಅಭಿನಂದನಾ ಸಮಾರಂಭದಲ್ಲಿ ಬಾದಾಮಿ ಮತ್ತು ಗುಳೇದಗುಡ್ಡ ತಾಲೂಕಿನ ಸುಮಾರು 100 ಕ್ಕೂ ಹೆಚ್ಚಿನ ವಿವಿದ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಸಾಧಕರು, ನಿವೃತ್ತ ಸೈನಿಕರು, ಕಲಾವಿದರನ್ನು ಸನ್ಮಾನಿಸಲಾಗುವುದು. ಕಾಯಕ ಮಾಡುವವರು, ಅಲ್ಪಸಂಖ್ಯಾತ, ಬಹುಸಂಖ್ಯಾತ, ಕಷ್ಟ ಸುಖ ಅವರೊಂದಿಗೆ ಬೆರೆಯಬೇಕು, ನಿತ್ಯ ಜೀವನದಲ್ಲಿ ಹೊಂದಾಣಿಕೆ ಇರಬೇಕು. ಎಲ್ಲ ಸಮುದಾಯದವರು ಸಮಾನ, ಹಿಂದುಳಿದ ಸಮುದಾಯದವರು ಸಮಾಜಕ್ಕೆ ಕೊಡುಗೆ ಕೊಡಲಿ, ಸಮಾಜದ ಕಾಳಜಿ ಇರಲಿ, ಎಲ್ಲ ಸಮಾದವರು ಎಲ್ಲ ರಂಗದಲ್ಲಿ ಸಬಲರಾಗಲಿ ಎಂಬ ಉದ್ದೇಶದಿಂದ ಇಂತಹ ವಿನೂತನ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂದರು.
ಮುಖಂಡ ಪಿ.ಎಸ್.ಕವಡಿಮಟ್ಟಿ ಮಾತನಾಡಿ ಸಾಮಾಜಿಕ ನ್ಯಾಯ ದೊರಕಿಸಲು ಎಲ್ಲ ಸಮಾಜದವರನ್ನು ಗುರುತಿಸಲಾಗಿದೆ. ಎಲೆಮರೆಯ ಕಾಯಿಯಂತೆ ಇರುವವರನ್ನು ಗುರುತಿಸಿ ಸಾಧಕರನ್ನು ಸನ್ಮಾನಿಸಲಾಗುವುದು ಎಂದರು. ಮುಖಂಡ ಪ್ರಕಾಶ ನಾಯ್ಕರ ಮಾತನಾಡಿ ಕಾಯಕ ಮಾಡುವವರು, ಸಮಾಜದ ಪ್ರತಿಯೊಂದು ಜನಾಂಗದವರನ್ನು ಗುರುತಿಸಿ ಸನ್ಮಾನಿಸಲು ಯೋಜನೆ ಹಾಕಿಕೊಳ್ಳಲಾಗಿದೆ ಎಂದರು.
ಕಾರ್ಯಕ್ರಮದಲ್ಲಿ ಗುಳೇದಗುಡ್ಡ ಶ್ರೀ ಜಗದ್ಗುರು ಗುರುಸಿದ್ದೇಶ್ವರ ಬ್ರಹನ್ಮಠದ ಶಿವಶರಣ ದೇವರು ಸಾನಿಧ್ಯ ವಹಿಸುವರು. ಸಹಕಾರ ಇಲಾಖೆಯ ನಿವೃತ್ತ ಜಂಟಿ ನಿರ್ದೇಶಕ ವೈ.ಎಸ್.ದೇವದಾಸರ, ಒಕ್ಕೂಟದ ಅಧ್ಯಕ್ಷ ದೇವರಾಜ ಪಾಳೇಗಾರ ಜ್ಯೋತಿ ಬೆಳಗಿಸುವರು. ಅಂಜುಮನ್ ಇಸ್ಲಾಂ ಕಮಿಟಿ ಮಾಜಿ ಚೇರಮನ್ ಎಸ್.ಎಸ್.ಸೌದಾಗಾರ ಅಧ್ಯಕ್ಷತೆ ವಹಿಸುವರು. ಸಮಾರಂಭದಲ್ಲಿ ವಾಲ್ಮೀಕಿ, ಭಜಂತ್ರಿ, ಸಮಗಾರ, ಲಂಬಾಣಿ, ಮಡಿವಾಳರ, ಇಸ್ಲಾಂ, ಗೊಂದಳಿ, ಶಿವಶಿಂಪಿ, ಅಂಬಿಗೇರ, ಮರಾಠ, ದೇವಾಂಗ, ಮೇದಾರ, ಉಪ್ಪಾರ ಸೇರಿದಂತೆ ಕಲಾವಿದರು, ನಿವೃತ್ತ ಸೈನಿಕರು, ಸಾಧಕರು ಸೇರಿದಂತೆ ವಿವಿದ ಸಮಾಜದ ಗಣ್ಯರು ಭಾಗವಹಿಸುವರು ಎಂದರು. ಗ್ರಾ.ಪಂ.ಸದಸ್ಯ ಪತ್ರಿಕಾಗೋಷ್ಠಿಯಲ್ಲಿ ಬಸವರಾಜ ತಳವಾರ, ಚೋಳಪ್ಪ ಮಾದರ, ನಾಗಪ್ಪ ದೊಡಮನಿ, ಕಲಾವಿದೆ ತಾರಾ, ರೇಣುಕಾ ಚಿಂತಾಕಲ್, ಕನಕಪ್ಪ ಪರಸನ್ನವರ, ಹಾಜರಿದ್ದರು.