ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆಯ ಕಾರ್ಯ ಶ್ಲ್ಯಾಘನೀಯ : ಲಮಾಣಿ

ಶಿರಹಟ್ಟಿ,ಡಿ24 ಶಿರಹಟ್ಟಿ ಹಾಗೂ ಮುಂಡರಗಿ ತಾಲೂಕಾ ಯೋಜನಾ ವ್ಯಾಪ್ತಿಯಲ್ಲಿ ಬರುವ ಸಂಘದ ಸದಸ್ಯರ ಹಾಗೂ ಮಕ್ಕಳ ಸರ್ವಾಂಗೀಣ ಅಭಿವೃದ್ಧಿಗಾಗಿ ಸದಾ ಶ್ರಮಿಸುತ್ತಿರುವ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಕಾರ್ಯ ಶ್ಲ್ಯಾಘನೀಯಎಂದು ಶಿರಹಟ್ಟಿ ತಾಲೂಕಾ ಸಿಪಿಐ ವಿಕಾಸ ಲಮಾಣಿ ಕರೆ ನೀಡಿದರು.

ಅವರು ಇತ್ತೀಚೆಗೆ ಪಟ್ಟಣದ ಗ್ರಾಮೀಣಾಭಿವೃದ್ದಿ ಸಂಸ್ಥೆಯಲ್ಲಿ ಪದವಿ ವಿದ್ಯಾರ್ಥಿಗಳಿಗೆ ಲ್ಯಾಪ್‍ಟ್ಯಾಪ್ ಮತ್ತು ಪ್ರೌಢ ಶಾಲಾ ವಿದ್ಯಾರ್ಥಿಗಳಿಗೆ ಟ್ಯಾಬ್ ವಿತರಿಸಿ ಮಾತನಾಡಿದರು.

ಜಿಲ್ಲಾ ಯೋಜನಾ ವ್ಯವಸ್ಥಾಪಕ ಶಿವಾನಂದ ಆಚಾರ್ಯ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಪ್ರಸ್ತುತ ವರ್ಷ ಕೋವಿಡ್-19ನಿಂದ ಸದಸ್ಯರಿಗೆ ಮಾಸ್ಕ್ ಸಾಮಾಜಿಕ ಅಂತರದ ಬಗ್ಗೆ 2530 ತರಬೇತಿಯನ್ನು ನೀಡಿದ್ದು, ಪ್ರೌಢ ಶಾಲಾ ವಿದ್ಯಾರ್ಥಿಗಳಿಗೆ-100 ಟ್ಯಾಬ್ ವಿತರಣೆ ಮತ್ತು ಪದವಿ ವಿದ್ಯಾಥಿಗಳಗೆ-50 ಲ್ಯಾಪ್‍ಟಾಪ್, 21 ಶಾಲೆಗಳಲ್ಲಿ ದುಷ್ಚಟಗಳ ಬಗ್ಗೆ ಅರಿವು ಮೂಡಿಸಲಾಗಿದೆ. ವಿಕಲ ಚೇತನರಿಗೆ ಪೂರಕ ಪರಿಕಾರ 200 ನಿಡಿದ್ದು, 52 ಜನ ನಿರ್ಗತಿಕರಿಗೆ ಪ್ರತಿ ತಿಂಗಳು ಮಾಸಾಶನ ನೀಡಲಾಗುತ್ತಿದೆಂದು ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ತಾಲೂಕ ಯೋಜನಾಧಿಕಾರಿ ಶಿವಣ್ಣ. ಎಸ್ ಸ್ವಾಗತಿಸಿದರು, ಮಾಧವ ನಾಯ್ಕ್ ಚಂದ್ರಕಲಾ ವಿದ್ಯಾರ್ಥಿಗಳು ಪೋಷಕರು ತಾಂತ್ರಿಕ ಸಹಾಯಕರು ಹಾಜರಿದ್ದರು. ಗಜೇಂದ್ರ ನಿರೂಪಿಸಿ ವಂದಿಸಿದರು.